កម្ពុជា ក្នុងនាមជាម្ចាស់ផ្ទះរៀបចំវេទិកាតំបន់ស្ដីពី 3R និងសេដ្ឋកិច្ចចក្រា ប្ដេជ្ញាចូលរួមធ្វើឱ្យតំបន់អាស៊ី និងប៉ាស៊ីហ្វិកគ្មានសំណល់

សៀមរាប ៖ នាថ្ងៃទី៨ ខែកុម្ភៈ ឆ្នាំ២០២៣ ជាថ្ងៃដែលក្រសួងបរិស្ថាននៃព្រះរាជាណាចក្រកម្ពុជា សហកា​ជាមួយនឹងក្រសួងបរិស្ថានរបស់ប្រទេសជប៉ុនធ្វើឡើងនូវវេទិកាថ្នាក់តំបន់អាស៊ី និងប៉ាស៊ីហ្វិកស្ដីពី 3R និងសេដ្ឋកិច្ចចក្រាលើកទី១១។ វេទិកានេះជាការរួមគ្នាកម្ចាត់សំរាមចេញពីក្នុង​តំបន់ ដោយផ្អែក​លើគោលការណ៍កាត់បន្ថយ (Reduce) ប្រើប្រាស់ឡើងវិញ (Reuse) និងកែច្នៃឡើងវិញ (Recycle)។

មិនខុសគ្នាពីប្រទេសជាសមាជិកផ្សេង កម្ពុជាក៏មានការប្ដេជ្ញាចិត្តប្រឹងប្រែងអនុវត្តគោលនយោបាយ ដែលបានដាក់ចេញ ដើម្បីធ្វើយ៉ាងណាអាចកែប្រែសង្គមមួយឱ្យគ្មានសំណល់រឹង ជាពិសេសគឺប្លាស្ទិក។ ការកាត់បន្ថយ ការប្រើប្រាស់ឡើងវិញ និងការកែច្នៃឡើងវិញ ឬហៅថា 3R គឺជាគោលការណ៍ក្នុងការប្រមូលសំណល់រឹងនៅលើផែនដី រីឯសេដ្ឋកិច្ចចក្រាគឺជាការយកសំណល់ដែលប្រមូលបានទាំងនោះ ទៅផលិតចេញជាផលិតផលសម្រេចណាមួយដើម្បីបម្រើទៅឱ្យសេដ្ឋកិច្ចមូលដ្ឋាន ដែលមាន​លក្ខណៈវិលជុំ ពោលគឺព្យាយាមប្រើឱ្យសំណល់ទាំងនោះឱ្យអស់ពីលទ្ធភាព។

ឯកឧត្តម នេត្រ ភក្ត្រា អ្នកនាំពាក្យនៃក្រសួងបរិស្ថានបានឱ្យដឹងថា ការអនុវត្តនូវគោលការណ៍ 3R និងសេដ្ឋកិច្ចចក្រាដោយកាត់បន្ថយសម្ពាធទៅលើធនធានធម្មជាតិ វាគឺជាផ្នែកមួយដើម្បីធានាឱ្យមានការអភិវឌ្ឍប្រកបដោយចីរភាព។

ឯកឧត្តមបានបន្តមានប្រសាសន៍ថា ​៖

“កិច្ចការងារនេះ ជាផ្នែកមួយដែលមានសារៈសំខាន់បំផុត ដែលបណ្ដាប្រទេសផ្សេងៗមកជួបប្រជុំគ្នាក្នុងរយៈពេល៣ថ្ងៃ ហើយយើងក៏រំពឹងថាវេទិកានេះក្លាយជា មូលដ្ឋាននៃការពិភាក្សា ដើម្បីឈានទៅរៀបចំលើសេចក្ដីថ្លែងការទីក្រុងហាណូយ ស្ដីពី 3R និង សេដ្ឋកិច្ចចក្រា ដែលជាផែនការរយៈពេល១០ឆ្នាំផងដែរ”

ឯកឧត្តមបន្តថា ៖ «ក្នុងរយៈពេល១០ឆ្នាំនេះ គេនឹងរៀបចំនូវផែនការថាតើត្រូវមានផែនការដូចម្ដេច ដើម្បីកាត់បន្ថយសម្ពាធទៅលើផែនដី អាចគ្រប់គ្រងសំណល់ និងការបំពុងផ្សេងៗ។ ទន្ទឹមគ្នានេះ កម្ពុជាក៏បានចូលរួមក្នុងការអនុវត្តគោលការណ៍នានាដែលអាចឈានទៅសម្រេចបាននូវ​គម្រោង 3R នៅក្នុងតំបន់ផងដែរ ដោយគោលការណ៍ទាំងនោះរួមមាន៖

១. វិស័យថាមពលៈ ជំរុញទៅលើការប្រើប្រាស់ប្រព័ន្ធពន្លឺព្រះអាទិត្យ សូឡាដែលជាថាមពល​កកើត​ឡើងវិញ គឺមានន័យថាកាត់បន្ថយការប្រើប្រាស់នូវធ្យូងថ្ម កាត់បន្ថយការប្រើប្រាស់ប្រេងឥន្ធនៈ ដើម្បីផលិតចរន្តអគ្គិសនី

២. ការគ្រប់គ្រងសំណល់ឱ្យបានល្អៈ មិនឲ្យមានការដុតសំណល់ពាសវាល ពាសកាល ព្រមទាំងបន្ថែមការគ្រប់គ្រងញែកសំរាមទៅតាមប្រភេទរបស់វាឱ្យបានល្អ

៣. ផ្នែកដឹកជញ្ចូនដែលមានមេត្រីបរិស្ថានៈ មានការជំរុញឱ្យទៅប្រើប្រាស់រថយន្ដរន្ដអគ្គីសនី ដើម្បីកាត់បន្ថយ នូវការបំពុលបរិស្ថាន

៤. ការគ្រប់គ្រងដីកសិកម្ម ដែលជាផ្នែកនៃការកាត់បន្ថយការបំភាយឧស្ម័នផ្ទះកញ្ចក់ និងការបាត់បង់ ជីវជាតិដី

៥. ការគ្រប់គ្រងព្រៃឈើតាមរយៈឥណទានកាបូន ដើម្បីកាត់បន្ថយការបំពុលខ្យល់

៦. ការដាំស្ដារឡើងវិញនូវព្រៃឈើឡើងវិញ។​​ ក្រៅពីនេះ កម្ពុជាក៏មានគោលការណ៍ផ្ទាល់ខ្លួន ដូចជាការជំរុញឱ្យប្រជាជនចូលរួមប្រើប្រាស់ថាមពល អគ្គីសនីដោយសន្សំសំចៃជាដើម។ ហើយវាគឺជារឿងចាំបាច់ដែលប្រទេសជាសមាជិកគួរសាមគ្គីគ្នា ធ្វើការងារនេះប្រកបដោយទំនួលខុសត្រូវ ដោយធ្វើយ៉ាងណាឱ្យប្រទេសដែលមានការអភិវឌ្ឍតិច តួចទទួលបានការគិតគូ ធ្វើឱ្យមានការការពារបរិស្ថានដូចគ្នាដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ