សម្ដេចធិបតី អនុម័តជួសជុល លើកកម្ពស់គុណភាពផ្លូវ​ ៧ខ្សែ បន្ថែម​លើ​ផ្លូវ ២១ខ្សែ សម្រាប់អ្នកខេត្ដបាត់ដំបង ទុកជាកាដូឆ្នាំថ្មី២០២៧​

បាត់ដំបង៖ រាជរដ្ឋាភិបាលកម្ពុជា បាន​អនុម័ត​គម្រោងជួសជុល​ផ្លូវ​បន្ថែមចំនួន ៧ខ្សែ ក្រាល​កៅស៊ូ DBST ប្រវែងសរុប ១១គីឡូម៉ែត្រ ដោយ​ប្រើ​ថវិកាជាតិ និង​ថ្នាក់​ក្រោម​ជាតិ ដើម្បីសម្រួល​ដល់​​អាជីវករ ពលរដ្ឋ​រស់នៅ និង​ធ្វើ​ដំណើរ​តាម​ផ្លូវ​សំខាន់ៗក្នុង​ក្រុង​បាត់ដំបង។ ស្ថិត​ក្នុង​ដំណើរ​ការអនុវត្ដ​គម្រោង​នេះ សម្ដេច​ធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់​ថា ប្រព័ន្ធ​លូត្រូវ​រៀបចំធ្វើជាស្រេចដំណាល​គ្នា​នឹង​ការស្ថាបនា​ផ្លូវ​តែម្ដង ដើម្បី​បញ្ចៀស​ពាក្យថា «ដាក់លូកាយផ្លូវ កាយផ្លូវដាក់លូ»។

ថ្លែង​ក្នុងពិធី​ចែកសញ្ញាបត្រដល់និស្សិតសាកលវិទ្យាល័យគ្រប់គ្រង និងសេដ្ឋកិច្ច ខេត្ដ​បាត់ដំបង នៅ​ព្រឹក​ថ្ងៃ​ទី៨ ខែតុលា នេះ សម្ដេច​មហាបវរធិបតី ហ៊ុន ម៉ាណែត នាយករដ្ឋមន្ដ្រី នៃ​ព្រះរាជាណាចក្រ​កម្ពុជា បាន​មាន​ប្រសាសន៍​ថា កាដូ​ឆ្នាំ​ថ្មី២០២៧ សម្រាប់​អ្នក​ខេត្ដ​បាត់ដំបង គឺចាប់​ផ្ដើម​ពីទទួល​បាន​ផ្លូវ​ល្អ​ជាបណ្ដើៗ​ក្រោយពលរដ្ឋរង​ផលប៉ះទង្គិច​ផ្លូវ​ចិត្ដ​រឿង​សង្គ្រាម​ថៃ​ទម្លាក់គ្រាប់ និង​ទឹកជំនន់​បំផ្លាញ​ផ្លូវមួយចំនួន​ពេល​ថ្មីៗ​នេះ។

តាម​រយៈ​គម្រោង​ថ្មី​នេះ ប្រព័ន្ធលូ និង​ផ្លូវ​មួយចំនួន​បាន​ធ្វើរួច តែ​គ្រោះ​ទឹកជំនន់​បាន​ជះផល​ប៉ះពាល់​ ទាំង​ដំណាំស្រូវ និង​ហេដ្ឋារចនា​សម្ព័ន្ធ​ខ្លះ​ដែល​ត្រូវ​ស្ដារ​ឡើងវិញ​ចាប់​ពីរដូវ​ទឹកស្រក ក្នុង​ខែ​វិច្ឆិកា ឆ្នាំ​២០២៦ ​តទៅ។ នេះ​គ្រាន់​តែ​ជា​គម្រោង​បន្ថែម​ពី​លើ​គម្រោង​ធំមួយ​ទៀត​ដែលស្ថាបនា​ផ្លូវ​ចំនួន ២១ខ្សែ ដោយ​ក្រសួងសាធារណៈការ ក្រោម​កម្ចី​ឥណទានរបស់​​ធនាគារអភិវឌ្ឍអាស៊ី(ADB)​​ អនុវត្ដចាប់​ពី​ឆ្នាំ​២០១៩ ដល់ឆ្នាំ២០២៦។

បើ​តាម​សម្ដេច​ធិបតី គម្រោង​ធំ​នេះ បាន​ឈាន​ដល់​ដំណាក់កាលដេញ​ថ្លៃ​ចុងក្រោយ ដើម្បី​​ធ្វើ​ផ្លូវ​ អ៊ុតកៅស៊ូ​លើកំណាត់​​ផ្លូវសំខាន់ៗ បន្ទាប់​ពីសម្រេច​បាន​ ​២ជំហានធំៗ​រួច​ហើយ គឺកសាង​អាង​​ប្រព្រឹត្តិកម្ម​ទឹកកខ្វក់ និង​ទីតាំង​ចាក់សំរាម។ ផ្លូវ​ដែល​ត្រូវជួសជុល​បន្ថែម និង​ដោយ​គម្រោង​របស់ ADB​  សរុប​ឡើង​ដល់ ២៨ខ្សែ នេះ ត្រូវ​អនុវត្ដ​​ភ្លាមៗ​ចាប់​ពី​ខែវិច្ឆិកា ដាច់​ទឹកភ្លៀង​តទៅ ហើយ​​ពលរដ្ឋ​នឹង​ទទួល​បាន​កាដូ​នេះ​បណ្ដើៗ មុន​ឆ្នាំ​ថ្មី​ចូល​មក។​

​អភិបាល​ខេត្ដបាត់ដំបង​ ឯកឧត្ដម សុខ លូ បាន​បញ្ជាក់​តាមរយៈបណ្ដាញសារព័ត៌មាន AMS ថា ផ្លូវ​ដែល​អនុម័ត​ធ្វើ​បន្ថែម​នេះ គឺ​ស្ថិតនៅ​ក្នុង​ក្រុង​ទាំង​អស់ ហើយ​មិនមែន​ជា​តម្រាយ​ផ្លូវ​ថ្មី​នោះ​ទេ គឺ​ជា​ផ្លូវ​ចាស់ត្រូវស្ដារ​​ឡើង​វិញ។ ដោយឡែក ផ្លូវ​ទាំង ២៨ខ្សែ នឹង​ធ្វើ​រួចរាល់ ១០០% ​នៅ​ចុង​ឆ្នាំ​២០២៦ ឬ​ដើម​ឆ្នាំ​២០២៧ បង្កើត​ជា​ផ្លូវ​ដ៏ស្អាត ងាយ​ស្រួលសម្រាប់​ពលរដ្ឋ​រស់នៅ លក់ដូរ និង​ធ្វើ​ដំណើរ ហើយ​វា​ក៏​ជា​ផ្នែក​មួយ​ជួយ​ទាក់ទាញ​ភ្ញៀវទេសចរ​ជាតិ-អន្ដរជាតិឱ្យ​មកកម្សាន្ដ​នៅក្នុង​បាត់ដំបង​កាន់​តែច្រើនដែរ។

បើ​តាម​ឯកឧត្ដម​អភិបាល​ខេត្ដ អតីតកាល​នៃ​ផ្លូវ​ទាំង ២៨ខ្សែនេះ មាន​សភាព​ទ្រុឌទ្រោម ពិបាក​ធ្វើ​ដំណើរ​ខ្លាំង ដោយ​ខែវស្សារអិល មានភក់ជ្រាំ រីឯខែប្រាំងវិញ ហុយ​ពិបាក​​ទាំង​អ្នក​ធ្វើ​ដំណើរ និង​អ្នករស់នៅ​អមសងខាង​ផ្លូវ។ ប៉ុន្ដែ​អាជ្ញាធរតែង​តែ​បាញ់​ទឹក ជួសជុល​ផ្លូវ​ទាំង​នេះ ​ដើម្បី​សម្រួល​ដល់​ការ​ធ្វើ​ដំណើរ​បណ្ដោះ​អាសន្ន ខណៈ​ដែល​គម្រោង​ស្ថាបនា​​ ​បាន​អនុវត្ដចប់ជា​ជំហានៗ។ ចំពោះឯកឧត្ដម​ផ្ទាល់ ក៏ដូច​ជា​ពលរដ្ឋ​ក្នុង​ក្រុង​បាត់ដំបង ​បាន​បង្ហាញ​ការសាទរ និង​សប្បាយ​​រីករាយ ក្រោយ​ពី​មាន​ប្រសាសន៍​បញ្ជាក់​របស់សម្ដេច​ធិបតី​​ជុំវិញ​គម្រោង​ជួសជុល​ផ្លូវ​ក្នុង​ក្រុង ខណៈ​ក្រសួងសាធារណៈការ និងដឹកជញ្ជូន ក៏​កំពុង​ខ្នះខ្នែង​លើ​រឿង​នេះ៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហគមន៍​សសី ​អាច​ផ្គត់ផ្គង់​បន្លែ​សុវត្ថិ​ភាព​ជិត​​ ១ តោន​ក្នុង​ ១ ​ថ្ងៃ ​ដល់​ផ្សារ​នៅ​សៀមរាប​ ​ក្រោយ​ដាំដុះ​ក្នុង​ផ្ទះ​សំណាញ់​

បទយកការណ៍, សេដ្ឋកិច្ច

• 22/11/2026

​សហគមន៍​កសិកម្ម​ទំនើបសសី ​ក្នុង​ខេត្ត​សៀមរាប​ ​អាច​ប្រមូល​ផល​ ​និង​ផ្គត់ផ្គង់​បន្លែ​សុវត្ថិ​ភាព​បាន​ចន្លោះ​ពី​ ​៨០០ ​គីឡូក្រាម​ ​ទៅ​ ១ តោន​ក្នុង​ ១ ​ថ្ងៃ​ ​ទៅកាន់​ផ្សារ​ទំនើប​ ​និង​ទីផ្សារ​បោះ​ដុំ​ក្នុង​ខេត្ត​ ​ក្រោយពី​អនុវត្ត​ការ​ដាំដុះ​តាម​បច្ចេកទេស​ក្នុង​ផ្ទះសំណាញ់​ ​

កសិករ ១៦ ០០០គ្រួសារ ក្នុងសហគមន៍កសិកម្មចំនួន ៨៤  នៅខេត្តចំនួន៤ នឹងទទួលបាន គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម ជាហេដ្ឋារចនាសម្ព័ន្ធផលិតកម្ម​ មានតម្លៃជាង ២លានដុល្លារ

Top News, ព្រឹត្តិការណ៍, សេដ្ឋកិច្ច

• 22/11/2026

សៀមរាប ៖ ប្រជាកសិករចំនួន ១៦ ០០០គ្រួសារ ក្នុងសហគមន៍កសិកម្មចំនួន៨៤ នៅខេត្តចំនួន៤ រួមមាន ខេត្តកំពង់ធំ ព្រះវិហារ ឧត្តរមានជ័យ និងខេត្តសៀមរាប នឹងទទួលបានការគាំទ្រនូវហេដ្ឋារចនាសម្ព័ន្ធផលិតកម្ម រួមមាន ផ្ទះសំណាញ់  គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម

វេទិកា​ ​Made ​in ​Cambodia ​បើក​ទំព័រ​ថ្មី​សម្រាប់​ផលិតករ​ខ្មែរ ​​ពង្រឹង​គុណភាព​ ​និង​បង្កើន​ឱកាស​ទីផ្សារ

ព្រឹត្តិការណ៍, សេដ្ឋកិច្ច

• 22/11/2026

​ភា​មុខរបរ ​និង​មីក្រូសហគ្រាស​កម្ពុជា​ ​បាន​បើក​ដំណើរការ​វេទិកា​គាំទ្រ​ផលិតផល​ខ្មែរ​ ​(​Khmer ​Product ​Support ​Forum ​–​ ​Made ​in ​Cambodia​)​ ស៊េរី​ឆ្នាំ​២០២៦​-​២៧ ​ដោយ​ផ្តោត​លើ​ការ​ពង្រឹង​សមត្ថភាព​ផលិតករ​ក្នុង​ស្រុក​ ​លើកកម្ពស់​គុណភាព​ផលិតផល​ ​និង​ពង្រីក​ឱកាស​ទីផ្សារ​ទាំង​ក្នុង​ប្រទេស​ ​និង​អន្តរជាតិ​

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ