មនុស្សយន្តចំនួន ៩ ដែលជួយសម្រួលការងាររបស់មនុស្ស

បរទេស ៖ យោងតាមប្រភពពី Weforum បានលើកឡើងថា មនុស្សយន្ត និងបច្ចេកវិទ្យាដូចជា បញ្ញាសិប្បនិម្មិត (AI) កំពុងជួយមនុស្សក្នុងប្រតិបត្តិការជាច្រើនទាំងការងារដែលមានហានិភ័យខ្ពស់ ស្មុគស្មាញ និងការងារនៅកន្លែងដែលមនុស្សមិនអាចទៅបាន។ នេះគឺជាមនុស្សយន្តចំនួន ៩ ដែលជួយសម្រួលការងាររបស់មនុស្ស។

មនុស្សយន្ត Pompeii Spot ៖ វាមានរូបរាងស្រដៀងនឹងសត្វឆ្កែ។ គេប្រើប្រាស់វានៅក្នុង​ប្រាសាទ​បុរាណ​រ៉ូម៉ាំងបែកបាក់ ​ដើម្បី​​ល្បាត​សុវត្ថិភាព ហើយវាអាចត្រួតពិនិត្យសូម្បីតែកន្លែងតូចបំផុតផងដែរ។ លើសពីនេះ Spot អាចជួយពិនិត្យមើលផ្លូវរូងក្រោមដីដែលជីកដោយអ្នកប្រមាញ់វត្ថុបុរាណខុសច្បាប់នៅទីក្រុង Pompeii ។ ការផ្ទុះភ្នំភ្លើង Vesuvius នៅគ.ស ៧៩ បានកប់ទីក្រុងចំណាស់នេះ និង ប្រជាជនចំនួនជាង ២ ម៉ឹននាក់។

មនុស្សយន្តមានសមត្ថភាពដឹកជញ្ជូន ៖ ក្រុមហ៊ុន Swiss-Mile នៅប្រទេសស្វីសបានបង្កើតមនុស្សយន្តមានកង់ ៤ ដែលអាចបង្កើនល្បឿននៃការដឹកជញ្ជូនទំនិញនៅក្នុងទីក្រុង។ លើសពីនេះ វា​អាច​បញ្ជា​ខ្លួន​ឯងទៅគ្រប់ទីកន្លែង​ និងអាច​ឡើង​ជណ្តើរយន្តបានទៀតផង។ គោលគំនិតក្នុងការផលិតមនុស្សយន្តនេះគឺ​ដើម្បីឱ្យមនុស្សយន្តដោះស្រាយបញ្ហាប្រឈមនៃការដឹកជញ្ជូនក្នុងល្បឿនលឿន និងមានប្រសិទ្ធភាពថាមពលជាងមុន ដោយសារការដឹកជញ្ជូនជាធម្មតាជាប់ស្ទះក្នុងចរាចរណ៍នៅពេលជិតទៅដល់គោលដៅ។

មនុស្សយន្តក្នុងការងារសង្គមកិច្ច៖ ប្រទេសស្កុតឡេន បានផ្តោតសំខាន់លើការប្រើប្រាស់មនុស្សយន្ត និង AI នៅក្នុងការងារសង្គមកិច្ច។ មន្ទីរពិសោធន៍ជំនួយការរស់នៅដែលមើលទៅដូចជាផ្ទះពិតត្រូវបានបង្កើតឡើងនៅ National Robotarium ដែលជាមជ្ឈមណ្ឌលសម្រាប់មនុស្សយន្ត និង AI ។ អ្នកវិទ្យាសាស្ត្រនៅទីនោះកំពុងប្រើប្រាស់មនុស្សយន្ត AI និងបច្ចេកវិទ្យាឧបករណ៍ចាប់សញ្ញា ដើម្បីអនុវត្តមុខងារដូចជាការត្រួតពិនិត្យស្ថានភាពសុខភាពរយៈពេលវែង។ លើសពីនេះ បច្ចេកវិទ្យា​ក៏​អាច​ជួយមនុស្ស​ដូច​ជា​ការ​ហៅ​ទូរសព្ទ បើក​ភ្លើង ការ​បើក​ទ្វារ និង បើក​ទូរទស្សន៍ផងដែរ។ នៅទូទាំងពិភពលោក គិលានុបដ្ឋាយិកា និងអ្នកថែទាំកំពុងខ្វះខាតកាន់តែខ្លាំងឡើង ហើយមនុស្សយន្តត្រូវបានគេមើលឃើញថា វាគឺជាដំណោះស្រាយបញ្ហាវិបត្តិកង្វះបុគ្គលិក។

មនុស្សយន្តជាជំនួយការនៅការដ្ឋាន៖ បន្ទាប់ពីបានបង្ហាញពីសកម្មភាពមួយចំនួននៅលើ Youtube មនុស្សយន្ត Atlas មានភាពល្បីល្បាញលើអ៊ីនធឺណិតកាលពីឆ្នាំ ២០២១ កន្លងទៅនេះ ។ ក្រុមហ៊ុន Boston Dynamics ដែលជាអ្នកផលិត បង្ហាញថា មនុស្សយន្តនេះចេះយកថង់ឧបករណ៍ទៅអោយមនុស្សរដែលនៅទីខ្ពស់ ដោយរៀបសាងសង់ផ្លូវដើរដោយប្រើបន្ទះឈើដោយខ្លួនវា ដើម្បីឡើងទៅដល់មនុស្ស។ យ៉ាងណាមិញ វាមិនមែនជារឿងងាយស្រួលនោះទេក្នុងការបង្កើតមនុស្សយន្តមួយនេះទេ ដោយសារវា​ពាក់ព័ន្ធ​នឹងការអនុវត្ត​កម្លាំង​ទៅ​លើ​វត្ថុ និង ច្បាប់ទីបីរបស់ញូតុន។

មនុស្សយន្ត Slime Robot ៖ នៅសាកលវិទ្យាល័យ Chinese University of Hong Kong អ្នកវិទ្យាសាស្ត្រកំពុងរកឃើញការផលិតមនុស្សយន្តទន់ដូចចាហួយ ឬ slime ។ មនុស្សយន្តនេះត្រូវបានគេលាយជាមួយនឹង custard  និងភាគល្អិតម៉ាញេទិកដែលអាចផ្លាស់ទី ហើយវាត្រូវបានគ្រប់គ្រងដោយប្រើមេដែកខាងក្រៅ។ វាមានភាពទន់ និងអាចចូលតាមចន្លោះតូចចង្អៀតដែលមានអង្កត់ផ្ចិត ១,៥ មីលីម៉ែត្រ ហើយចាប់យកវត្ថុរឹងដោយរុំជុំវិញវាបានទៀតផង។ វាត្រូវបានប្រើប្រាស់នៅក្នុងម៉ាស៊ីន ដោយសារធាតុរអិលអាចដំណើរការមុខងារដូចជាការជួសជុលសៀគ្វី។ លើសពីនេះ វាអាចលេប និងទាញវត្ថុដែលបង្កគ្រោះថ្នាក់ចេញ។

មនុស្សយន្តដែលអាចស្វែងរក និងជួយសង្គ្រោះមនុស្ស ៖ នៅក្នុងតំបន់គ្រោះថ្នាក់ដែលពិបាកទៅដល់មនុស្សយន្តអាចស្វែងរក និងជួយសង្គ្រោះមនុស្ស។ អ្នកឯកទេសខាងបច្ចេកវិទ្យាចាប់សញ្ញា Teledyne FLIR ដែលមានមូលដ្ឋាននៅរដ្ឋ Oregon ក្នុងសហរដ្ឋអាមេរិកបានប្រើមនុស្សយន្តបែបនេះនៅក្នុងឆ្នាំ២០២១ នៅពេលដែលប៉មមួយបានដួលរលំនៅជាយក្រុង Miami នៃរដ្ឋ Florida ។ នៅប្រទេសជប៉ុនវិញ ក្រុមសាកលវិទ្យាល័យកំពុងបង្កើតមនុស្សយន្តស្វែងរក និងសង្គ្រោះប្រភេទមួយផ្សេងទៀត ដែលមានរាងដូចបំពង់ បំពាក់ជាមួយនឹងកាមេរ៉ាហៅថា Active Scope Camera ដែលអាចស្វែងរកនៅខាងក្នុងអគារដែលដួលរលំ។ លើសពីនេះ យន្តហោះគ្មានមនុស្សបើក ឬ drone ក៏ចេះជួយស្វែងរកមនុស្សនៅកន្លែងមានឧបទ្ទវហេតុផងដែរ។

មនុស្សយន្តនៅក្រោមដី៖ មនុស្សយន្តកំពុងជួយមនុស្សឱ្យដោះស្រាយបញ្ហាស្ទះលូ ដែលជាការងារលំបាកមួយរបស់មនុស្ស។ Sewer Robotics ដែលជាក្រុមហ៊ុននៅប្រទេសហូឡង់ មានជំនាញក្នុងការផលិតមនុស្សយន្តដែលអាចក្រាបលូន ដើម្បីត្រួតពិនិត្យ សម្អាត និង ថែទាំបំពង់លូក្រោមដី។

មនុស្សយន្ត Green Robot៖ បច្ចេកវិទ្យាបៃតងត្រូវការការថែទាំ និងការត្រួតពិនិត្យ ប៉ុន្តែវាមានបញ្ហាប្រឈមក្នុងការត្រួតពិនិត្យប៊ូឡុងទាំងអស់នៅលើទួរប៊ីនខ្យល់។ ដើម្បីដោះស្រាយបញ្ហានេះ គេបានបង្កើតមនុស្សយន្តជើង ៦ អាចត្រួតពិនិត្យប៊ូឡុង ស្របតាមតម្រូវការរបស់មនុស្សក្នុងការបន្ធូរ និងរឹតបន្តឹងវាឡើងវិញ។ គម្រោងមនុស្សយន្តនេះអាចសន្សំបានរាប់រយលានដុល្លារនៅអឺរ៉ុបក្នុងមួយឆ្នាំៗ ក្នុងការថែទាំទួរប៊ីន និងកាត់បន្ថយហានិភ័យដែលមនុស្សប្រឈមមុខ។

មនុស្សយន្តសម្រាប់ការធ្វើកសិកម្ម៖ ក្រុមហ៊ុនអាមេរិក Verdant Robotics បានបង្កើតមនុស្សយន្តសម្រាប់ជួយសម្រួលការងារកសិករ។ បច្ចេកវិទ្យានេះអាចកំចាត់ស្មៅ ដាក់ជីជាតិ និងដោះស្រាយជំងឺក្នុងដំណាំ ព្រមទាំងប្រមូលទិន្នន័យពីកម្រិតរុក្ខជាតិរហូតដល់កសិដ្ឋានទាំងមូលទៀតផង។ លើសពីនេះ វាជួយកាត់បន្ថយការប្រើប្រាស់ថ្នាំសម្លាប់សត្វល្អិតតាមរយៈគំរូកសិកម្មច្បាស់លាស់របស់អ្នកផលិតមនុស្សយន្តនេះទៀតផង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ