សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងរយៈពេលជិត៣ឆ្នាំចុងក្រោយនេះ ស្ថានភាពនៃវិស័យអចលនទ្រព្យនៅកម្ពុជាបានជួបប្រទះនឹងបញ្ហាប្រឈមដែលបណ្តាលមកពីវិបត្តិកូវីដ-១៩ រួមជាមួយបញ្ហាសង្គ្រាមរាំរ៉ៃរវាងអ៊ុយក្រែន និងរុស្ស៊ី ដែលធ្វើឱ្យសកម្មភាពនៃការទិញលក់អចលនទ្រព្យស្ទើរតែគ្រប់ផ្នែកបានថមថយចុះ ។ ប៉ុន្តែតាមរយៈ យុទ្ធសាស្ត្ររបស់រាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រី បានធ្វើឱ្យសកម្មភាពសេដ្ឋកិច្ចក្នុងប្រទេសរក្សាបានភាពមមាញឹក ជាពិសេសនៅចុងឆ្នាំ២០២២នេះតែម្ដង ហើយនៅដើមឆ្នាំ២០២៣ វិស័យដីធ្លី និងអចលនទ្រព្យស្ទើរគ្រប់ផ្នែនឹងមានភាពរស់រវើកឡើងវិញ។
លោក សំ សីហា ប្រធានសាខានៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តសៀមរាបបានមានប្រសាសន៍ប្រាប់ AMS ឱ្យដឹងថា បើធៀបនឹងរយៈប៉ុន្មានខែមុនក្នុងឆ្នាំ២០២២ ឃើញថាពេលនេះស្ថានភាព និងទីផ្សារអចលនទ្រព្យនៅក្នុងខេត្តសៀមរាបមានសញ្ញាវិជ្ជមានបន្តិចឡើងវិញ និងជាការល្អសម្រាប់ស្ថានភាពអចលនទ្រព្យនៅក្នុងខេត្តសៀមរាបនាឆ្នាំក្រោយ។
លោកបន្តថា ៖ នៅរយៈពេលចុងក្រោយនេះ ខេត្តសៀមរាបមានភ្ញៀវទេសចរក្នុងស្រុកធ្វើដំណើរកម្សាន្តច្រើនដែលជំរុញឱ្យវិស័យសណ្ឋាគារ ភោជនីយដ្ឋានក្នុងខេត្តមានសកម្មភាពឡើងវិញបន្តិច ហើយភ្ញៀវបរទេសដែលចូលមកកាន់ខេត្តសៀមរាបក៏ឃើញថាប្រសើរជាងឆ្នាំមុនដែរ។ ទាំងនេះសុទ្ធតែជាសញ្ញាបង្ហាញពីភាពវិជ្ជមាននៃស្ថានភាពទីផ្សារអចលនទ្រព្យនៅក្នុងឆ្នាំ២០២៣ និងឆ្នាំបន្តបន្ទាប់ នឹងមានភាពល្អប្រសើរ ។
លោកបន្ថែមឱ្យដឹងថា ជាទស្សនវិស័យរបស់លោកផ្ទាល់ លោករំពឹងថាទីផ្សារអចលនទ្រព្យនៅក្នុងប្រទេសកម្ពុជា ទាំងមូលក៏ដូចជាទីផ្សារអចលនទ្រព្យនៅខេត្តសៀមរាបនឹងមានភាពប្រសើរជាង៣ឆ្នាំកន្លង បើទោះបីជាស្ថានភាពមិនទាន់អាចដូចនឹងមុនពេលមានកូវីដ១៩ក៏ដោយ ។
លោក ហេង តុងហៃ ប្រធានសាខានៃក្រុមហ៊ុនអចលនទ្រព្យប្រចាំខេត្តប៉ៃលិនក៏បានបង្ហាញពីភាពសុទិដ្ឋិនិយមចំពោះស្ថានភាពអចលនទ្រព្យកម្ពុជា និងស្ថានភាពអចលនទ្រព្យនៅខេត្តប៉ៃលិនផងដែរ ដែលនឹងចាប់ផ្ដើមល្អប្រសើរឡើងវិញនៅឆ្នាំ២០២៣ខាងមុខនេះ ក្រោយពីស្ថានភាពនៃវិស័យនេះ បានជួបបញ្ហាតាំងពីពេលមានការរាតត្បាតដោយកូវីដ-១៩ក្នុងអំឡុងដើមឆ្នាំ២០២០មកម្ល៉េះ ។
ដោយឡែក លោកថា ថេង ជាភ្នាក់ងារអចលនវត្ថុមួយរូបប្រចាំខេត្តស្វាយរៀងក៏បានឱ្យដឹងផងដែរថា នៅចុងឆ្នាំ២០២២នេះ វិនិយោគិនក្នុងស្រុកហាក់មានការចាប់អារម្មណ៍មកលើទីផ្សារអចលនទ្រព្យក្នុងខេត្តស្វាយរៀងច្រើន ដោយពួកគេបានចុះមកសិក្សាលើគម្រោងវិនិយោគនានាក្នុងខេត្តនេះ ។
លោកបន្តថា អ្វីដែលជាការកត់សម្គាល់នោះ គឺក្រោយពីរដ្ឋាភិបាលបានបង្ហាញពីគម្រោងសាងសង់ផ្លូវល្បឿនលឿនភ្នំពេញ-បាវិត ឃើញថាមានការចាប់អារម្មណ៍ច្រើន ប៉ុន្តែភាគច្រើនគឺជាវិនិយោគិនក្នុងស្រុក ដោយមិនទាន់មានវិនិយោគិនបរទេសចូលមកសិក្សានៅឡើយទេ។ យ៉ាងណាក្ដី លោករំពឹងថាស្ថានភាពអចលនទ្រព្យនឹងប្រសើរឡើងបន្ថែមទៀតនៅឆ្នាំ២០២៣ និងឆ្នាំបន្តបន្ទាប់។ ជាពិសេសក្រោយពេលកម្ពុជារៀបចំនូវព្រឹត្តិការណ៍អន្តរជាតិដ៏ធំជាប្រវត្តិសាស្ត្រនៃការប្រកួតកីឡាស៊ីហ្គេម ដូច្នេះតាមរយៈព្រឹត្តិការណ៍នេះនឹងធ្វើឱ្យបរទេសស្គាល់កម្ពុជាកាន់តែច្រើនបន្ថែមទៀត ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content