សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Aljazeera បានរាយការណ៍ថា ប្រទេសចិនបានដាក់ពាក្យបណ្តឹងនៅអង្គការពាណិជ្ជកម្មពិភពលោក (WTO) ប្រឆាំងនឹងសហរដ្ឋអាមេរិកដែលបានចេញវិធានការត្រួតពិនិត្យការនាំចេញបន្ទះឈីបដ៏តឹងរឹង ក្រោយសហរដ្ឋអាមេរិកបានប្រកាសអំពីវិធានការនេះ ដែលធ្វើឱ្យប៉ះពាល់ដល់ឧស្សាហកម្ម semiconductor របស់ចិន។
សេចក្តីថ្លែងការណ៍មួយរបស់ក្រសួងពាណិជ្ជកម្មចិនបាននិយាយថា៖ ចិននឹងចាត់វិធានការផ្លូវច្បាប់នៅក្នុងក្របខ័ណ្ឌ WTO ដែលជាមធ្យោបាយចាំបាច់មួយ ដើម្បីដោះស្រាយកង្វល់របស់ចិនដែលមានឥឡូវនេះ និងដើម្បីការពារផលប្រយោជន៍ស្របច្បាប់របស់ចិនផងដែរ។ ការរឹតបន្តឹងរបស់សហរដ្ឋអាមេរិកបានគំរាមកំហែងដល់ស្ថិរភាពនៃខ្សែសង្វាក់ផ្គត់ផ្គង់ឧស្សាហកម្មជាសកលផងដែរ។
បន្ទាប់ពីប៉ុន្មានថ្ងៃនៃការសម្រេចចិត្តរបស់ WTO ប្រឆាំងនឹងទីក្រុងវ៉ាស៊ីនតោននៅក្នុងបណ្តឹងមួយផ្សេងទៀតដែលពាក់ព័ន្ធនឹងពន្ធលោហៈទៅលើប្រទេសចិនក្នុងចំណោមអ្នកផ្សេងទៀតបាននាំឱ្យប្រទេសចិនតវ៉ាលើការរឹតបន្តឹងការនាំចេញបន្ទះឈីបរបស់សហរដ្ឋអាមេរិកថែមមួយទៀត។ ការស្នើសុំការពិគ្រោះយោបល់ គឺជាជំហានដំបូងក្នុងនីតិវិធីរបស់ WT0 ប៉ុន្តែសហរដ្ឋអាមេរិកបានបិទ និងជៀសពីការណាត់ជួបជាមួយស្ថាប័នគ្រប់គ្រងកំពូលរបស់ WTO លើវិវាទពាណិជ្ជកម្មទាំងនេះ ដែលមានន័យថា បញ្ហាមួយចំនួនមិនអាចដោះស្រាយបាន។
ពាក្យបណ្តឹងនោះមានតាំងពីរដ្ឋបាលរបស់អតីតប្រធានាធិបតី ដូណាល់ ត្រាំ ដែលបានដាក់ពន្ធ ២៥ ភាគរយលើការនាំចូលដែកថែប និង ១០ ភាគរយលើអាលុយមីញ៉ូម ដោយផ្អែកលើមាត្រា២៣២ ឆ្នាំ១៩៦២ ដែលអនុញ្ញាតឱ្យប្រធានាធិបតីរឹតបន្តឹងលើការនាំចូល ប្រសិនបើប្រទេសនោះកំពុងគំរាមកំហែងសន្តិសុខជាតិ ប៉ុន្តែដៃគូពាណិជ្ជកម្មសេរី កាណាដា និងម៉ិកស៊ិក ត្រូវបានលើកលែង។ ពន្ធគយនេះបានជំរុញឱ្យសមាជិក WTO មួយចំនួន រួមទាំងចិនប្រឈមនឹងបញ្ហាដោយសារវិធានការនេះ ហើយកាលពីសប្តាហ៍មុន គណៈកម្មាការ WTO ចំនួន៣នាក់បានរកឃើញបញ្ហាក្នុងករណីនេះដែលលើកឡើងដោយប្រទេសចិន ន័រវេស ស្វីស និងទួរគី ចំណែកឯករណីដែលលើកឡើងដោយឥណ្ឌា និងរុស្ស៊ីនៅតែមិនទាន់សម្រេច៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump សន្យាចែកលុយឱ្យពលរដ្ឋម្នាក់ ៥០០០ ដុល្លារ ពេលឈ្នះឆ្នោតពាក់កណ្តាលអាណត្តិខាងមុខនេះ
ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រធានាធិបតីអាមេរិក លោក Donald Trump បានសន្យាយ៉ាងភ្ញាក់ផ្អើលមួយដល់ពលរដ្ឋដោយថ្លែងថា លោកនឹងផ្តល់ប្រាក់លើកទឹកចិត្ត ដែលហៅថា «Trump Dividend» ចំនួន ៥០០០ ដុល្លារ ជូនដល់ប្រជាពលរដ្ឋអាមេរិកាំងពេញវ័យគ្រប់ៗរូបប្រសិនបើគណបក្សសាធារណៈ អាចបន្តគ្រប់គ្រង និងរក្សាកៅអីភាគច្រើនក្នុងសភាទាំងពីរនាពេលបោះឆ្នោតពាក់កណ្តាលអាណត្តិ អំឡុងខែវិច្ឆិកាខាងមុខនេះ។ យោងតាមការចេញផ្សាយរបស់ RT
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រមុខរដ្ឋាភិបាលឥណ្ឌា កំពុងព្យាយាមរុញច្រានយុទ្ធសាស្ត្រផលិតបន្ទះឈីបរបស់ខ្លួនឱ្យកាន់តែធំជាងមុន ដោយមិនត្រឹមតែផ្តោតលើការផលិតឈីបប៉ុណ្ណោះទេ ប៉ុន្តែថែមទាំងគ្រប់គ្រងលើខ្សែច្រវាក់ផ្គត់ផ្គង់ទាំងមូលនៅក្នុងប្រទេសផងដែរ។ យោងតាមអត្ថបទដែលបានចេញផ្សាយដោយកាសែត Novinata បានឲ្យដឹងថា គោលដៅចម្បង គឺកាត់បន្ថយការពឹងផ្អែកលើការនាំចូលពីបរទេស និងប្រែក្លាយខ្លួនទៅជាប្រទេសនាំមុខគេមួយក្នុងវិស័យបច្ចេកវិទ្យាដ៏សំខាន់នេះ។ បច្ចុប្បន្ន បន្ទះឈីប គឺជាបេះដូងនៃបច្ចេកវិទ្យាទំនើបៗជាច្រើន ដូចជា ទូរស័ព្ទស្មាតហ្វូន រថយន្ត ប្រព័ន្ធបញ្ញាសិប្បនិម្មិត (AI)និងកុំព្យូទ័រដែលមានសមត្ថភាពខ្ពស់។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content