សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អកត្រីក្បាលប្រផេះ ជាប្រភេទសត្វបក្សី ដែលជាពពួកសត្វកម្រនៅលើពិភពលោក និងបានចុះក្នុងបញ្ជីក្រហមរបស់ IUCN កំពុងប្រឈមការគំរាមកំហែង ហើយសត្វប្រភេទនេះមានវត្តមាននៅ ឥណ្ឌា នេប៉ាល់ ស្រីលង្កា បង់ក្លាដេស មីយ៉ាន់ម៉ា ហ្វីលីពីន ថៃ ឡាវ វៀតណាម ម៉ាឡេស៊ី សង្ហបូរី ប៊្រុយណេ ឥណ្ឌូនេស៊ី និងនៅប្រទេសកម្ពុជាយើងផងដែរ។
ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានឱ្យដឹងថា តាមរយៈការអនុវត្តកម្មវិធីពិនិត្យអង្កេតតាមដានបានបង្ហាញថា ចំនួនសត្វប្រភេទនេះមាននៅតំបន់រ៉ាមសារព្រែកទាល់លើទំហំផ្ទៃដីជាង២ម៉ឺនហិកតា សរុបប្រមាណជា ៤០គូ កំពុងរស់នៅ និងបន្តពូជ ហើយក៏មានវត្តមាននៅតំបន់ការពារធម្មជាតិផ្សេងទៀតផងដែរ។
ឯកឧត្តម នេត្រ ភក្ត្រា បានមានប្រសាសន៍ថា ៖
«បច្ចុប្បន្ន អ្នកអភិរក្សបាន និងកំពុងបន្តសិក្សាស្រាវជ្រាវបន្ថែមទៀតលើប្រភេទបក្សី អកត្រីក្បាលប្រផេះនេះ។ គេមិនទាន់ដឹងថា អកត្រីក្បាលប្រផេះនេះមានចំនួនប៉ុន្មានពិតប្រាកដនៅកម្ពុជាទេ តែចំនួនសរុបទូទាំងពិភពលោកមានចន្លោះពី ១០ ០០០ ទៅ ១០០ ០០០ ក្បាល»
អកត្រីក្បាលប្រផេះ មានឈ្មោះជាភាសាអង់គ្លេស Grey-headed Fish-Eagle និងឈ្មោះវិទ្យាសាស្រ្តហៅថា Ichthyophaga icthyaetus។ វាមានប្រវែងខ្លួន ៦៩-៧៤ស.ម មាឌធំ កវែងជាងអកដទៃ ដោយអកត្រីក្បាលប្រផេះ មានសម្បុរត្នោតចាស់ ចុងកន្ទុយខ្មៅ ពោះ និងកន្ទុយស ដើមទ្រូងពណ៌ត្នោតចាស់ ស្លាបផ្នែកក្រោមពណ៌ខ្មៅ។
សម្រាប់ទីជម្រក អកត្រីក្បាលប្រផេះ ចូលចិត្តរស់នៅត្រពាំងស្ទឹង ព្រៃលិចទឹកទន្លេធំៗ ជាពិសេស នៅតំបន់បឹងទន្លេសាប ហើយបើតាមកត្តាជីវសាស្ត្រវិញ គេមិនពិបាកកត់សម្គាល់ទេ ចំណីរបស់វាគឺ ត្រី និងប្រភេទពស់ទឹក។ ចំពោះរដូវបន្តពូជរបស់អកត្រីក្បាលប្រផេះ គឺចាប់ផ្តើមពីខែវិច្ឆិកា ដល់ខែកុម្ភៈ អាចបន្តពូជដោយផ្តល់ត្រឹមតែពងតែ២ប៉ុណ្ណោះ។ ដោយសារការរស់នៅរបស់សត្វប្រភេទនេះត្រូវការដែនធំ ហេតុដូចនេះការបាត់បង់ទីជម្រក និងចំណីអាហារ គឺជាការគំរាមកំហែង ដ៏ខ្លាំងបំផុតមកលើសត្វប្រភេទនេះ។
ថ្មីៗនេះក្រុមអ្នកអភិរក្សនៃអង្គការជីវិតធម្មជាតិ NatureLife ឱ្យដឹងកាលពីពេលថ្មីៗនេះ នៅក្នុងអំឡុងខែតុលាកន្លងទៅ អកត្រីក្បាលប្រផេះ ត្រូវបានរកឃើញសម្បុក ចំនួន១០ នៅតំបន់រ៉ាមសារបឹងទន្លេឆ្មារ សត្វអកត្រីក្បាលប្រផេះ គឺជាប្រភេទជិតទទួលរងការគំរាមកំហែងលើពិភពលោក ដែលប្រភេទសត្វ នេះកំពុងមានការថយ ចុះនៅតំបន់មួយចំនួនដូចជាតាមដងទន្លេសេកុងជាដើម។
ឧទ្យានុរក្សតំបន់រ៉ាមសារបឹងទន្លេឆ្មារ បានបញ្ជាក់ថា ការរកឃើញសម្បុកសត្វនេះចំនួន១០ នៅតំបន់រ៉ាមសារ ជាការផ្តល់ក្តីសង្ឃឹមថា សម្បុកសត្វនេះច្រើនទៀតនឹងត្រូវបានរកឃើញ ដោយហេតុថា រដូវបន្តពូជឆ្នាំនេះមិនទាន់បានបញ្ចប់ទេ។ ការកត់ត្រានេះបង្ហាញថា តំបន់ដីសើមបឹងទន្លេឆ្មារ នេះគឺជាតំបន់ដ៏សំខាន់មួយ ដែលមានស្ថានភាពអំណោយផល បាននឹងកំពុងគំាទ្រ ដល់ការរស់នៅរបស់អកត្រីក្បាលប្រផេះ។
អង្គការជីវិតធម្មជាតិនៅកម្ពុជាដោយមានការគាំទ្រថវិកាពី The European Union-Our Tonle Sap project បាន និងគាំទ្រដល់ការល្បាតរបស់ឧទ្យានុរក្សតំបន់រ៉ាមសារបឹងទន្លេឆ្មារ ក្នុងការអង្កេតតាមដានជីវចម្រុះ និងការអនុវត្តច្បាប់សម្រាប់សត្វគ្រប់ប្រភេទ ពិសេសប្រភេទសត្វកម្រ ដែលកំពុងមានវត្តមានក្នុងប្រទេសកម្ពុជា៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អបអរសាទរសង្រ្កាន្តអម្រឹត ឆ្នាំ២០២៦ ថ្ងៃទី១១ ខែមេសា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content