សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលកម្ពុជា មានគម្រោងវិនិយោគបង្កើតតំបន់សេដ្ឋកិច្ចពិសេសរហូតដល់ទៅ៤៤តំបន់ឬទីតាំង ដែលនឹងអាចស្រូវយកកម្លាំងពលកម្មកប្រមាណ១៨៧ពាន់កន្លែង ។ នេះ បើតាមឯកឧត្តមជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ក្នុងជំនួបជាមួយស៊ី ជានឆឹង ប្រតិភូក្រុមហ៊ុន Greenleaf Sci & Tech Group Co.,Ltd ។
ឯកឧត្តមបានមានប្រសាសន៍ថា កម្ពុជាមានសក្ដានុពលវិនិយោគខ្ពស់ ដែលអាចផ្ដល់ឱកាសដល់វិនិយោគិនក្នុងនិងក្រៅប្រទេស ក្នុងនោះដែរ ច្បាប់វិនិយោគថ្មីនៃព្រះរាជាណាចក្រកម្ពុជាក៏នឹងផ្ដល់អត្ថប្រយោជន៍ជាច្រើនដល់វិនិយោគិន ។
ឯកឧត្តមបន្តថា ដោយសារតែកត្តាអំណោយផលលើការវិនិយោគ និងកត្តាសុខសន្តិភាព ស្ថិរភាព នយោបាយ កម្ពុជាមានគម្រោងវិនិយោគបង្កើតតំបន់សេដ្ឋកិច្ចពិសេសរហូតដល់ទៅ៤៤តំបន់ ដែលបានស្រូវយកកម្លាំងពលកម្មប្រមាណ១៨៧ពាន់កន្លែង និងចូលរួមធ្វើពិពិធកម្មឧស្សាហកម្ម សម្រាប់ការអភិវឌ្ឍសង្គម-សេដ្ឋកិច្ចកម្ពុជាឱ្យកាន់តែមានការរីកចម្រើន ។
ឯកឧត្តមក៏បានជំរុញលើកទឹកចិត្តដល់បណ្ដាក្រុមហ៊ុនក្នុងនិងក្រៅប្រទេសគិតគូរវិនិយិោគបង្កើតតំបន់ឧស្សាហកម្មនៅកម្ពុជា ដើម្បីធ្វើជាមូលដ្ឋានផលិតសម្រាប់ទីផ្សារក្នុងស្រុក ទីផ្សារក្នុងតំបន់ និងទីផ្សារពិភពលោក និងជាពិសេសបង្កើតការងារជូនប្រជាពលរដ្ឋក្នុងស្រុកធ្វើទទួលបានប្រាក់ចំណូលសមរម្យ ។
ប្រមុខរាជរដ្ឋាភិបាលសម្ដេចបហាបវរធិបតីហ៊ុន ម៉ាណែត ក៏បានលើកទឹកចិត្តនិងជំរុញឱ្យមន្ត្រីពាក់ព័ន្ធទាំងអស់បង្កើតតំបន់សេដ្ឋកិច្ចពិសេស ជាពិសេសតំបន់សេដ្ឋកិច្ចពិសេសដោយផ្ដោតលើវិនិយោគមកពីប្រទេសណាមួយ ដូចជាតំបន់សេដ្ឋកិច្ចពិសេសចិន ផ្ដោតលើវិនិយោគិនចិន តំបន់សេដ្ឋកិច្ចពិសេសជប៉ុន ឬតំបន់សេដ្ឋកិច្ចពិសេសកូរ៉េខាងត្បូងជាដើម ។
បច្ចុប្បន្ននេះ រាជរដ្ឋាភិបាលបាននិងកំពុងរៀបចំបង្កើតតំបន់សេដ្ឋកិច្ចចំនួនពីរ បន្ថែមទៀតដោយផ្ដោតលើវិនិយោគិនជប៉ុន និងវិនិយោគិនចិន ដោយវិនិយោគិនជប៉ុនបានសម្រេចយកទឹកដីខេត្តពោធិ៍សាត់សម្រាប់ទីតាំងនៃការវិនិយោគលើតំបន់សេដ្ឋកិច្ចពិសេសរបស់ខ្លួននិងបានគ្រោងថវិកាប្រមាណ ៦៥០លានដុល្លារអាមេរិក ។
គួរបញ្ជាក់ថា ការវិនិយោគនៅក្នុងតំបន់សេដ្ឋកិច្ចពិសេសក្នុងរយៈពេលប៉ុន្មានខែ ចុងក្រោយនេះ ឃើញមានចំនួនកាន់តែច្រើនឡើងៗជាពិសេសឧស្សាហកម្មធំៗដូចជារោងចក្រផលិតកង់រថយន្ត រោងចក្រដំឡើងរថយន្តតូយ៉ូតា និងរោងចក្រសហគ្រាសធុនធំជាច្រើនទៀត ៕
Account
Security
Favourite Content