សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការអត្ថាធិប្បាយថ្មីមួយដោយទូរទស្សន៍ CNA បានលើកឡើងថា សមរភូមិនៃការប្រកួតប្រជែងគ្នាក្នុងទីផ្សារសកលលើវិស័យបញ្ញាសិប្បនិម្មិត (AI) កំពុងឆ្លងកាត់របត់ផ្លាស់ប្តូរថ្មី។ ឧបសគ្គស្នូលក្នុងការប្រកួតប្រជែង AI កំពុងផ្លាស់ប្តូរយ៉ាងឆាប់រហ័សពីគោលដៅដែលផ្តោតតែទៅលើការអភិវឌ្ឍបច្ចេកវិទ្យាបន្ទះឈីបលំដាប់ខ្ពស់ ទៅជាការប្រកួតប្រជែងទៅលើការងារផ្គត់ផ្គង់ និងការប្រជែងថ្លៃដើមអគ្គិសនីដ៏ច្រើនសន្ធឹកសន្ធាប់ ខណៈបច្ចុប្បន្ននេះប្រទេសចិនគឺកំពុងនាំមុខសហរដ្ឋអាម៉េរិក។
ជាយូរណាស់មកហើយ ក្រុមហ៊ុនអាម៉េរិក ដូចជា Nvidia បានបន្តឈរយ៉ាងរឹងម៉ាំនៅលើទីផ្សារបន្ទះឈីបក្រាហ្វិកកម្រិតខ្ពស់ (GPU)ដែលមានដូចជាបន្ទះឈីប H100 និង Blackwell ជាដើម។
យ៉ាងណាក្តី តម្រូវការថាមពលដ៏ច្រើនសន្ធឹកសន្ធាប់នៃបច្ចេកវិទ្យា AI កំពុងកំណត់ឡើងវិញនូវរូបភាពប្រកួតប្រជែងថ្មី រាប់ទាំងការស្រាវជ្រាវ ការបង្ហាញពីម៉ូដែលបច្ចេកវិទ្យាឆ្លាតវ៉ៃ ដូចជា GPT-4 អាចប្រើប្រាស់ថាមពលអគ្គិសនីរហូតដល់ ៤៦៣ ២៦៩ មេហ្គាវ៉ាត់ម៉ោងជារៀងរាល់ឆ្នាំ ដែលលើសពីការប្រើប្រាស់ប្រចាំឆ្នាំរបស់ពលរដ្ឋជាង ៣៥ ០០០ លំនៅដ្ឋាននៅសហរដ្ឋអាម៉េរិក។
តម្រូវការអគ្គិសនីដែលកំពុងកើនឡើងនេះនឹងជាប់ពាក់ព័ន្ធដោយផ្ទាល់ទៅលើកម្លាំងថាមពលរបស់ប្រទេសចិន។ កាលពីឆ្នាំមុន ទីក្រុងប៉េកាំងបានបន្ថែមបរិមាណកំណត់ត្រានៃសមត្ថភាពថាមពលកកើតឡើងវិញ សរុបជាង៣៥៦ជីហ្គាវ៉ាត់ (GW)។ ការកើនឡើងនេះភាគច្រើនត្រូវបានជំរុញដោយការបង្កើនការផលិតថាមពលពីពន្លឺព្រះអាទិត្យ បានបន្ថែមប្រហែល ២៧៧ជីហ្គាវ៉ាត់ និងថាមពលខ្យល់ បានរួមចំណែកប្រហែល៨០ជីហ្គាវ៉ាត់។ ជាលទ្ធផល អត្រាអគ្គិសនីឧបត្ថម្ភធនរបស់ប្រទេសចិនសម្រាប់ក្រុមហ៊ុនបច្ចេកវិទ្យាយក្ស ដូចជា Alibaba និង Tencent កំពុងកាត់បន្ថយថ្លៃដើមសរុបនៃការបណ្តុះបណ្តាលគំរូ AI ។
ផ្ទុយទៅវិញ សហរដ្ឋអាម៉េរិកកំពុងតស៊ូជាមួយនឹងការកើនឡើងនៃថ្លៃដើមថាមពល និងការវិនិយោគកកើតឡើងវិញយឺតជាងប្រទេសចិន។ គេសង្កេតឃើញថា តម្លៃអគ្គិសនីលក់ដុំបានកើនឡើងរហូតដល់២៦៧ភាគរយនៅក្នុងតំបន់ដែលស្ថិតនៅជិតមជ្ឈមណ្ឌលទិន្នន័យ។ ដូច្នេះ គេអាចមើលឃើញអំពីភាពខុសគ្នានៃសមត្ថភាពថាមពលដែលកំពុងកើនឡើងខ្លាំងលើសពីភាពរីកចម្រើនយ៉ាងឆាប់រហ័សនៅក្នុងបច្ចេកវិទ្យាផ្នែករឹងនៃវិស័យ AI រវាងអាម៉េរិក និងចិន៕
Account
Security
Favourite Content