គម្រោង​ស្ថាបនាផ្លូវជាតិជិត ២០០គីឡូម៉ែត្រ នឹងទាញភ្ជាប់ប៉ូលសេដ្ឋកិច្ចខេត្ដចំនួន៣ ឱ្យកាន់តែមានសន្ទុះ

ភ្នំពេញ ៖ គម្រោងតភ្ជាប់ផ្លូវតំបន់កណ្តាល​​ ឆ្លងកាត់​ខេត្ដមានសក្កានុពល​សេដ្ឋកិច្ច​កសិកម្ម និង​ឧស្សាហកម្ម​ចំនួន​ ៣ គឺ​ខេត្ដ​កំពង់ឆ្នាំង កំពង់ស្ពឺ និងខេត្ដកំពត លើ​តម្រាយ​ផ្លូវ​សរុបជិត ២០០គីឡូម៉ែត្រ ត្រូវ​បាន​ក្រសួង​សេដ្ឋកិច្ច និង​ក្រសួងសាធារណៈការ ទទួល​យក​ទៅ​សិក្សា​លម្អិត​ហើយ។

ប្រធាន​គម្រោង និង​ជារដ្ឋលេខាធិការ​ក្រសួងសាធារណៈការ និង​ដឹកជញ្ជូន ឯកឧត្ដម យិត បុណ្ណា បាន​បង្ហើប​ប្រាប់​បណ្ដាញ​សារព័ត៌មាន AMS កាល​ពីពេលថ្មីៗ​នេះ​ ថា មន្ដ្រី​ជំនាញនៃ​ក្រសួង​ទាំង​ពីរ នឹង​ពិនិត្យ វាយតម្លៃ​ផល​ប៉ះពាល់​លម្អិត​លើ​ការ​កសាង​ផ្លូវ​ជាតិ​មួយខ្សែ​នេះបន្ទាប់​ពី​មន្ដ្រី​ជំនាញ និង​តំណាងធនាគារ​វិនិយោគហេដ្ឋារចនាសម្ព័ន្ធ​អាស៊ី(AIIB​) បាន​ចុះ​ពិនិត្យ​ស្ថានភាព​តម្រាយ​ផ្លូវ​ជាក់ស្ដែង​កាល​ពី​ថ្ងៃ​ទី២៤ ខែ​កញ្ញា ឆ្នាំ​២០២៦។

យ៉ាងណាក៏ដោយ បើ​ទោះ​បី​ជា​ព័ត៌មានជាក់លាក់អំពីទំហំ​ទឹកប្រាក់ រយៈ​ពេល​សាងសង់ ហើយការចាប់​ផ្ដើម​ និង​បញ្ចប់​ទៅ​វិញ​នៅ​ពេល​ណា មិន​ទាន់​ត្រូវ​បាន​ប្រកាស​ជាផ្លូវការក្ដី ប៉ុន្ដែ​​ក្រសួងសាធារណៈការ ​បាន​កំណត់​ជាបឋម​លើបណ្តាញខ្សែផ្លូវនៃគម្រោង ចាប់ពីផ្លូវជាតិលេខ៥៣ នៃស្រុកទឹកផុស ខេត្ដ​កំពង់ឆ្នាំង ដល់ផ្លូវជាតិលេខ៣ និងចាប់ពីផ្លូវជាតិលេខ៤ ក្រុងច្បារមន ខេត្ដ​កំពង់ស្ពឺ ដល់ចំណុចកោះខ្សាច់ទន្លា ប្រវែងសរុប ១៦៨,២០គី​ឡូម៉ែត្រ។

បើ​តាម​មន្ដ្រី​ជំនាញ​ក្រសួង​សាធារណៈការ គម្រោង​នេះ​នឹង​ត្រូវ​អនុវត្ដ​ជា​ពីរជំហាន គឺ​ជំហានដំបូង​ចាប់​ពី​ផ្លូវ​ជាតិលេខ ៥៣ ដល់​ផ្លូវ​ជាតិ​លេខ៣ និង​ជំហាន​បន្ទាប់​ចាប់​ពី​ផ្លូវជាតិ​លេខ៤ ដល់ឃុំកោះខ្សាច់​ទន្លា។ ដំណឹង​នេះ ធ្វើឱ្យអាជ្ញាធរ​មូលដ្ឋាន និង​ប្រជា​ពលរដ្ឋត្រេកអរ ហើយ​សង្ឃឹម​ថា នឹង​ចេញ​ជា​លទ្ធផល​ក្នុង​ពេល​ឆាប់ៗ បន្ទាប់​ពីក្រសួង​​វាយតម្លៃ​ហេតុផល​ប៉ះពាល់ និង​កំណត់​តម្រាយ​ផ្លូវ​វាង​ក្រុង​ចប់​សព្វគ្រប់។ ពួកគាត់សង្ឃឹម​ថា ផ្លូវ​គឺ​ជា​ដង្ហើម​សេដ្ឋកិច្ច ភ្ជាប់​ពី​តំបន់​មួយ​ទៅ​តំបន់​មួយទៀត ដើម្បីសម្រួល​ដល់​ការ​ដឹកជញ្ជូន និង​ការធ្វើ​ដំណើរ​កាន់​តែ​ងាយស្រួល។

ជុំវិញ​រឿង​នេះ​ លោកបណ្ឌិត ញិល រដ្ឋា អ្នកជំនាញ​សេដ្ឋកិច្ច បាន​មើល​ឃើញ​ចំណុច​វិជ្ជមាន​ចំនួន ៤ គឺទី១ បើ​ទោះ​បី​ជាកំណើនសេដ្ឋកិច្ច​កម្ពុជា​ឆ្នាំ២០២៦ ទាបក៏ដោយ ប៉ុន្ដែតាម​រយៈ​គម្រោង​ថ្មីៗ នឹងជួយ​រំញោចសេដ្ឋកិច្ចចំពោះមុខ ទី២ នៅ​ពេលដែល​ផ្លូវ​ត្រូវ​បាន​តភ្ជាប់​នឹង​កាត់​បន្ថយ​ថ្លៃ​ដឹកជញ្ជូន ទី៣ ផ្លូវ​ថ្មី​ជាផ្នែក​មួយ​ជួយទាញ​អារម្មណ៍​អ្នកវិនិយោគសំឡឹង​មើល​ទីតាំងបង្កើត​សិប្បកម្ម ឬ​រោងចក្រ សហគ្រាស នៅអមសងខាងផ្លូវ និងនៅ​តាមតំបន់​ប៉ូល​សេដ្ឋកិច្ចសំខាន់ៗជាប់ផ្លូវ និង​ទី៤ ការ​ផ្ដល់​កម្ចី​របស់ AIIB អាច​ស្ថិត​នៅ​ក្នុង​កម្រិត​អត្រា​ការ​ប្រាក់​ទាបដែលអំណោយផល​ដល់​កម្ពុជា​ក្នុង​ការ​អភិវឌ្ឍន៍​ជាតិ។

បើ​តាម​លោក​បណ្ឌិត ញិល រដ្ឋា ការបង្កើនកម្ចី​ ដើម្បី​អភិវឌ្ឍហេដ្ឋារចនាសម្ព័ន្ធមិនមែន​ជារឿង​អាក្រក់​នោះ​ទេ ប៉ុន្ដែ​យើង​ត្រូវ​មើល​លើ​ប្រភព​កម្ចី និង​ត្រូវ​យក​កម្ចីនោះមក​​អភិវឌ្ឍបែប​ណា​ឱ្យមាន​ប្រសិទ្ធភាពខ្ពស់។ លោកថា ប្រភព​កម្ចី​ពី AIIB ​ក៏​ដូច​ជា​ធនាគារ​ធំៗ​ដែល​ចូល​មក​ចាប់ដៃ​គូ​អភិវឌ្ឍ​ជាមួយ​កម្ពុជា​ផ្សេង​ទៀត​ដែរ គឺយក​អត្រា​ការ​ប្រាក់​ទាប​​ ចន្លោះ​ពី១ ទៅ២%​ ប៉ុណ្ណោះ​ក្នុង១ឆ្នាំ ដែល​ជា​សញ្ញាល្អ​សម្រាប់​កម្ពុជា ក្នុង​កាលៈទេសៈ​នេះ។

សូមរំលឹក​ជូន​ថា អនុ​ប្រធាន​​គម្រោងតភ្ជាប់​​ផ្លូវ​តំបន់​កណ្ដាល(Central regional road connectivity project) នៃ​ក្រសួង​សាធារណៈការ លោក នូ វឌ្ឍនៈ និង​លោកស្រី Jaishree Jindel តំណាង​ធនាគារ​វិនិយោគ​ហេដ្ឋារចនាសម្ព័ន​អាស៊ី(AIIB) ព្រម​ទាំង​មន្ដ្រី​ជំនាញ​ពាក់ព័ន្ធ បាន​ចុះសិក្សា​បឋម​លើ​តម្រាយ​ផ្លូវ​នេះ​កាល​ពី​ចុង​ខែកញ្ញា ឆ្នាំ​២០២៦។ ក្រុម​ការងារជំនាញ​បច្ចេកទេសបាន​ចាត់​ទុកបេសកកម្ម​នេះ គឺ​ជាជំហានដ៏ចាំបាច់ក្នុងដំណាក់កាលសិក្សាសមិទ្ធិលទ្ធភាពគម្រោងឱ្យស្របនឹងយុទ្ធសាស្ត្រការអភិវឌ្ឍន៍តំបន់ ការលើកកម្ពស់សេដ្ឋកិច្ច សង្គម និងប្រសិទ្ធភាពតភ្ជាប់ប្រព័ន្ធដឹកជញ្ជូនប្រកបដោយចីរភាព៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហគមន៍​សសី ​អាច​ផ្គត់ផ្គង់​បន្លែ​សុវត្ថិ​ភាព​ជិត​​ ១ តោន​ក្នុង​ ១ ​ថ្ងៃ ​ដល់​ផ្សារ​នៅ​សៀមរាប​ ​ក្រោយ​ដាំដុះ​ក្នុង​ផ្ទះ​សំណាញ់​

បទយកការណ៍, សេដ្ឋកិច្ច

• 22/11/2026

​សហគមន៍​កសិកម្ម​ទំនើបសសី ​ក្នុង​ខេត្ត​សៀមរាប​ ​អាច​ប្រមូល​ផល​ ​និង​ផ្គត់ផ្គង់​បន្លែ​សុវត្ថិ​ភាព​បាន​ចន្លោះ​ពី​ ​៨០០ ​គីឡូក្រាម​ ​ទៅ​ ១ តោន​ក្នុង​ ១ ​ថ្ងៃ​ ​ទៅកាន់​ផ្សារ​ទំនើប​ ​និង​ទីផ្សារ​បោះ​ដុំ​ក្នុង​ខេត្ត​ ​ក្រោយពី​អនុវត្ត​ការ​ដាំដុះ​តាម​បច្ចេកទេស​ក្នុង​ផ្ទះសំណាញ់​ ​

កសិករ ១៦ ០០០គ្រួសារ ក្នុងសហគមន៍កសិកម្មចំនួន ៨៤  នៅខេត្តចំនួន៤ នឹងទទួលបាន គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម ជាហេដ្ឋារចនាសម្ព័ន្ធផលិតកម្ម​ មានតម្លៃជាង ២លានដុល្លារ

Top News, ព្រឹត្តិការណ៍, សេដ្ឋកិច្ច

• 22/11/2026

សៀមរាប ៖ ប្រជាកសិករចំនួន ១៦ ០០០គ្រួសារ ក្នុងសហគមន៍កសិកម្មចំនួន៨៤ នៅខេត្តចំនួន៤ រួមមាន ខេត្តកំពង់ធំ ព្រះវិហារ ឧត្តរមានជ័យ និងខេត្តសៀមរាប នឹងទទួលបានការគាំទ្រនូវហេដ្ឋារចនាសម្ព័ន្ធផលិតកម្ម រួមមាន ផ្ទះសំណាញ់  គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម

វេទិកា​ ​Made ​in ​Cambodia ​បើក​ទំព័រ​ថ្មី​សម្រាប់​ផលិតករ​ខ្មែរ ​​ពង្រឹង​គុណភាព​ ​និង​បង្កើន​ឱកាស​ទីផ្សារ

ព្រឹត្តិការណ៍, សេដ្ឋកិច្ច

• 22/11/2026

​ភា​មុខរបរ ​និង​មីក្រូសហគ្រាស​កម្ពុជា​ ​បាន​បើក​ដំណើរការ​វេទិកា​គាំទ្រ​ផលិតផល​ខ្មែរ​ ​(​Khmer ​Product ​Support ​Forum ​–​ ​Made ​in ​Cambodia​)​ ស៊េរី​ឆ្នាំ​២០២៦​-​២៧ ​ដោយ​ផ្តោត​លើ​ការ​ពង្រឹង​សមត្ថភាព​ផលិតករ​ក្នុង​ស្រុក​ ​លើកកម្ពស់​គុណភាព​ផលិតផល​ ​និង​ពង្រីក​ឱកាស​ទីផ្សារ​ទាំង​ក្នុង​ប្រទេស​ ​និង​អន្តរជាតិ​

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ