អ្នកជំនាញកសិកម្ម៖ ការឡើងថ្លៃតម្លៃជីកសិកម្មជាឱកាសជំរុញឲ្យកសិករងាកទៅធ្វើជីដោយខ្លួនឯង

ភ្នំពេញ ៖ ក្រសួងកសិកម្មបានបញ្ជាក់ រយៈពេលប៉ុន្មានឆ្នាំចុងក្រោយនេះ វិស័យកសិកម្មនៅកម្ពុជា មានសន្ទុះនៃការកើនឡើងគួរកត់​សម្គាល់ ដោយបង្កើននូវតម្រូវការជី និងថ្នាំកសិកម្មយ៉ាងខ្លាំង ដែលគិតត្រឹមខែ ឧសភានៃឆ្នាំ២០២១នេះ​ ការនាំចូលថ្នាំកសិកម្មមានចំនួន ៤៧ ៤០៩ តោន និងជីកសិកម្មមានចំនួន ៨៥៨ ៦៣២តោន ខណៈដែលតម្លៃនៃការនាំចូលបានបន្តកើនឡើងជាបន្តបន្ទាប់។​

កម្ពុជា ត្រូវបានគេទទួលស្គាល់ថាជាប្រទេសដែលលេចធ្លោលើការនាំចេញផលិតផលកសិកម្ម ប៉ុន្តែប្រជាកសិករភាគច្រើនបែរជានិយម​ទិញជី និងថ្នាំកសិកម្មសម្រាប់ប្រើប្រាស់លើដំណាំជាជាងការផលិតជីធម្មជាតិដោយខ្លួនឯងទៅវិញ ខណៈដែលតម្លៃជីសម្រាប់កសិកម្ម​មានការឡើងថ្លៃ។

អ្នកជំនាញនៅក្នុងវិស័យកសិកម្ម និងការដាំដុះបានអះអាងថា ការប្រើប្រាស់ជីគីមីលើដំណាំកសិកម្មវាបង្ករជាផលប៉ះពាល់ដល់សុខភាព ហើយក៏ប៉ះពាល់ខ្លាំងដល់សេដ្ឋកិច្ចអ្នកដាំដុះផងដែរតាមរយៈការបង្កើនតម្លៃថ្លៃដើមទៅលើការទិញជី និងថ្នាំកសិកម្មស្របពេល​ដែលប្រជា​កសិករកំពុងជួបវិបត្តិហិរញ្ញ​វត្ថុ។ ជាមួយគ្នានេះ អ្នកជំនាញក៏បានលើកទឹកចិត្ត និងជំរុញឲ្យប្រជាកសិករងាកមករៀនប្រើប្រាស់​ធនធានជុំ​វិញ​ខ្លួនទៅជាជីធម្មជាតិដែល​ចំណេញ​ទាំង​ប្រាក់ និងបានជួយដល់សុខមាលភាពរបស់អ្នកទទួលទានផងដែរ ។

លោកឧកញ៉ា សួង ណយ អ្នកជំនាញសេដ្ឋកិច្ច និងកសិកម្មបានមានប្រសាសន៍ថា ការឡើងថ្លៃនៃតម្លៃជី ក៏ដូចជាថ្នាំសម្រាប់កសិកម្ម​ត្រូវនាំ​ចូលពីក្រៅប្រទេសនេះវាគឺជារឿងល្អ ព្រោះលោកក៏មិនចង់ឲ្យមានការប្រើប្រាស់ជីគីមីទៅលើដំណាំច្រើនពេកនោះដែរ ព្រោះវាបានធ្វើឲ្យ​ប៉ះពាល់ដល់សុខភាពអ្នកបរិភោគ ហើយកត្តា​សំខាន់បំផុតវាគឺជាការខាតបង់ថវិការ ខណៈដែលធនធានក្នុងការផលិតជីធម្មជាតិ​គឺនៅជុំវិញ​ខ្លួន​យើងស្រាប់។

លោកបានបញ្ជាក់ថា ៖

«ប្រជាជនសព្វថ្ងៃចាក់កាកសំណល់ផ្ទះបាយចោល ចាក់ទឹកអង្ករចោល ហើយសុខចិត្តទិញថ្នាំគីមីមកបាញ់ ឬស្រោចលើដំណាំ! ហើយដល់ពេលជីឡើងថ្លៃ ក៏តាំងរអ៊ូ ដាក់ថា មិនមានថវិកាទិញ»

លោកឧកញ៉ាក៏បានរំលេចពីការប្រើប្រាស់កាកសំណល់ផ្ទះបាយដែរថា ប្រជាជនអាចជ្រើសរើសប្រើ ប្រាស់កាកសំណល់ផ្ទះបាយ ទឹកអង្ករបានមកពីការលាងសម្អាតអង្ករសម្រាប់ចម្អិនបាយ មេ EM​ដែលអាចលាយខ្លួនឯងបាន និងស្ករល្ងូរ (មេជីសេរីរាង្គ) ដែលមានលក់នៅលើទីផ្សារស្រាប់យកមក​លាយបញ្ចូលគ្នាដោយចំណាយថវិកាតិចតួចបំផុត គឺតិចជាងតម្លៃជីគីមីខ្លាំងណាស់ ហើយអាចប្រើ​ប្រាស់​បាន​នៅលើផ្ទៃដីទំហំធំគួរសម។

មិនត្រឹមតែប៉ុណ្ណោះ ជីធម្មជាតិ ឬហៅថា ជីកាកសំណល់ផ្ទះបាយនេះថែមទាំងអាចជួយទៅលើ ផ្នែកបរិស្ថាន ដោយការប្រើកាកសំណល់​ឲ្យ​អស់លទ្ធភាព ហើយមិនបន្សល់សម្រាប់ឲ្យសត្វល្អិតផ្សេងៗមកបង្កើត​ជាមេរោគបានឡើយ។

គូរបញ្ជាក់ថា ក្រសួងកសិកម្មរុក្ខប្រមាញ់ និងនេសាទកាលពីថ្ងៃទី៩សីហា ឆ្នាំ២០២១កន្លងទៅ បានចេញសេចក្ដីប្រកាសព័ត៌មានមួយ​ស្ដីពី​ការ​ឡើងថ្លៃនៃជីកសិកម្ម ភ្ជាប់ជាមួយមូលហេតុកង្វះ វត្ថុធាតុដើមក្នុងការផលិត ដែលមិនអាចឆ្លើយតបនឹងតម្រូវការរបស់បណ្ដាប្រទេស​អ្នកផលិត ស្របពេលដែលការបញ្ជាទិញមានការកើនឡើង ហើយក្រុមហ៊ុនផលិតមួយចំនួនបានកាត់បន្ថយចំនួនបុគ្គលិក រួមជាមួយ​នឹង​មូលហេតុ ការរាតត្បាតធ្ងន់ធ្ងរនៃជំងឺកូវីដ១៩ផងដែរ៕


ព្រឹត្តិការណ៍, ហិរញ្ញវត្ថុ

ធនាគារ និងគ្រឹះស្ថានហិរញ្ញវត្ថុមិនផ្តោតលើទ្រព្យធានាមុននឹងផ្តល់កម្ចីនោះទេ តែទាមទារភាពច្បាស់លាស់លើផែនការអាជីវកម្ម

ភ្នំពេញ ៖ អ្នកជំនាញ និងថ្នាក់ដឹកនាំក្នុងវិស័យធនាគារ និងគ្រឹះស្ថានហិរញ្ញវត្ថុបានបញ្ជាក់ថា ធនាគារ និងគ្រឹះស្ថានហិរញ្ញវត្ថុ ដែលជាប្រភពហិរញ្ញវត្ថុយ៉ាងសំខាន់ក្នុងជួយពង្រីកអាជីវកម្មរបស់ប្រជាជន…
ព្រឹត្តិការណ៍, សេដ្ឋកិច្ច

តោះ! ឈ្វេងយល់ពីអត្រាការប្រាក់ និងទំហំកម្ចីនៃ «គម្រោងសហហិរញ្ញប្បទានស្ដារវិស័យទេសចរណ៍» ទឹកប្រាក់ ១៥០លានដុល្លារ

ភ្នំពេញ ៖ អ្នកប្រកបអាជីវកម្មក្នុងវិស័យទេសចរណ៍ ដែលមានបញ្ហាហិរញ្ញវត្ថុអាចទទួលបានកម្ចីពីគម្រោងសហហិរញ្ញប្បទាន ១៥០ លានដុល្លាររបស់រាជរដ្ឋាភិបាល តាមរយៈធនាគារសហគ្រាសធុនតូច…
ព្រឹត្តិការណ៍, សេដ្ឋកិច្ច

តំបន់តាមបណ្ដោយមហាវិថីសហព័ន្ធរុស្ស៊ីនឹងក្លាយជាតំបន់ពាណិជ្ជកម្មដ៏ទាក់ទាញ

ភ្នំពេញ ៖ តំបន់ដែលស្ថិតនៅអមសងខាងបណ្ដោយមហាវិថីសហព័ន្ធរុស្ស៊ីបាន និងកំពុងអភិវឌ្ឍន៍ទៅជាតំបន់ពាណិជ្ជកម្មដ៏ទាក់ទាញ ខណៈពេលដែលបច្ចុប្បន្ន រាប់ចាប់ពីចំណុចគល់ស្ពានអាកាស…
ព្រឹត្តិការណ៍, សេដ្ឋកិច្ច

ចិន នៅតែជាប្រទេសដៃគូពាណិជ្ជកម្មដ៏ធំបំផុតរបស់កម្ពុជា

ភ្នំពេញ ៖ ចិនគឺនៅតែជាដៃគូពាណិជ្ជកម្មដ៏ធំបំផុតរបស់កម្ពុជា ហើយបានក្លាយជាគោលដៅនាំចេញអង្ករ និងចេកដ៏ធំបំផុតរបស់កម្ពុជា ជាក់ស្ដែងភាគីទាំងពីរបានសម្រេចគោលដៅទំហំពាណិជ្ជកម្ម…
ព្រឹត្តិការណ៍, អាជីវកម្មថ្មី និងនវានុវត្ត

របាយការណ៍ស្រាវជ្រាវ ៖ ពលរដ្ឋអាមេរិកជាង៤០លាននាក់កំពុងរងការគំរាមកំហែងពីទន្លេ Colorado

ទន្លេ Colorado គឺជាប្រភពទឹកដ៏សំខាន់មួយរបស់ពលរដ្ឋជាង៤០លាននាក់ដែលកំពុងរស់នៅក្នុងរដ្ឋចំនួន៧របស់សហរដ្ឋអាមេរិកភាគនរតីដោយហូរកាត់ចំងាយជាង ៥០០ម៉ាល ឬ ជាង…
ជំនួញ, ព្រឹត្តិការណ៍

ផ្លែឈើសម្ងួតរបស់កម្ពុជាត្រូវបាននាំចេញទៅកាន់ទីផ្សារអន្តរជាតិតាមរយៈក្រុមហ៊ុនក្នុងស្រុក MISOTA

បាត់ដំបង ៖ ក្រុមហ៊ុន MISOTA មានឯកទេសក្នុងការកែច្នៃ និងចែកចាយផ្លែឈើសម្ងួត និងផលិតផលម្ហូបអាហារសម្រាប់ទីផ្សារក្នុងស្រុក និងនាំចេញ ក្រោមការបង្កើតឡើងដោយប្តីប្រពន្ធ…
ព្រឹត្តិការណ៍, អត្ថបទពាណិជ្ជកម្ម

ផ្សារបោះដុំឃ្លាំងរំសេវថ្មីសែនសុខ ផ្តល់ភាពងាយស្រួលដល់ប្រជាជនក្នុងតំបន់ និងជួយសេដ្ឋកិច្ចតំបន់ឱ្យរស់រវើក

ផ្សារបោះដុំឃ្លាំងរំសេវថ្មី សែនសុខ បានក្លាយជាផ្សារយ៉ាងមានសក្តានុពលដែលត្រូវបានបង្កើតឡើងដោយអ្នកវិនិយោគក្នុងស្រុក យកចិត្តទុកដាក់ និងគិតគូរខ្ពស់ពីការទទួលខុសត្រូវសង្គមដើម្បីចូលរួម…
ព្រឹត្តិការណ៍, អត្ថបទពាណិជ្ជកម្ម

ផ្សារបោះដុំឃ្លាំងរំសេវថ្មីសែនសុខ កំពុងផ្តល់ឱកាសចំណេញ និងទីតាំងល្អសម្រាប់អាជីវករលក់ដុំ

ភ្នំពេញ ៖ បន្ទាប់ពីទទួលបានសេចក្ដីសម្រេច និងអនុញ្ញាតពីសំណាក់រដ្ឋបាលសាលារាជធានីភ្នំពេញឱ្យរៀបចំដំណើរការផ្សារបោះដុំឃ្លាំងរំសេវថ្មីសែនសុខនៅពេលនេះ គណៈគ្រប់គ្រងផ្សារបានធ្វើការរៀប…
ព្រឹត្តិការណ៍, សេដ្ឋកិច្ច

IMF គាំទ្រការព្យាករសេដ្ឋកិច្ចកម្ពុជាឆ្នាំ២០២២ នឹងសម្រេចបានក្នុងកំណើន ៥,១% ហើយឆ្នាំ២០២៣ អាចលើស ៦,២%

ភ្នំពេញ ៖ ក្រុមបេសកកម្មរបស់មូលនិធិរូបិយវត្ថុអន្តរជាតិបានបញ្ជាក់ពីការវាយតម្លៃសេដ្ឋកិច្ចកម្ពុជាក្នុងឆ្នាំ២០២២នេះថា នឹងអាចសម្រេចបានប្រមាណ ៥,១% ហើយក្នុងឆ្នាំ២០២៣ នឹងអាចមានកំណើនខ្ពស់ជាងការព្យាករកាលពីពេលមុនក្នុងអត្រា ៦,២% ដែលគាំទ្រដោយនិន្នាការល្អជាងការរំពឹងទុកនៃវិស័យទេសចរណ៍ ។
ព្រឹត្តិការណ៍, ហិរញ្ញវត្ថុ

ការសិក្សាបង្ហាញថា ប្រជាជនកម្ពុជាងាកចេញពីការប្រើប្រាស់សាច់ប្រាក់សុទ្ធទៅរកការទូទាត់តាមរយៈឌីជីថល

ភ្នំពេញ ៖ ក្រុមហ៊ុន Visa ដែលជាក្រុមហ៊ុនបច្ចេកវិទ្យាទូទាត់សាច់ប្រាក់តាមប្រព័ន្ធឌីជីថលឈានមុខគេនៅក្នុងពិភពលោក បានចេញផ្សាយការសិក្សាចុងក្រោយរបស់ខ្លួន និងបានបញ្ជាក់ថា…