សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ផ្អកកំពឹស ជាប្រភេទអាហារផ្អាប់មួយមុខរបស់ប្រជាជនខ្មែរ ដែលតែងនិយមបរិភោគជាមួយបន្លែអន្លក់ស្រស់ៗ ដូចជា ត្រសក់ ពពាយ យ៉ាងឆ្ងាញ់ពិសា។ យ៉ាងណាក៏ដោយ អាហារប្រភេទនេះគេទទួលទានយូរៗម្ដងប៉ុណ្ណោះ ខណៈដែលការផលិតត្រូវបានធ្វើឡើងក្នុងទ្រង់ទ្រាយតូច ឬជាលក្ខណៈគ្រួសារនៅឡើយ។
អ្នកស្រី រ៉ុង សុខុន ជាអាជីវករលក់ផ្អកកំពឹស និងអាហារផ្អាប់ម្នាក់នៅក្នុងខេត្តសៀមរាប ក្រោមយីហោ «ស្នាដៃអ្នកសៀមរាប» បានមានប្រសាសន៍ប្រាប់ AMS ថា ៖
« ខ្ញុំធ្វើជាលក្ខណៈគ្រួសារតិចតួចប៉ុណ្ណោះ ប៉ុន្តែការធ្វើវិញគឺមានតាំងចិត្តខ្ពស់ យកចិត្តទុកដាក់ ទាំងចិត្តទាំងកាយ ដោយគិតគូរពីសុខភាពរបស់អ្នកទទួលទានជាសំខាន់ ហើយទម្រាំបានចំណូលមកក៏មិនងាយស្រួលប៉ុន្មានដែរ»
អ្នកស្រីបានបន្តឲ្យដឹងទៀយថា អ្នកស្រីអាចលក់បានចាប់ពី ៥ទៅ១០គីឡូក្រាមក្នុងមួយថ្ងៃ ឬអាចលើសនេះ អាស្រ័យលើការកម្ម៉ង់របស់ភ្ញៀវ។ ក្នុងមួយគីឡូក្រាមគាត់អាចលក់បានក្នុងតម្លៃបោះដុំ ១៨ ០០០ រៀល ដែលភ្ញៀវភាគច្រើនជាអ្នកនៅទីក្រុងភ្នំពេញ និងមាននៅតាមខេត្តផ្សេងៗមួយចំនួនទៀត ហើយក៏មានអ្នកខ្លះទិញផ្ញើទៅសាច់ញាតិនៅប្រទេសជិតខាងផងដែរ ហើយការទិញទៀតសោតច្រើនតាមអនឡាញ។
ចំពោះរដូវដែលគេនិយមធ្វើវិញ ត្រូវបានអ្នកស្រីប្រាប់ឲ្យដឹងថា ភាគច្រើនគេចាប់ផ្ដើមធ្វើនៅរដូវទឹកសម្រក ពោលគឺចាប់ពីខែមករា ដល់ខែមិថុនា ដែលគេអាចដើរប្រមូលទិញកំពឹសស្រស់បានច្រើនយកមកស្តុកទុក។
អ្នកស្រីបញ្ជាក់បន្តទៀតថា ៖
«យើងពុំស្តុកទុកច្រើននោះទេ គឺទិញម្ដងប្រមាណ ២០គីឡូក្រាមទេ ដោយសារការធ្វើ គឺធ្វើថ្មីៗ តាមការកម្ម៉ង់របស់ភ្ញៀវ ដើម្បីរក្សាបានរសជាតិឆ្ងាញ់ ត្រូវធ្វើឱ្យវាមានរសជាតិល្មម ញ៉ាំបានភ្លាមៗ និងមិនជូរជ្រុល»
ទាក់ទងនឹងរបៀបធ្វើ និងផ្សំរសជាតិវិញ ម្ចាស់សិប្បកម្មស្នាដៃអ្នកសៀមរាបរូបនេះបានរៀបរាប់ថា រសជាតិផលិតផលប្រភេទនេះគឺចេះពីគ្រួសារ មានរូបមន្តប្រចាំគ្រួសារតាំងពីដើមមក ហើយរក្សាបាននូវរសជាតិ និងអនាម័យ ដោយសារអ្នកផលិតជាសមាជិកក្នុងគ្រួសារផ្ទាល់។ សម្រាប់ការផលិតផ្អកកំពឹសវិញ ដំបូងគេត្រូវរើសកំពឹសស្រស់ល្អៗ ទៅលាងសម្អាតឱ្យស្អាត ហើយប្រឡាក់អំបិលផ្អាប់ទុក៣ថ្ងៃ។ បន្ទាប់មកគេស្រង់វាយកទៅប្រឡាក់ ឬគេហៅថា ចាវអង្ករលីង ខ្ញី និងដាក់គ្រឿងឱ្យមានរសជាតិល្មម ហើយផ្អាប់ទុក៣ថ្ងៃបន្ថែមទៀត។
ក្រៅពីផ្អកកំពឹស អ្នកស្រីក៏មានលក់ដូចជា ត្រីងៀត ប្រហុក ផ្អក និងអាហារផ្អាប់ផ្សេងទៀតផងដែរ ដែលសុទ្ធសឹងជាស្នាដៃ ក៏ដូចជារូបមន្តប្រចាំគ្រួសារ ហើយគ្រួសារគាត់ផ្ទាល់ជាអ្នកផលិតប្រកបដោយអនាម័យ រសជាតិ និងការយកចិត្តទុកដាក់ខ្ពស់ក្នុងការផលិត។
«រាល់ការផលិតផលនីមួយៗ គឺយើងប្រើកំពឹស និងត្រីស្រស់ៗ ដើម្បីទទួលបានរសជាតិឆ្ងាញ់។ តួយ៉ាងដូចជាផ្អកកំពឹសផ្ទាល់ គេត្រូវការកំពឹសស្រស់ ដោយរើសយកកូនត្រីចេញឱ្យស្អាត ជៀសវាងការខ្វះអនាម័យដែលអាចធ្វើឱ្យពុលដល់អ្នកបរិភោគ។ចំណែកផលលំបាកវិញ ពុំមានជាបញ្ហាអ្វីច្រើនឡើយ ក្រៅពីកង្វះវត្ថុធាតុដើម ពោលគឺកំពឹសតែម្ដង ដោយសារគាត់ប្រើកំពឹសស្រែដែលគេរកបានមានមិនច្រើននោះទេ ដូច្នេះគេពុំអាចរកទិញកំពឹសបានតាមតម្រូវការគ្រប់រដូវកាលទេ»។
នេះបើតាមអ្នកស្រី សុខុនបានបញ្ជាក់ប្រាប់
គួរបញ្ជាក់ដែរថា អ្នកស្រី សុខុន បានចាប់ផ្ដើមរបរនេះប្រមាណជាង ១ឆ្នាំមកហើយ ដែលគាត់ចេះរូបមន្តក្នុងការផលិតពីចាស់ៗក្នុងគ្រួសារ។ ចំណែកដើមទុនក្នុងការធ្វើផ្អកកំពឹសនេះទៀតសោត ក៏ពុំត្រូវចំណាយអ្វីច្រើននោះដែរ ពោលគឺចំណាយតែលើវត្ថុធាតុដើម និងគ្រឿងផ្សំក្នុងការផលិតដូចជា កំពឹស អង្ករលីង ខ្ញី រំដេងជាដើម។
ចំពោះថ្ងៃអនាគត អ្នកស្រី សុខុន ក៏មានបំណងចង់ពង្រីកសិប្បកម្មផលិតអាហារផ្អាប់នេះឱ្យកាន់តែធំ និងទទួលបានការទទួលស្គាល់គុណភាពត្រឹមត្រូវ ដើម្បីឱ្យបងប្អូនប្រជាជនខ្មែរបានបរិភាគទាំងក្នុងស្រុក និងក្រៅស្រុក។ ចុងក្រោយ ម្ចាស់សិប្បកម្មខាងលើក៏សូមអរគុណដល់អតិថិជនដែលតែងតែគាំទ្រផ្អកកំពឹសក៏ដូចជាផលិតផលផ្អាប់ផ្សេងទៀតរបស់សិប្បកម្មលក្ខណៈគ្រួសារស្នាដៃអ្នកសៀមរាបផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ឥណ្ឌាបារម្ភ ពាណិជ្ជកម្មអាម៉េរិក-ចិនធូរស្រាល អាចធ្វើឱ្យខ្លួនខាតឱកាសសេដ្ឋកិច្ច និងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 05/10/2026
ឥណ្ឌាកំពុងបារម្ភថា ការធូរស្រាលនៃភាពតានតឹងពាណិជ្ជកម្មរវាងអាម៉េរិក និងចិន អាចធ្វើឱ្យខ្លួនខាតបង់ផលប្រយោជន៍សេដ្ឋកិច្ច និងខកខានឱកាសវិនិយោគសំខាន់ៗ
គណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដាក់ចេញផែនការរៀបចំដែនដីខេត្ត-ក្រុងថ្មី នៅតាមតំបន់គោលដៅទូទាំងប្រទេស
Top News, ព្រឹត្តិការណ៍, អចលនទ្រព្យ
• 05/10/2026
(ភ្នំពេញ)៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បានដាក់ចេញផែនការរៀបចំដែនដីខេត្ត-ក្រុងថ្មី ដើម្បីធានាលើការគ្រប់គ្រងការប្រើប្រាស់ដីធ្លីនៅតាមតំបន់គោលដៅទូទាំងប្រទេស និងណែនាំឱ្យគ្រប់ស្ថាប័នពាក់ព័ន្ធ បន្តពង្រឹងការរៀបចំផែនការយុទ្ធសាស្ត្រអភិវឌ្ឍន៍សេដ្ឋកិច្ច និងការដោះស្រាយបញ្ហាប្រឈមនានា រួមទាំងរំលេចអំពីវិស័យកសិឧស្សាហកម្មជាឆ្អឹងខ្នងដ៏សំខាន់ក្នុងការជំរុញកំណើនសេដ្ឋកិច្ច ។ ថ្លែងក្នុងកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដែលបានធ្វើឡើងនៅទីស្ដីការក្រសួង នារសៀលថ្ងៃទី ២ ខែតុលា ឆ្នាំ ២០២៦ ឯកឧត្តម
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content