សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គិតត្រឹមដើមខែមីនា ឆ្នាំ២០២២ នេះ វឌ្ឍនភាពនៃការដ្ឋានសាងសង់ស្ពានបេតុងអារមេខ្សែកាបឫស្សីកែវឆ្លងកាត់ទន្លេសាប សម្រេចលទ្ធផលបានប្រមាណ ៦៤ភាគរយហើយ ដែលអាចសម្រេចតាមផែនការនឹងបញ្ចប់នៅខែមីនា ឆ្នាំ២០២៣ នាពេលខាងមុខនេះ។
តាមមន្ទីរសាធារណការ និងដឹកជញ្ជូនរាជធានីភ្នំពេញបានឱ្យដឹងថា គម្រោងស្ពាននេះមានរចនាបទទំនើបដែលមានសរសរធំចំនួន ៤បង្គោលមានកំពស់រហូតដល់ ៤០ម៉ែត្រសម្រាប់ព្យួរខ្សែកាប ។
គម្រោងស្ពាននេះនឹងបង្កើតរំហូរចរាចរថ្មី តភ្ជាប់ពីផ្លូវជាតិលេខ ៥ នៃខណ្ឌឫស្សីកែវ និងផ្លូវជាតិលេខ ៦ នៃខណ្ឌជ្រោយចង្វារ ហើយក៏ជាការបង្កើតផ្លូវថ្មីតភ្ជាប់ចរាចរក្នុងទីក្រុងទៅពហុកីឡដ្ឋានជាតិមរតកតេជោ ដែលកម្ពុជានឹងទទួលរៀបចំធ្វើជាម្ចាស់ផ្ទះនៃព្រឹត្តិការណ៍ប្រកួតកីឡា SEA GAME 2023 នាពេលខាងមុខ។
សូមរំលឹកថា គម្រោងសាងសង់ស្ពានបេតុងអារមេខ្សែកាបឆ្លងកាត់ទន្លេសាបមួយខ្សែនេះត្រូវបានបើកសម្ពោធការដ្ឋានសាងសង់ក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា កាលពីថ្ងៃទី២៣ ខែតុលា ឆ្នាំ២០១៧ ស្ថិតក្នុងខណ្ឌឫស្សីកែវ និងខណ្ឌជ្រោយចង្វារ មានប្រវែងស្ពានសរុប ៩២២ម៉ែត្រ ទទឹង ២០,៥ម៉ែត្រ និងមានចិញ្ចើមស្ពានសម្រាប់ថ្មើរជើង ១,២៥ ម៉ែត្រ សងខាងផ្លូវនៃស្ពាន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content