សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រោមឥទ្ធិពលនៃទីផ្សារប្រេងឆៅអន្តរជាតិដែលកំពុងមានបញ្ហា និងមិនទាន់ដោះស្រាយបាននៅឡើយនោះ តម្លៃប្រេងឆៅបានកើនឡើងខ្ពស់ដោយក្នុងមួយបារ៉ែលឡើងដល់ប្រមាណ ៧៦,៥៣ដុល្លារអាមេរិក ហើយការកើនឡើងថ្លៃនៃតម្លៃប្រេងឆៅនេះ ក៏បានធ្វើឱ្យតម្លៃប្រេងឥន្ធនៈជាសាកលកើនឡើងខ្ពស់ដូចគ្នា ហើយក្នុងនោះកម្ពុជាក៏ទទួលរងនូវឥទ្ធិពលផងដែរ។
នៅក្នុងរយៈពេលមួយសប្ដាហ៍ចុងក្រោយនេះ តម្លៃប្រេងនៅក្នុងប្រទេសកម្ពុជាមានការកើនឡើងជាបន្តបន្ទាប់ ដែលគិតរហូតមកដល់ព្រឹកថ្ងៃទី១២ កក្កដា ឆ្នាំ២០២១ តម្លៃប្រេងឡើងជាង៤ ០០០រៀលក្នុង១លីត្រ ឬ ៤ ៥០០រៀលសម្រាប់ប្រេងសាំងស៊ូពែ។ យ៉ាងណាក៏ដោយ ពាក់ព័ន្ធទៅនឹងការកើនឡើងនូវតម្លៃប្រេងនៅកម្ពុជានាពេលបច្ចុប្បន្ននេះ អ្នកជំនាញសេដ្ឋកិច្ចបានអះអាងថា នៅមិនទាន់ឈានដល់ចំណុចដែលគួរឲ្យព្រួយបារម្ភនៅឡើយនោះទេ ហើយវាអាចនឹងបន្តហក់ឡើងខ្លាំងជាងពេលនេះបន្ថែមទៀត។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាបានមានប្រសាសន៍ថា អ្វីដែលជំរុញឲ្យតម្លៃប្រេងឡើងថ្លៃនៅកម្ពុជា គឺមកពីទីផ្សារប្រេងអន្តរជាតិវាហក់ឡើងជាបន្តបន្ទាប់។ ទិដ្ឋភាពជារួមនៃបញ្ហាប្រេងនេះ គឺដោយសារក្រុមប្រទេសផលិតប្រេងអន្តរជាតិនាំមុខនៅលើពិភពលោក OPEC និងឥទ្ធិពលនៃប្រទេសធំៗដែលមានតម្រូវការប្រេងច្រើនឡើងវិញ។
លោកបណ្ឌិតបានពន្យល់ថា ហេតុផលដែលបណ្តាលឲ្យតម្លៃប្រេងឡើងថ្លៃគឺដោយសារកត្តាទី១ បញ្ហាកូវីដបានបង្ខំឲ្យប្រទេសមួយចំនួនដែលជាអ្នកផលិតប្រេង កាត់បន្ថយការផលិតរបស់ខ្លួន។ កត្តាទី២ដោយសារប្រទេសមួយចំនួនទៀតដែលបានស្ងប់ស្ងាត់ពីបញ្ហាកូវីដបន្តិច បានចាប់ផ្តើមបើកទីផ្សារសេដ្ឋកិច្ចឡើងវិញ និងមានតម្រូវការប្រើប្រាស់ប្រេងកើនឡើង។ ដូច្នេះតម្រូវការប្រេងដែលកំណត់ដោយ OPEC និងការផលិតក្នុងចំនួនមានកំណត់ ស្របពេលនៃការកើនឡើងនៃតម្រូវការផងនោះ ទើបធ្វើឲ្យតម្លៃប្រេងហក់ឡើងខ្ពស់រហូតដល់ជាង ៧៦ ដុល្លារអាមេរិកក្នុងមួយបារ៉ែល ខណៈដែលតម្លៃមុនពេលផ្ទុះជំងឺកូវីដត្រឹមតែជាង៤០-៥០ដុល្លារក្នុងមួយបារ៉ែលប៉ុណ្ណោះ។
នៅក្នុងកិច្ចប្រជុំកាលពីសប្តាហ៍កន្លងទៅ OPEC បានដាក់សំណើក្នុងការផលិតឱ្យបាន ៤០០ ០០០ បារ៉ែលក្នុងមួយថ្ងៃ ដោយគិតចាប់ពីខែសីហារហូតទៅដល់ខែធ្នូ ឬប្រមាណជា ២ លានបារ៉ែលនៅត្រឹមថ្ងៃចុងឆ្នាំ ហើយសមាជិកក៏បានស្នើសុំបន្តការកាត់បន្ថយបូមប្រេងរហូតទៅដល់ចុងឆ្នាំ២០២២ផងដែរ ខណៈដែលបណ្តាប្រទេសផលិតប្រេងផ្សេងទៀតនឹងនាំគ្នាបង្កើនលទ្ធភាពផលិតរបស់ខ្លួនដើម្បីប្រជែងយកទីផ្សារ ដែលជាហេតុនាំឱ្យតម្លៃអាចនឹងធ្លាក់ចុះខ្លាំងមកវិញអាចត្រឹមតែ ៧០ ដុល្លារក្នុងមួយបារ៉ែល ។
ដោយឡែកសម្រាប់ប្រទេសកម្ពុជា ការកើនឡើងតម្លៃប្រេងអាស្រ័យមកពីចរន្តអន្តរជាតិនេះដែរ ទើបតម្លៃប្រេងមានការឡើងថ្លៃ ។ សំណួរថា តើធ្វើដូចម្ដេចឱ្យមាននិរន្តរភាព ឬឱ្យមានការចុះតម្លៃប្រេងសម្រាប់កម្ពុជា ដែលបញ្ហានេះប្រជាពលរដ្ឋតែងតែដាក់បន្ទុកទៅលើរដ្ឋាភិបាលពីព្រោះថាការឡើងថ្លៃប្រេងនេះអាស្រ័យទៅលើក្រុមហ៊ុននាំចូលដែលរដ្ឋាភិបាលអាចសម្របសម្រួលបានខ្លះ។ លោកបណ្ឌិត ហុង វណ្ណៈ បានលើកឡើងថា ៖ «ខ្ញុំគិតថាទី១ រដ្ឋាភិបាលពុំទាន់បានឧបត្ថម្ភធនទៅលើក្រុមហ៊ុនលក់ប្រេងនៅឡើយទេ ដូច្នេះបើចង់ឱ្យមានការធ្លាក់ចុះថ្លៃប្រេងនៅកម្ពុជា ទាល់តែរដ្ឋាភិបាលធ្វើការឧបត្ថម្ភធនដល់ក្រុមហ៊ុនលក់ប្រេងទាំងនោះទើបអាចមានការទម្លាក់ថ្លៃប្រេងបាន។ ទី២ ការប្រើប្រាស់នៅក្នុងជីវភាពប្រចាំថ្ងៃ និងទៅតាមផ្នែកអាជីវកម្មនានា ដូចជាការប្រើប្រាស់នៅក្នុងវិស័យកសិកម្ម ឧស្សាហកម្មជាដើមគឺសុទ្ធតែអាចកាត់បន្ថយការប្រើដោយការសន្សំសំចៃបាន។ ដូច្នេះនៅក្នុងស្ថានភាពបែបនេះ គឺមានតែការប្រើប្រាស់ដោយការសន្សំ ដែលជាវិធិសាស្ត្រល្អ»។
ជាមួយនឹងការលើកឡើងខាងលើនេះ លោកបណ្ឌិត ហុង វណ្ណៈ ក៏បានព្យាករណ៍ផងដែរថា ផ្អែកតាមកិច្ចប្រជុំរបស់ OPEC ដែលបានបញ្ចប់កាលពីពេលថ្មីៗនេះ យ៉ាងយូរអាចត្រឹមខែកញ្ញា តម្លៃប្រេងអាចនឹងធ្លាក់ចុះមកវិញបន្តិចម្ដងៗជាមិនខានបន្ទាប់ពីបណ្តាប្រទេសផលិតប្រេងដែលជាសមាជិករបស់ OPEC បង្កើនលទ្ធភាពផលិតបន្ថែមរបស់ខ្លួនឡើងវិញ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចិន និងកៀហ្ស៊ីស៊ីស្ថាន ប្តេជ្ញាចិត្តរួមគ្នាលើកកំពស់វិស័យ AI ក្នុងកិច្ចប្រជុំកំពូល SCO ឆ្នាំនេះ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ប្រទេសចិន និងប្រទេសកៀហ្ស៊ីស៊ីស្ថាន បានព្រមព្រៀងគ្នាក្នុងការរុញច្រានវិស័យបច្ចេកវិទ្យាឱ្យកាន់តែជឿនលឿនរួមគ្នា ជាពិសេស វិស័យបញ្ញាសិប្បនិម្មិត AI
ឯកឧត្តម សាយ សំអាល់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុដល់អតិថិជនបុរី ឡេង ណាវ៉ាត់ត្រា ផ្លូវជាតិ ៦A
Top News, ព្រឹត្តិការណ៍, អចលនទ្រព្យ
• 04/09/2026
ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី៤ ខែកញ្ញា ឆ្នាំ២០២៦ បានអញ្ជើញចុះជួបសំណេះសំណាលជាមួយប្រជាពលរដ្ឋដែលជាអតិថិជនទិញលំនៅឋានក្នុងគម្រោងបុរី ឡេង ណាវ៉ាត់ត្រា ផ្លូវជាតិ ៦A
ការជួញដូរអាវុធរវាង អាល្លឺម៉ង់ ទៅឲ្យអ៊ីស្រាអែល កើនឡើងជិតដល់ ១០០០លានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
រដ្ឋាភិបាលអាល្លឺម៉ង់បានអនុម័តលើការនាំចេញបរិក្ខារយោធាដែលមានតម្លៃជិត ៨០០ លានអឺរ៉ូ ឬប្រមាណជា ៩៣០ លានដុល្លារ ទៅឲ្យប្រទេសអ៊ីស្រាអែល ក្នុងអំឡុងឆមាសទីមួយនៃឆ្នាំ២០២៦
បន្ថែមមួយប្រទេសទៀតហើយ! LOLC KHQR ពង្រីកសមត្ថភាពទទួលការទូទាត់ពីភ្ញៀវទេសចរអន្តរជាតិ ពីប្រទេសសិង្ហបុរី
ព្រឹត្តិការណ៍, អត្ថបទពាណិជ្ជកម្ម
• 04/09/2026
អិលអូអិលស៊ី (ខេមបូឌា) ភីអិលស៊ី បានពង្រីកសមត្ថភាពទទួលការទូទាត់របស់ LOLC KHQR ដោយបន្ថែមប្រទេសសិង្ហបុរីជាប្រទេសថ្មីមួយទៀត ដើម្បីឱ្យអាជីវកររបស់ អិលអូអិលស៊ី អាចទទួលការទូទាត់ពីភ្ញៀវទេសចរមកពីប្រទេសសិង្ហបុរី
ប្រព័ន្ធលុយដុល្លារដែលមានអាយុកាលជិត ១ សតវត្សរ៍ ប្រឈមហានិភ័យ ខណៈបណ្តាធនាគារកណ្តាលងាកទៅរកទុនបម្រុងថ្មី
Top News, ព្រឹត្តិការណ៍, ហិរញ្ញវត្ថុ
• 04/09/2026
នាគារកណ្តាលនៅជុំវិញពិភពលោកកំពុងកែប្រែយុទ្ធសាស្ត្របម្រុងរូបិយប័ណ្ណបរទេសរបស់ខ្លួនជាបណ្តើរៗ ដោយកាត់បន្ថយការចាក់គ្រឹះលើប័ណ្ណបំណុលរដ្ឋាភិបាលអាមេរិក (U.S. Treasury bonds)ហើយងាកមកទិញមាសសុទ្ធជំនួសវិញ
ទីផ្សារការងារកម្ពុជា ឆ្នាំ២០២៥ រក្សាភាពរឹងមាំ ខណៈប្រជាជនក្នុងវ័យធ្វើការមានចំនួនប្រមាណ ១៣,១លាននាក់
Top News, ព្រឹត្តិការណ៍, សេដ្ឋកិច្ច
• 04/09/2026
ឆ្នាំ២០២៥ ប្រជាជនក្នុងវ័យធ្វើការមានចំនួនប្រមាណ ១៣,១លាននាក់ (ស្រី ៦,៨លាននាក់ និងប្រុស ៦,៣លាននាក់) ក្នុងនោះរស់នៅតំបន់ជនបទ ៧,៨លាននាក់ និងតំបន់ទីប្រជុំជន ៥,៣លាននាក់
BBC ចុះផ្សាយពីការបើកទ្វារស្វាគមន៍ភ្ញៀរទេសចររបស់កម្ពុជាមានភាពប្រសើរ និងងាយស្រួលជាងមុន
Top News, ព្រឹត្តិការណ៍, សេដ្ឋកិច្ច
• 04/09/2026
ប្រទេសកម្ពុជាកំពុងស្ថិតក្នុងរបត់ឆ្ពោះទៅរកភាពរីកចម្រើន និងផ្លាស់ប្តូរយ៉ាងលឿន ដោយសារការសម្រួលដល់ដំណើរការទទួលភ្ញៀវទេសចរមានភាពរលូនជាងមុន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content