សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងស្ថានភាពដែលទីផ្សារអចលនទ្រព្យនៅមិនទាន់មានភាពច្បាស់លាស់នៅឡើយ មិនថាចំពោះតែនៅក្នុងប្រទេសកម្ពុជា ឬប្រទេសដទៃនោះទេ វាគឺជាឱកាសដ៏ល្អមួយសម្រាប់អ្នកវិនិយោគដែលមានទុនគ្រប់គ្រាន់ក្នុងការទិញអចលនទ្រព្យទុក ជាពិសេសផ្នែកដីធ្លីសម្រាប់ទុកលក់បន្តយកចំណេញនៅក្នុងពេលអនាគត ។
លោក ឌឹត បណ្ណា អគ្គនាយកក្រុមហ៊ុនអចលនទ្រព្យ Lucky បានលើកឡើងថា បើទោះបីជាស្ថានភាពកូវីដ-១៩នៅក្នុងប្រទេសកម្ពុជា មានភាពប្រសើរច្រើន ប៉ុន្តែស្ថានភាពកូវីដ-១៩ ជាលក្ខណៈសកលលោកនៅមិនទាន់បានប្រសើរនៅឡើយ ហើយបន្ថែមពីលើបញ្ហាសេដ្ឋកិច្ចពិភពលោកគឺសង្គ្រាមរវាងរុស្ស៊ី និងអ៊ុយក្រែន ។
លោកបានបន្តថា ក្នុងស្ថានភាពបែបនេះ អ្នកវិនិយោគត្រូវការប្រុងប្រយ័ត្នខ្ពស់ ទាំងអ្នកវិនិយោគរយៈពេលវែង និងរយៈពេលខ្លី ប៉ុន្តែក្នុងស្ថានភាពដដែលនេះ បើសិនជាអ្នកវិនិយោគដែលមានទុនគ្រប់គ្រាន់ក្នុងការទិញដី ទិញអចលនទ្រព្យសម្រាប់វិនិយោគនៅពេលអនាគត គឺជាឱកាសរបស់ពួកគេ ព្រោះក្នុងអំឡុងពេលនេះ អ្នកមានលុយមានឱកាសក្នុងការចរចាទិញអចលនទ្រព្យ ជាពិសេសដីធ្លីនៅតំបន់ដែលមានសក្ដានុពល។
លោកថា ៖
“អ្នកមានលុយអាចមានឱកាសខ្ពស់ក្នុងការជ្រើសរើសទីតាំងល្អៗ សម្រាប់ទុកផ្ដល់ជូនអ្នកអភិវឌ្ឍន៍ដូចជាលំនៅឋាន ពាណិជ្ជកម្ម និងផ្នែកឧស្សាហកម្មជាដើម។ នៅក្នុងវេលានេះ សម្រាប់អ្នកដែលមានអាជីវកម្មក្នុងដៃរួចហើយ និងចង់ពង្រីកអាជីវកម្មរបស់ខ្លួននៅពេលខាងមុខទៀតក៏ជាឱកាសក្នុងការចាប់យកសម្រាប់ពង្រីកតាមផែនការផងដែរ។ ទីតាំងការិយាល័យ ធនាគារ និងការិយាល័យក្រុមហ៊ុនដទៃទៀតសុទ្ធតែមានតម្រូវការខ្ពស់នៅពេលអនាគត ហើយនៅថ្ងៃខាងមុខនេះ តម្លៃដីសម្រាប់សាងសង់ និងអភិវឌ្ឍអគារទាំងនោះនឹងហក់ឡើងខ្ពស់ជាក់ជាមមិនខាន”
យ៉ាងណាក៏ដោយ អ្នកជំនាញនៅក្នុងវិស័យអចលនទ្រព្យជាច្រើននាក់សុទ្ធតែបានបង្ហាញពីក្ដីរំពឹងថា នៅពេលមានរំហូរវិនិយោគិនពីបរទេសចូលមកកាន់កម្ពុជា នោះសកម្មភាពទីផ្សារអចលនទ្រព្យកម្ពុជានឹងមានកម្រើកឡើងវិញ ដូច្នេះ ការត្រៀមខ្លួនសម្រាប់ទទួលស្វាគមន៍អ្នកទាំងនោះ មិនរង់ចាំទាល់តែពួកគេមកដល់ទើបស្វះស្វែងរកនោះទេ។ អ្នកវិនិយោគក្នុងស្រុកគួរតែរៀបចំខ្លួនឱ្យរួចរាល់ ដូច្នេះ នៅពេលដែលពួកគេមកដល់ គឺអ្នកវិនិយោគក្នុងស្រុកមានអ្វីៗរួចរាល់ជាស្រេច។ ស្រដៀងគ្នានេះ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានលើកឡើងផងដែរថា នៅចុងឆ្នាំ២០២២នេះ រំពឹងថាវិនិយោគិនបរទេសនឹងចាប់ផ្ដើមចូលមកវិញ ហើយស្វែងរកការវិនិយោគឡើងវិញ ពេលនោះតម្រូវការទីតាំងវិនិយោគលើការអភិវឌ្ឍនឹងកម្រើកឡើងវិញផងដែរ។ លោកបន្តថា សម្រាប់ការហូរចូលនៃវិនិយោគិនបរទេសចូលមកកម្ពុជាវិញ គឺអាស្រ័យលើកត្តាខាងក្រៅ ដូចជាការបញ្ចប់សង្គ្រាមរវាងរុស្ស៊ី និងអ៊ុយក្រែន និងការបញ្ចប់ទៅនៃវិបត្តិកូវីដ-១៩ជាសកល ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កម្ពុជា ជំរុញវិនិយោគិនចិនចូលមកបណ្ដាក់ទុនវិនិយោគបន្ថែមទៀត ក្រោយកិច្ចសន្ទនារវាងរដ្ឋ និងឯកជន កម្ពុជា-ចិនបានបញ្ចប់
កម្ពុជា ស្រូបទាញបានទុនវិនិយោគជិត ២៨ ពាន់លានដុល្លារ ពីរោងចក្រធុនធ្ងន់ជាង ៣,២ ពាន់ទីតាំង
Account
Security
Favourite Content