ផ្លូវក្រវាត់ក្រុងទី៣ នឹងសម្ពោធដាក់ឱ្យប្រើប្រាស់ជាផ្លូវការនៅថ្ងៃទី៣ ខែសីហា ២០២៣នេះហើយ

ភ្នំពេញ ៖ ផ្លូវក្រវាត់ក្រុងទី៣ ដែលមានប្រវែងប្រមាណជាង ៥០គីឡូម៉ែត្រត្រូវបានសាងសង់រួចរាល់ជាស្ថាពរ និងគ្រោងសម្ពោធដាក់ឱ្យប្រើប្រាស់ជាផ្លូវការនៅត្រឹមថ្ងៃទី០៣ ខែសីហាឆ្នាំ ២០២៣ ក្រោមវត្តមានសម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។

មន្ទីរសាធារណការ និងដឹកជញ្ជូន ខេត្តកណ្ដាល បានប្រកាសថា ដើម្បីរៀបចំពិធីសម្ពោធប្រព្រឹត្តទៅដោយរលូន អាជ្ញាធរខេត្តកណ្ដាលនឹងបិទចរាចរណ៍រថយន្តដឹកទំនិញធុនធ្ងន់ នៅលើកំណាត់ផ្លូវជាតិលេខ១ ចាប់ពីចំណុចផ្លូវបំបែក ផ្លូវលេខ២១បេ រាជធានីភ្នំពេញ ដល់គីឡូម៉ែត្រ៣០-១៤០ ឃុំបន្ទាយដែក ស្រុកកៀនស្វាយ ខេត្តកណ្តាល ចាប់ពីម៉ោង៣រំលងអាធ្រាត្រ រហូតដល់ម៉ោង១រសៀល ថ្ងៃទី៣ ខែសីហា ឆ្នាំ២០២៣ ។

យោងតាមក្រសួងសាធារណការ និងដឹកជញ្ជូន បានឱ្យដឹងថា ផ្លូវក្រវាត់ក្រុងទី៣ គឺជាផ្លូវយុទ្ធសាស្រ្ដសំខាន់មួយរបស់រាជរដ្ឋាភិបាល ដែលជួយសម្រួលដល់ការកកស្ទះនៅក្នុងរាជធានីភ្នំពេញ ក៏ដូចជាការសម្រួលការដឹកទំនិញផងដែរ ព្រោះតែផ្លូវនេះបានសាងសង់ឆ្លងកាត់ផ្លូវជាតិសំខាន់ៗជាច្រើនខ្សែ ។

ឯកឧត្តមស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនធ្លាប់បានលើកឡើងថា ផ្លូវក្រវាត់ក្រុងទី ៣ នឹងជួយសម្រួលចរាចរណ៍បានច្រើនដោយមិនឱ្យកកស្ទះនៅក្នុងក្រុងភ្នំពេញ ដោយអ្នកធ្វើដំណើរពីខេត្តមួយទៅខេត្តមួយទៀតដូចជាអ្នកព្រៃវែង ស្វាយរៀង ដែលចង់ទៅកំពង់សោម ឬ កំពត  មិនចាំបាច់ធ្វើដំណើរកាត់តាមរាជធានីភ្នំពេញទៀតទេ ។ពួកគាត់អាចធ្វើដំណើរតាមផ្លូវក្រវាត់ក្រុងទី៣នេះដោយងាយស្រួល ។ ផ្លូវនេះបានចាប់ផ្ដើមពីផ្លូវជាតិលេខ១ កាត់តាមផ្លូវជាតិលេខ២ តទៅផ្លូវជាតិលេខ៣ និងបញ្ចប់នៅផ្លូវជាតិលេខ៤ ត្រង់មហាវិថីឈ្នះឈ្នះ និងរួចភ្ជាប់ទៅផ្លូវជាតិលេខ៥ និងតទៅដល់ផ្លូវជាតិលេខ៦ តាមមហាវិថីឈ្នះឈ្នះ ។

ជាការកត់សម្គាល់ នៅតាមបណ្ដោយផ្លូវក្រវាត់ក្រុងទី៣ នាពេលបច្ចុប្បន្ននេះ គេឃើញមានអាជីវកម្មមួយចំនួនចាប់ផ្ដើមរីកដុះដាលជាបន្តបន្ទាប់នៅតាមបណ្ដោយផ្លូវនោះ និងមានសំណង់មួយចំនួនទៀតកំពុងសាងសង់នៅតាមបណ្ដោយផ្លូវនេះ ដែលអាចសបញ្ជាក់បានថា គម្រោងផ្លូវនេះបានជួយដល់ការអភិវឌ្ឍអាជីវកម្មខ្នាតតូចធំជាពិសេសឃ្លាំងនានា នៅតាមបណ្ដោយផ្លូវនេះ ដែលអាចជួយជីវភាពពលរដ្ឋតាមតំបន់មួយផ្នែកផងដែរ ។ អ្នកជំនាញអចលនទ្រព្យ រំពឹងថា ផ្លូវមួយនេះនឹងទាក់ទាញដល់ការវិនិយោគអចលនទ្រព្យបន្ថែមទៀត ជាពិសេសគម្រោងលំនៅឋាន និងពាណិជ្ជកម្ម ជាក់ស្ដែងផ្លូវក្រវាត់ក្រុងដែលរាជរដ្ឋាភិបាលបានអភិវឌ្ឍឡើងក៏បាននិងកំពុងមានការរីកដុះដាលនូវសំណង់ផ្ទះល្វែង វីឡា និងអាជីវកម្មជាច្រើនប្រភេទ ជាក់ស្ដែងដូចជាផ្លូវក្រវាត់ក្រុងទី២នេះផ្ទាល់តែម្ដង ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

មូលនិធិអភិវឌ្ឍន៍ជំនាញ ជួយបុគ្គលិក និងម្ចាស់សហគ្រាសធុនតូច និងមធ្យម ជិត២ពាន់នាក់ក្នុងការបង្កើនប្រសិទ្ធភាព និងភាពប្រកួតប្រជែងអាជីវកម្ម

ព្រឹត្តិការណ៍, សេដ្ឋកិច្ច

• 25/06/2024

មូលនិធិអភិវឌ្ឍន៍ជំនាញ (SDF) ជួយបុគ្គលិក និងម្ចាស់សហគ្រាសធុនតូច និងមធ្យម ជិត២ពាន់នាក់ក្នុងការបង្កើនប្រសិទ្ធភាព និងភាពប្រកួតប្រជែងអាជីវកម្ម

រោងចក្រផលិតម៉ូតូហុងដានៅកម្ពុជា ផលិតម៉ូតូបានជាង ៤,៣ លានគ្រឿង

ព្រឹត្តិការណ៍, សេដ្ឋកិច្ច

• 25/06/2024

រោងចក្រផលិតម៉ូតូហុងដានៅកម្ពុជា ផលិតម៉ូតូបានជាង ៤,៣ លានគ្រឿង ដែលក្នុងនោះ មួយវេន រយៈពេល៨ម៉ោងអាចផលិតបានចំនួន ១ ៥០០ គ្រឿង

មន្ត្រីកសិកម្ម ៖ កិច្ចអន្តរាគមផ្នែកបច្ចេកទេស ជាអាទិភាពដើម្បីរកដំណោះស្រាយជូនប្រជាកសិករដែលជួបបញ្ហាពីការផ្ទុះឡើងករណីដង្កូវហ្វូង

ព្រឹត្តិការណ៍, សេដ្ឋកិច្ច

• 25/06/2024

ឯកឧត្តម ងិន ឆាយ បានថ្លែងថា ការងារអន្តរាគមន៍ខាងផ្នែកបច្ចេកទេស ជាអាទិភាពចាំបាច់ដើម្បីស្វែងរកដំណោះស្រាយជូនពុកម៉ែបងប្អូនប្រជាកសិករនៅតាមមូលដ្ឋាន

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

ព្រឹត្តិការណ៍, សេដ្ឋកិច្ច

• 24/06/2024

អ្នកនាំពាក្យក្រសួងពាណិជ្ជកម្មចិនលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម ហើយទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង