សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
គ្រាប់បែកចង្កោម ឬជាភាសាអង់គ្លេស Cluster bombs ជាសព្វាវុធដ៏ល្បីល្បាញ និងមានបទពិសោធន៍ច្រើនរាប់ចាប់តាំងតែពីទសវត្សរ៍ឆ្នាំ១៩៤០ នៅក្នុងសង្គ្រាម និងមានប្រទេសប្រមាណជា ២០ ដែលធ្លាប់ប្រើប្រាស់អាវុធដ៏គ្រោះថ្នាក់នេះប្រឆាំងទៅនឹងសត្រូវរបស់ខ្លួន ហើយមានមនុស្សរាប់រយពាន់នាក់បានបាត់បង់ជីវិតដោយសារ Cluster bombs រហូតមកទល់ឆ្នាំ២០០៨ ទើបអនុសញ្ញាស្តីពីគ្រាប់បែកចង្កោមត្រូវបានបង្កើតឡើងដើម្បីហាមឃាត់ការប្រើប្រាស់ ការផលិត ការស្តុកទុក និងការដោះដូរគ្នាតទៅទៀត។
បន្ទាប់ពីបានស្ងប់ស្ងាត់ជាច្រើនឆ្នាំមកហើយនោះ ថ្មីៗនេះ អាវុធដ៏គួរឲ្យស្អប់ខ្ពើមមួយនេះបែរជាបានលេចឈ្មោះសាជាថ្មីតាមរយៈប្រធានាធិបតីអាមេរិកលោក Joe Biden មេដឹកនាំអាមេរិកដែលបានប្រកាសកាលពីថ្ងៃសុក្រសប្តាហ៍មុនថា រដ្ឋាភិបាលក្រុងវ៉ាស៊ីនតោនគ្រោងនឹងផ្គត់ផ្គង់ cluster bombs ទៅឲ្យយោធាអ៊ុយក្រែនក្នុងប្រតិបត្តិការវាយបក និងប្រឆាំងប្រទេសរុស្ស៊ីបើទោះបីបានដឹងហើយថា ប្រទេសដល់ទៅជាង១២០ប្រទេសជាម្ចាស់ហត្ថលេខីប្រឆាំងទៅនឹងការប្រើប្រាស់។ ទោះបីជាយ៉ាងណាក្តី ភ្លាមៗនោះក៏កើតមានជាប្រតិកម្មពីសំណាក់ប្រទេសជាច្រើនលើពិភពលោកបូករួមទាំងសម្ព័ន្ធមិត្តរបស់អាមេរិកជាច្រើនរួមទាំងកាណាដា, អង់គ្លេស និងសមាជិកណាតូផ្សេងទៀតក្នុងការប្រឆាំងទៅនឹងការសម្រេចចិត្តមួយរបស់ថ្នាក់ដឹកនាំកំពូលអាមេរិករូបនេះ។
គ្រាប់បែកចង្កោមជាអាវុធដ៏គ្រោះថ្នាក់សម្រាប់ពលរដ្ឋស៊ីវិល ជាពិសេសនៅពេលដែលវាអាចវាយប្រហារលើទំហំទីតាំងធំៗ និងគ្រាប់បែកតូចៗដែលមាននៅពីខាងក្នុងគ្រាប់ធំនឹងបែកខ្ញែកទៅគ្រប់ទីកន្លែង ហើយខ្លះអាចផ្ទុះភ្លាមៗ ខ្លះទៀតដែលមិនផ្ទុះ និងបន្តហានិភ័យនៅទីតាំងនោះរយៈពេលជាច្រើនឆ្នាំ។
ជាទូទៅ cluster bombs មានច្រើនប្រភេទតាមប្រទេសអ្នកផលិត និងម៉ូដេល ប៉ុន្តែតម្លៃរបស់វាអាចមានត្រឹមតែ ១៤ ០០០ដុល្លារប៉ុណ្ណោះក្នុងមួយគ្រាប់ អាស្រ័យទៅលើទំងន់របស់វាដែលអាចចាប់ផ្តើមពីជាង៤០០គីឡូក្រាមឡើងទៅ។
គួរឲ្យដឹងដែរថា អាមេរិក, អ៊ុយក្រែន និងរុស្ស៊ី គឺជាប្រទេសមិនស្ថិតនៅក្នុងអនុសញ្ញាហាមប្រាមនេះទេ ដោយក្នុងនោះគិតត្រឹមអាមេរិកប៉ុណ្ណោះកាលពីខែមីនា ឆ្នាំ២០២៣កន្លងទៅនេះ គ្រាប់បែកចង្កោមដែលមាននៅក្នុងស្តុកសរុបមានទៅដល់ ៣លានគ្រាប់៕
Account
Security
Favourite Content