សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អភិបាលខេត្តព្រះសីហនុ ថ្លែងពីការធានាសុវត្ថិភាពចំពោះវិនិយោគិនចិនដែលមានបំណងមកវិនិយោគនៅក្នុងខេត្តដែលកំពុងមានសក្ដានុពល ប្រកបដោយទំនួលខុសត្រូវខ្ពស់។ ការថ្លែងរបស់លោកអភិបាលខេត្ត គួច ចំរើន ត្រូវបានធ្វើឡើងនៅក្នុងវេទិកាជំរុញឧស្សាហកម្ម និងពាណិជ្ជកម្មខេត្តជាំងស៊ូ ប្រទេសចិន កាលពីថ្ងៃដើមសប្ដាហ៍កន្លងទៅនេះ
ឯកឧត្តម គួច ចំរើន បានមានប្រសាសន៍បន្តថា ខេត្តព្រះសីហនុ ត្រូវបានរាជរដ្ឋាភិបាលកំណត់ជាតំបន់ប៉ូលសេដ្ឋកិច្ចពិសេស ហើយរដ្ឋបាលខេត្តក៏បានកំណត់ទីតាំងដីសម្រាប់វិនិយោគទៅតាមសក្ដានុពលនៃការវិនិយោគ ដូចជាតំបន់ណាត្រូវវិនិយោគលើសណ្ឋាគារ តំបន់ណាត្រូវវិនិយោគលើលំនៅឋាន ឧស្សាហកម្ម ពាណិជ្ជកម្មជាដើម ។ ការបែងចែកកំណត់ប្រភេទដីទៅតាមប្រភេទនេះគឺសម្រួលដល់វិនិយោគិនក្នុងការស្វែងទីតាំងវិនិយោគទៅលើគម្រោងរបស់ពួកគេ ។
លោក ជា កុកហុង នាយកគម្រោងអង្គភាពគ្រប់គ្រងគម្រោងរៀបចំផែនការមេ ដើម្បីអភិវឌ្ឍន៍ប្រែក្លាយខេត្តព្រះសីហនុ ទៅជាតំបន់សេដ្ឋកិច្ចគំរូពហុបំណង ក៏បានមានប្រសាសន៍នៅមុខវិនិយោគិនចិនខេត្តជាំងស៊ូ ឱ្យដឹងថា ខេត្តព្រះសីហនុជាខេត្តដែលមានភាពទាក់ទាញលើការវិនិយោគ ជាពិសេសវិស័យអចលនទ្រព្យ ។
នៅក្នុងឱកាសជាមួយគ្នានេះដែរ ប្រធានសហព័ន្ធឧស្សាហកម្ម និងពាណិជ្ជកម្មខេត្តជាំងស៊ូ លោក លាវ ចុង បានសន្យាថា នឹងជំរុញវិនិយោគិនចិនឱ្យសិក្សាស្វែងរកការវិនិយោគនៅក្នុងប្រទេសកម្ពុជា ជាពិសេសនៅក្នុងខេត្តព្រះសីហនុ ខណៈដែលច្បាប់វិនិយោគថ្មីរបស់ព្រះរាជាណាចក្រកម្ពុជាក៏បានជួយសម្រួលដល់វិនិយោគិនបរទេសជាច្រើន ដូច្នេះនេះគឺជាឱកាសដ៏ល្អសម្រាប់វិនិយោគិនចិនដែលចង់មកវិនិយោគនៅកម្ពុជា ។
បើតាមឯកឧត្តម ឡុង ឌីម៉ង់ អ្នកនាំពាក្យរដ្ឋបាលសាលាខេត្តព្រះសីហនុ បានឱ្យដឹងនាពេលកន្លងមកថា រដ្ឋបាលខេត្តព្រះសីហនុបាន និងកំពុងរៀបចំក្រុមការងារសម្របសម្រួល ទាក់ទាញអ្នកវិនិយោគក្នុង និងក្រៅប្រទេស ដើម្បីចូលមកបណ្ដាក់ទុនវិនិយោគនៅក្នុងប្រទេសកម្ពុជាឱ្យបានកាន់តែច្រើនឡើងបន្ថែមទៀត ហើយសម្រាប់អគារដែលជាប់គាំងនាពេលកន្លងមកក៏ត្រូវបានរដ្ឋបាលខេត្តព្រះសីហនុកំពុងដោះស្រាយ និងខ្លះទៀតកំពុងស្វែងរកដៃគូវិនិយោគបន្តលើអគារជាប់គាំងទាំងនោះឱ្យដំណើរទៅមុខជាបន្តបន្ទាប់ ៕
Account
Security
Favourite Content