រដ្ឋមន្រ្តីក្រសួងឧស្សាហកម្ម ៖ ក្នុងចំណោមសហគ្រាស៧៧ម៉ឺន មានតែ២ភាគរយប៉ុណ្ណោះ ជាសហគ្រាសចុះបញ្ជីផ្លូវការ

ភ្នំពេញ ៖ ក្នុងចំណោមអង្គភាពសេដ្ឋកិច្ចនៅកម្ពុជាជាង៧៧ម៉ឺនសហគ្រាស មានតែ២ភាគរយប៉ុណ្ណោះ ជាសហគ្រាសចុះបញ្ជីផ្លូវការ ខណៈដែលរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានជំរុញអាជីវកម្មធុនតូចទាំងអស់ ដែលនៅក្រៅប្រព័ន្ធ គួរចុះបញ្ជីឱ្យបានត្រឹមត្រូវ ដើម្បីក្លាយជាអាជីវកម្មផ្លូវការ។

ឯកឧត្តមហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅក្នុងសន្និសីទសារព័តមាន នាព្រឹកថ្ងៃទី២៤ ខែមីនា ក្នុងទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២រៀបចំឡើង ក្រោមប្រធានបទ «សហ​គ្រាស​ធុន​តូច និងមធ្យម ឆ្ពោះទៅវិទ្យាសាស្ត្រ បច្ចេកវិទ្យា និងនវានុវត្តន៍» បានលើកឡើងថា ក្រសួងកំពុងរៀបចំគោលនយោបាយមួយចំនួន ដើម្បីជួយដល់សហគ្រាសធុនតូច និងមធ្យម និង ជួយកែប្រែអាជីវកម្មមិនផ្លូវការមកអាជីវកម្មផ្លូវការ។

ឯកឧត្តមរដ្ឋមន្រ្តីបានបញ្ជាក់ថា៖

«នៅក្នុងចំណោមអង្គភាពសេដ្ឋកិច្ចជាង៧៧ម៉ឺន ក្នុងនោះមាន SME ចុះបញ្ជីផ្លូវការប្រហែល២ភាគរយ និងក្រុមហ៊ុនធំៗ ប្រហែល ០.២ភាគរយ ក្រៅពីនោះ ជាង ៩៧ភាគរយ គឺជាប្រភេទមីក្រូសហគ្រាស ហើយក្នុងចំណោមមីក្រូសហគ្រាស ភាគច្រើនគឺស្ថិតក្នុងសេដ្ឋកិច្ចក្រៅប្រព័ន្ធ»។

ឯកឧត្តម ហែម វណ្ណឌី បានបន្តថា ៖ មានកត្តាជាច្រើន ដែលធ្វើឱ្យសហគ្រាសទាំងនោះមិនទាន់ចុះក្នុងបញ្ជី ដោយសារកត្តាបទពិសោធ ទីផ្សារ សហគ្រិនភាព សមត្ថភាពនៅក្នុងការបំពេញអនុលោមភាព រួមទាំងកត្តាលក្ខខណ្ឌពន្ធដារមួយចំនួន និងការចាត់ចែងអាជីវកម្មរបស់ខ្លួនឯងក៏នៅមានកម្រិតផងដែរ។

ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា៖

«បើការងារជំរុញអាជីវកម្មមិនផ្លូវការទៅអាជីវកម្មផ្លូវការទទួលបានជោគជ័យ វានឹងជួយខឿនសេដ្ឋកិច្ច កាន់តែខ្លាំងឡើង។ រដ្ឋាភិបាលអាណត្តិទី៧នេះ បានផ្ដល់អាទិភាពលើការប្រែក្លាយសេដ្ឋកិច្ចពីក្រៅប្រព័ន្ធ ឱ្យចូលក្នុងប្រព័ន្ធ»។

ឯកឧត្តមបានបន្ថែមថា ការជំរុញឱ្យអាជីវកម្មក្រៅប្រព័ន្ធចូលទៅក្នុងប្រព័ន្ធ គឺជាគោលការណ៍ស្ម័គ្រចិត្តរបស់អាជីវករ ប៉ុន្តែឯកឧត្តមបានលើកទឹកចិត្តឱ្យត្រៀមលក្ខណៈ ចូលរួមក្នុងការអនុវត្ត និងបំពេញគោលការណ៍ ដែលរដ្ឋាភិបាលនឹងដាក់ចេញ ហើយក្នុងនាមជាប្រធានគណៈកម្មាធិការស្រមសម្រួលនៃការអភិវឌ្ឍសេដ្ឋកិច្ចក្រៅប្រព័ន្ធ នឹងចាប់ផ្ដើមជំរុញជាយុទ្ធនាការបន្ថែមឱ្យបងប្អូនបានយល់ដឹងនិងរៀបចំព័ត៌មានដើម្បីឱ្យបងប្អូនមានមូលដ្ឋានគ្រប់គ្រាន់។

ឯកឧត្តមរដ្ឋមន្រ្តី បានបញ្ជាក់ថា៖

«យើងបានធ្វើការច្រើនទាំងអាណត្តិនាពេលកន្លងមក ក៏ដូចជាអាទិភាពនៅក្នុងអាណត្តិនេះ។ យើងចង់ពង្រឹងនិងចង់ជួយបងប្អូន ដែលបានបង្កើតអាជីវកម្មហើយ ប៉ុន្តែអាជីវកម្មនោះនៅក្រិន។ នៅក្នុងអាណិត្តរាជរដ្ឋាភិបាលទី៧នេះ គឺការចូលរួមប្រែក្លាយអង្គភាពសេដ្ឋកិច្ចក្រៅប្រព័ន្ធឱ្យចូលទៅក្នុងប្រព័ន្ធ ជាការងារអាទិភាពធំ ហើយកន្លងមក យើងបានធ្វើការងារជាច្រើនទាំងការផ្ដល់នូវការគាំពារសង្គម ផ្ដល់នូវរបបសន្តិសុខសង្គម ការសម្រួលការចុះបញ្ជីជាដើម»។

យោងតាមលទ្ធផលចុងក្រោយនៃជំរឿនសេដ្ឋកិច្ចឆ្នាំ២០២២ បានបង្ហាញថា ប្រទេសកម្ពុជា មានអង្គភាពសេដ្ឋកិច្ចជាង ៧៥ម៉ឺនអង្គភាព ប៉ុន្តែភាគច្រើនលើសលប់ជាប្រភេទអាជីវកម្មធុនតូចបំផុត (MSMEs)  ប៉ុន្តែអ្វីដែលគួរឲ្យកត់សម្គាល់នោះ គឺ SMEs ដែលចុះបញ្ជីនៅក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ មានតែជាង៤ម៉ឺន៤ពាន់មូលដ្ឋានប៉ុណ្ណោះ គិតត្រឹមឆ្នាំ២០២៣។

ទន្ទឹមគ្នានេះ ក្រសួងក៏បាននិងកំពុងរៀបចំក្របខណ្ឌគតិយុត្ត ដើម្បីពង្រឹកការអភិវឌ្ឍបច្ចេកវិទ្យា ដែលមានដូចជាការរៀបចំសេចក្តី ព្រាងច្បាប់ស្តីពីការផ្ទេរបច្ចេកវិទ្យា និងសេចក្តីព្រាងអនុក្រឹត្យមួយចំនួន ដែល ផ្តោតលើទិដ្ឋភាពសំខាន់ៗនៃការគ្រប់គ្រងការស្រាវ​ជ្រាវ និងអភិវឌ្ឍន៍ ព្រមទាំងការបង្កើត និងការគ្រប់គ្រងសួនវិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីជួយគាំទ្រដល់ប្រភេទអាជីវកម្មធុនតូចបំផុត(MSMEs) និងសហគ្រាសធុនតូច និងមធ្យម(SMEs)៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ