សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានចាត់ទុកការស្ម័គ្រចិត្តរបស់ប្រជាពលរដ្ឋដែលផ្លាស់ទីលំនៅពីតំបន់រមណីយដ្ឋានអង្គរមកកាន់តំបន់រុនតាឯក ថាជាការសម្រេចចិត្តដ៏ឆ្លាតវៃ។ ការថ្លែងរបស់ប្រមុខរដ្ឋាភិបាលកម្ពុជាបានធ្វើឡើងនៅអំឡុងពេលដែលសម្ដេចចុះជួបប្រជាពលរដ្ឋដែលផ្លាស់មករស់នៅតំបន់រុនតាឯក ជាលើកទី៣ នៅថ្ងៃសុក្រ ទី២១ ខែតុលា ឆ្នាំ២០២២នេះ។
សម្ដេចតេជោ ហ៊ុន សែន បានថ្លែងថា ៖
“បងប្អូនដែលបានចាប់ឆ្នោតរួចមកហើយ ដែលសុខចិត្តចាកចេញពីរមណីយដ្ឋានអង្គរ មកនៅទីនេះ អាចចាត់ទុកថា ជាការជ្រើសរើសដ៏ឆ្លាតវៃមួយក្នុងកាលៈទេសៈចាំបាច់។ ដែលមកកាន់ទីនេះ យើងមានការទ្រទ្រង់ខាងហេដ្ឋារចនាសម្ព័ន្ធ ការទ្រទ្រង់ទៅលើផ្នែកដទៃទៀត ក្នុងនោះរាប់ទាំងការទ្រទ្រង់អំពីកិច្ចគាំពារសង្គម”
នៅក្នុងយន្តការផ្លាស់ប្តូរទីលំនៅប្រជាពលរដ្ឋមកតំបន់រុនតាឯក សម្ដេចតេជោ បានបញ្ជាជាបន្តបន្ទាប់ឲ្យមន្ត្រីក្រោមឱវាទធ្វើយ៉ាងសម្រួលដល់ការរៀបចំហេដ្ឋារចនាសម្ព័ន្ធ ហើយជាពិសេសគឺការផ្លាស់ប្តូរបណ្ណក្រីក្រជូនប្រជាពលរដ្ឋពីកម្រិត២ មកកម្រិត១ទាំងអស់។ យន្តការរៀបចំការផ្លាស់ប្តូរទីលំនៅប្រជាពលរដ្ឋពីតំបន់រមណីយដ្ឋានអង្គរមកកាន់តំបន់រុនតាឯក បានចាប់ផ្តើមធ្វើឡើងតាំងពីថ្ងៃទី១៨ សីហាមក។ យន្តការនេះធ្វើឡើង ដោយសាររាជរដ្ឋាភិបាលបារម្ភថា អង្គការ UNESCO អាចដកអង្គរវត្តចេញពីសម្បត្តិបេតិកភណ្ឌពិភពលោក ដ្បិតមានសំណង់ខុសនៅព័ទ្ធជុំវិញ។
សម្ដេចតេជោ ហ៊ុន សែន បានសង្កត់ធ្ងន់ថា៖
“យើងមិនអាចបំពានជាមួយនឹងគោលការណ៍នេះបានទេ យើងត្រូវខិតខំដោះស្រាយ បើមិនដូច្នោះទេ អង្គររបស់យើងប្រឈមនឹងការបណ្តេញចេញ”
យ៉ាងណាមិញ កាលពីថ្ងៃទី០៣ ខែតុលាកន្លងទៅនេះ សម្ដេចតេជោ ហ៊ុន សែន ធ្លាប់បានព្រមានដល់ពលរដ្ឋមួយចំនួនដែលកំពុងរស់នៅដោយខុសច្បាប់ក្នុងតំបន់អង្គរវត្ត ឲ្យចាកចេញពីទីនោះ ទៅកាន់តំបន់អភិវឌ្ឍន៍រុនតាឯកនៃខេត្តសៀមរាប ខណៈដែលអាជ្ញាធរកំពុងរៀបចំហេដ្ឋារចនាសម្ព័ន្ធ និងផ្តល់ការស្នាក់នៅស្របច្បាប់ជូន។ ការព្រមាននេះធ្វើឡើង បន្ទាប់ពីប្រមុខរដ្ឋាភិបាល សង្កេតឃើញថា មានការឃោសនាអំពីការតថ្លៃដី ដោយទទួលបានសំណងច្រើនពីរដ្ឋាភិបាល។
គួរបញ្ជាក់ថា គិតមកដល់ពេលនេះ មានប្រជាពលរដ្ឋសរុបចំនួន ៩ ៣២៣ គ្រួសារ បានស្ម័គ្រចិត្តផ្លាស់ចេញពីតំបន់អង្គរ។ ក្នុងនោះ ៥ ៨២៣ គ្រួសារ បានផ្លាស់ទៅតំបន់រុនតាឯក និង ៣ ២០០ គ្រួសារ បានផ្លាស់ទៅតំបន់ពាក់ស្នែង។ តែយ៉ាងណា នៅមានប្រជាពលរដ្ឋមួយចំនួនធំទៀត ដែលមិនទាន់ស័្មគ្រចិត្តផ្លាស់ប្តូរទីលំនៅ។ នេះបើតាមរបាយការណ៍ជាបន្តបន្ទាប់របស់លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងដែនដី នគរូបនីយកម្ម និងសំណង់៕ អត្ថបទដោយ ៖ សេក ប្រាក់
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កម្ពុជា អរគុណអង្គការយូណេស្កូ ដែលជួយជ្រោមជ្រែងកម្ពុជា អាចចុះបញ្ជីជាសម្បត្តិបេតិកភណ្ឌពិភពលោកបាន
សម្ដេចតេជោ ហ៊ុន សែន អញ្ជើញពិធីសម្ពោធដាក់ឱ្យប្រើប្រាស់ជាផ្លូវការ “អគារសាលាយុត្ដិធម្ម” របស់ក្រសួងយុត្តិធម៌
Account
Security
Favourite Content