សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ និងក្រុមហ៊ុនត្រួតពិនិត្យបញ្ជាក់សំណង់ បានឯកភាពគ្នាក្នុងការកាត់ចោលនូវនិតិវិធីស្មុគស្មាញ និងមិនចាំបាច់ ដើម្បីជំរុញការលើកកម្ពស់ការផ្តល់សេវាឱ្យបានរហ័សគាប់ចិត្ត និងសំដៅធានាសុវត្ថិភាព គុណភាព និងសោភ័ណភាពសំណង់ ។ នេះជាការលើកឡើងរបស់ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀចំដែនដី នគរូបនីយកម្ម និងសំណង់ នៅក្នុងកិច្ចប្រជុំស្ដីពីការគ្រប់គ្រងសំណង់ប្រកបដោយប្រសិទ្ធភាព ដែលបានធ្វើឡើងនៅទីស្ដីការក្រសួង នារសៀលថ្ងៃទី៣១ ខែមីនា ឆ្នាំ២០២៥ ។
ឯកឧត្តម ឧបនាយករដ្ឋមន្ត្រី សាយ សំអាល់ បានធ្វើការបែងចែកការទទួលខុសត្រូវរួមជាមួយថ្នាក់ដឹកនាំក្រសួង និងផ្អែកទៅលើអ្វីដែលមានស្រាប់ ទាំងធនធានមនុស្ស ទាំងរចនាសម្ព័ន្ធរដ្ឋបាល ថវិកា ច្បាប់លិខិតបទដ្ឋានគតិយុត្តិនានា ដើម្បីជំរុញឱ្យវិស័យសំណង់មានដំណើរការល្អ និងឆ្លើយតបតាមតម្រូវការក្នុងសម័យសម្ដេចមហាបវរធិបតី ហ៊ុន ម៉ាណែត ដែលមានភាពត្រចះត្រចង់សម្រាប់ប្រជាជនកម្ពុជាគ្រប់រូប ។
ឯកឧត្តមបានបញ្ជាក់ថា ៖
«ថ្នាក់ដឹកនាំក្រសួង និងអ្នកពាក់ព័ន្ធទាំងអស់ត្រូវរួមគ្នាគិតគូរអំពីការរៀបចំទីក្រុង ការគូរប្លង់អគារឱ្យបានសមស្រប ,ដោះស្រាយលើអគារចាស់ទ្រុឌទ្រោម និងលុបបំបាត់សំណង់មិនរៀបរយ ពីព្រោះដល់ពេលវេលាហើយដែលយើងត្រូវចាប់ផ្ដើមគិតគូរពីអនាគតរបស់រាជធានីភ្នំពេញក៏ដូចជាប្រទេសជាតិទាំងមូលអោយបានល្អ និងកែលម្អសោភណភាពទីក្រុងឱ្យកាន់តែស្រស់ស្អាត និងទាក់ទាញបន្ថែមទៀត សំដៅសម្រេចឱ្យបានចក្ខុវិស័យរបស់រាជរដ្ឋាភិបាលកម្ពុជានាឆ្នាំ ២០៥០ខាងមុខ»៕
Account
Security
Favourite Content