សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ រាជរដ្ឋាភិបាលកម្ពុជាតាមរយៈក្រុមការងារតម្រង់ទិសចុះវាស់វែងកំណត់និយាមកាក្បាលដី និងកំណត់អត្តសញ្ញាណកាន់កាប់ដីធ្លីក្នុងតំបន់រមណីយដ្ឋានអង្គរបានសម្រេចរៀបចំហេដ្ឋារនាសម្ព័ន្ធផ្លូវ និងដីឡូតិ៍ នៅតំបន់រុនតាឯកខេត្តសរៀមរាប ចំនួន ៦ ០០៥ឡូត៍ សម្រាប់ចែកជូនពលរដ្ឋ តាមរយៈការចាប់ឆ្នោត ដែលត្រូវរុះរើសំណង់ខុសច្បាប់ចេញពីតំបន់រមណីយដ្ឋានអង្គរ។
ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារតម្រង់ទិស ចុះវាស់វែងកំណត់និយាមកាក្បាលដី និងកំណត់អត្តសញ្ញាណកាន់កាប់ដីធ្លីក្នុងតំបន់រមណីយដ្ឋានអង្គរបានឱ្យដឹងថា ក្រសួងបានធ្វើលិខិតសុំគោលការណ៍ពីប្រមុខរាជរដ្ឋាភិបាល ដើម្បីឱ្យកងវិស្វកម្មសម្តេចតេជោរៀបចំ ហេដ្ឋារចនាសម្ព័ន្ធនៅតំបន់រុនតាឯក និងដីឡូត៍ចំនួន ៦ ០០៥ ដីឡូត៍សម្រាប់ចែកជូនពលរដ្ឋ។
ឯកឧត្តមឧបនាយករដ្ឋមន្ត្រី ជា សុផារ៉ា បន្តថា ទោះជាយ៉ាងណា ដីឡូត៍ចំនួន ៦ ០០៥ ដីឡូត៍ដែលមានទំហំ ២០ × ៣០ ម៉ែត្រនេះ មិនមែនចេះតែចែកឱ្យពលរដ្ឋនោះទេ ទាល់តែប្រជាពលរដ្ឋទាំងនោះមានលក្ខណៈគ្រប់គ្រាន់ ខណៈដែលការរៀបចំហេដ្ឋារចនាសម្ព័ន្ធនៅតាមដងស្ទឹងសៀមរាប ប្រជាពលរដ្ឋដែលរើចេញ ក៏បានទៅនៅតំបន់នោះដែរ។
គួរកត់សម្គាល់ផងដែរថា នៅក្នុងរមណីយដ្ឋានអង្គរមានសំណង់ខុសច្បាប់ប្រមាណជាង ៨ពាន់សំណង់ ដែលជាសំណង់ខុសច្បាប់ និងប្រជាពលរដ្ឋដែលគ្រប់លក្ខខណ្ឌតម្រូវរុះរើទៅតំបន់រុនតាឯក ដែលរាជរដ្ឋាភិបាលចែកជូន។
ជាមួយគ្នានេះ ឯកឧត្តមឧបនាយករដ្ឋមន្ត្រីបានប្រាប់អាជ្ញាធរខេត្តថា ចាប់ពីពេលបើកយុទ្ធនាការនេះ អាជ្ញាធរទាំងអស់ត្រូវបញ្ចប់ការទទួលស្គាល់ការធ្វើជាសាក្សីក្នុងសកម្មភាពលក់ដូរដីក្នុងតំបន់រមណីយដ្ឋានអង្គរ ដែលគ្រប់គ្រងដោយអាជ្ញាធរជាតិអប្សរា។ តំបន់អង្គរ ជាទឹកដីស័កិ្តសិទ្ធិ មិនអាចយកផលប្រយោជន៍បុគ្គលឯកជនគ្រួសារបានទេ។ អ្នកដែលរំលោភបំពាន នឹងទទួលតែការឈឺចាប់ និងវិនាសតពូជ តពង្ស វង្សត្រកូល។ គណ:កម្មការអន្តរក្រសួងកាលពីកន្លងទៅ បាន រៀបចំហេដ្ឋារចនាសម្ព័ន្ធក្នុងតំបន់អភិវឌ្ឍន៍រុនតាឯក ស្ថិតនៅក្នុង ស្រុកបន្ទាយស្រី ខេត្តសៀមរាប ដើម្បីសម្រួលដល់ការរស់នៅរបស់ប្រជាពលរដ្ឋនៅក្នុងតំបន់នេះ ដោយក្នុងនោះរៀបចំឱ្យមាន តំបន់រដ្ឋបាល តំបន់ផ្ទៃទឹក សាលារៀន មណ្ឌលសុខភាព ផ្សារ តំបន់សាសនា តំបន់បៃតង សួនលម្អសាធារណៈ និងតំបន់លំនៅឋាន ដែលសាងសង់ឡើងដើម្បីបង្កលក្ខណៈងាយស្រួលក្នុងការរស់នៅប្រចាំថ្ងៃ និងប្រកបរបរចិញ្ចឹមជីវិត៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 28/07/2026
ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ
អាម៉េរិក កំណត់ពន្ធគយ ១០% លើទំនិញនាំចូលពីកម្ពុជា ប៉ុន្តែលើកលែងលើទំនិញគ្រាប់ស្វាយចន្ទី និងសម្លៀកបំពាក់
Top News, ព្រឹត្តិការណ៍, សេដ្ឋកិច្ច
• 24/07/2026
អាម៉េរិកសម្រេចកំណត់ពន្ធគយ ១០% លើទំនិញនាំចូលពីកម្ពុជាក្រោមមាត្រា៣០១ ប៉ុន្តែផ្តល់ការលើកលែងលើទំនិញគ្រាប់ស្វាយចន្ទី និងសម្លៀកបំពាក់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content