សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា ចិនបានកាត់បន្ថយអត្រាការប្រាក់កម្ចីគោលជាលើកដំបូងចាប់តាំងពីខែតុលា ជាមួយនឹងការបន្ធូរបន្ថយគោលនយោបាយរូបិយវត្ថុ ខណៈដែលធនាគាររដ្ឋសំខាន់ៗបានទម្លាក់អត្រាប្រាក់បញ្ញើ ដើម្បីជួយទប់ស្កាត់សេដ្ឋកិច្ចពីផលប៉ះពាល់នៃសង្គ្រាមពាណិជ្ជកម្មចិន-អាម៉េរិក។
កាលពីថ្ងៃអង្គារ៍ ធនាគារកណ្តាលចិន (PBOC) បានកាត់បន្ថយអត្រាការប្រាក់សម្រាប់កម្ចីរយៈពេល ១ ឆ្នាំពី ៣,១% មកត្រឹម ៣% និងអត្រាការប្រាក់សម្រាប់កម្ចីរយៈពេល ៥ ឆ្នាំពី ៣,៦% មកត្រឹម ៣,៥% ដែលជាការកាត់បន្ថយអត្រាការប្រាក់ជាលើកដំបូងចាប់តាំងពីខែតុលា។ ការកាត់បន្ថយអត្រាការប្រាក់នេះបានកើតឡើងបន្ទាប់ពីធនាគាររដ្ឋចំនួន ៥ បានកាត់បន្ថយអត្រាការប្រាក់បញ្ញើ។ ការកាត់បន្ថយអត្រាការប្រាក់គឺជាផ្នែកមួយនៃវិធានការជំរុញសេដ្ឋកិច្ចដែលបានប្រកាសដោយទីក្រុងប៉េកាំងកាលពីដើមខែនេះ រួមមានការកាត់បន្ថយអត្រាការប្រាក់កម្ចី និងចំនួនសាច់ប្រាក់ដែលធនាគារត្រូវរក្សាទុកក្នុងទុនបម្រុង។
លោក Marco Sun ប្រធានវិភាគទីផ្សារហិរញ្ញវត្ថុនៅធនាគារ MUFG លើកឡើងថា ការកាត់បន្ថយអត្រាការប្រាក់នេះគឺមានគោលបំណងជំរុញការផ្តល់ប្រាក់កម្ចី និងជំរុញការប្រើប្រាស់។ ការកាត់បន្ថយអត្រាការប្រាក់នេះគឺជាផ្នែកមួយវិធានការដែលបានប្រកាសដោយអភិបាលធនាគាកណ្តាលចិន លោក Pan Gongsheng និងនិយ័តករហិរញ្ញវត្ថុផ្សេងទៀត។
ទន្ទឹមនឹងនេះ បណ្តាធនាគារវិនិយោគសកលកំពុងបង្កើនការព្យាករណ៍របស់ពួកគេសម្រាប់កំណើនសេដ្ឋកិច្ចចិននៅឆ្នាំនេះ បន្ទាប់ពីទីក្រុងប៉េកាំង និងទីក្រុងវ៉ាស៊ីនតោនបានយល់ព្រមលើការកាត់បន្ថយពន្ធគយគ្នាទៅវិញទៅមករយៈពេល ៩០ ថ្ងៃ។
លោក Ting Lu ប្រធានសេដ្ឋវិទូចិននៅក្រុមហ៊ុន Nomura បានលើកឡើងថា វានៅតែមានភាពពិបាកសម្រាប់ទីក្រុងប៉េកាំងក្នុងការសម្រេចបាននូវគោលដៅកំណើនប្រហែល ៥% របស់ខ្លួន លុះត្រាតែបញ្ចេញនូវកញ្ចប់ជំរុញសេដ្ឋកិច្ចច្រើន ប៉ុន្តែការថយចុះនៃភាពតានតឹងនៅក្នុងសង្គ្រាមពាណិជ្ជកម្មអាចធ្វើឲ្យចិនមានសម្ពាធទាបជាងមុន៕
Account
Security
Favourite Content