សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប(BoP និង B40)។
អាជីវកម្មដែលអាចប្រែក្លាយខ្លួនទៅជា អាជីវកម្មបរិយាបន្នបានលុះត្រាតែគោរពតាមនូវគោលការណ៍សំខាន់ៗចំនួន ៣ គឺ មានស្ថិរភាពអាជីវកម្ម , រួមចំណែកជួយដល់សហគមន៍ និងជាអាជីវកម្មដែលមានរួមបញ្ចូលនូវគំនិតច្នៃប្រតិដ្ឋ។
អាជីវកម្មទាំងឡាយណាដែលបានប្រែក្លាយខ្លួនទៅជាអាជីវកម្មបរិយាបន្ន នឹងទទួលបានផលប្រយោជន៍ជាច្រើន ដែលផលទាំងនោះនឹងជំរុញអាជីវកម្មរបស់ពួកគេឱ្យកាន់តែមានភាពធន់ និងយូរអង្វែង។
លោក អិន រដ្ឋា អនុប្រធានការិយាល័យសហប្រតិបត្តិការនៃនាយកដ្ឋានផែនការស្ថិតិ សហប្រតិបត្តិការ និងការងារអាស៊ាន នៃក្រសួងឧស្សាហកម្ម វិទ្យាសាស្ត្របច្ចេកទេស និងនវានុវត្តន៍ បានឱ្យដឹងថា កន្លងមក ក្រសួងបានដាក់ចេញនូវគោលនយោបាយលើកទឹកចិត្តជាច្រើនដល់អាជីវកម្មបរិយាបន្ន។
បើតាមការបញ្ជាក់របស់លោក អិន រដ្ឋា ក្រសួងឧស្សាហកម្ម បាន និងកំពុងសហការជាមួយដៃគូផ្សេងទៀត ដើម្បីបង្កើតការបណ្ដុះបណ្ដាលជំនាញចាំបាច់ដល់ម្ចាស់អាជីវកម្ម។ ក្រសួងក៏បានធ្វើការជាមួយក្របខណ្ឌអាស៊ានក្នុងការរៀបចំកម្មវិធីប្រកួតប្រជែង និងកិច្ចប្រជុំធុរកិច្ចធំៗផងដែរ។
លោក អិន រដ្ឋា បានបញ្ជាក់បន្ថែមទៀតថា៖ «តាមរយៈកម្មវិធីដែលយើងរៀបចំ ម្ចាស់អាជីវកម្មគាត់អាចយកអាជីវកម្មរបស់គាត់ទៅប្រកួតប្រជែង ហើយប្រសិនបើគាត់ឈ្នះ គាត់នឹងទទួលបានការ គាំទ្រទាំងផ្នែកបច្ចេកទេស និងហិរញ្ញវត្ថុបន្ថែមទៀត។”
មិនត្រឹមតែប៉ុណ្ណោះ ក្រសួងក៏អាចបូកបញ្ចូលនូវការលើកលែងពន្ធសម្រាប់ការនាំចេញមួយចំនួន ស្របទៅតាមច្បាប់វិនិយោគរបស់កម្ពុជាផងដែរ»។
យ៉ាងណាក៏ដោយ បើទោះបីជាការប្រែក្លាយខ្លួនទៅជាអាជីវកម្មបរិយាបន្ន មាននូវលក្ខខណ្ឌតម្រូវច្រើន ប៉ុន្តែភាគីពាក់ព័ន្ធកំពុង តែជំរុញសហគ្រាសធុនមីក្រូ តូច និងមធ្យម ឱ្យសម្របខ្លួនចូលទៅក្នុងប្រភេទនៃអាជីវកម្មបរិយាបន្ន។ ចង់ ឬមិនចង់ ម្ចាស់អាជីវកម្មត្រូវតែសម្របខ្លួនទៅនឹងការវិវត្តដ៏ឆាប់រហ័សនៃឧស្សាហកម្ម ៤.០ ហើយធ្វើយ៉ាង ណាទាញផលប្រយោជន៍ពីឌីជីថល ដើម្បីបម្រើអាជីវកម្មរបស់ខ្លួនឱ្យកាន់តែមានភាពធន់៕
Account
Security
Favourite Content