សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្នុងសម័យកាលដែលពិភពលោកកំពុងខិតខំខ្លាំងដើម្បីការចាកចេញពីការប្រើប្រាស់ថាមពលឥន្ធនៈដែលជាចំណែកដ៏ធំធេងក្នុងការធ្វើឲ្យកើតមានបញ្ហាបម្រែបម្រួលអាកាសធាតុធ្ងន់ធ្ងរនោះ បច្ចុប្បន្នទំហំនៃទីផ្សារថាមពលស្អាត ឬថាមពលថ្មីកកើតឡើងវិញបានកើនឡើងយ៉ាងខ្លាំងក្លាស្របពេលដែលក្ដីសង្ឃឹមថាអាចទាញពិភពលោកឲ្យគេចចេញពីគ្រោះដ៏អាក្រក់ណាមួយដោយធម្មជាតិនាពេលអនាគត។
ទិន្នន័យចុងក្រោយដែលធ្វើឡើងដោយ Allied Market Research បានបង្ហាញថា ទីផ្សារថាមពលកកើតឡើងវិញរបស់ពិភពលោកមានទំហំដល់ទៅ ៨៨១,៧ ពាន់លានដុល្លារកាលពីក្នុងឆ្នាំ២០២០ ហើយត្រូវបានគេព្យាករណ៍ថានឹងមានការកើនឡើងដល់ ១៩៧៧,៦ ពាន់លានដុល្លារនៅឆ្នាំ២០៣០ ឬស្ថិតនៅក្នុងអត្រាកើនឡើងជាប្រចាំឆ្នាំ(CAGR) ប្រមាណជា៨,៤ភាគរយពីឆ្នាំ២០២១ ដល់ឆ្នាំ២០៣០។
តម្រូវការកើនឡើងកំពុងធ្វើឲ្យទីផ្សារផ្គត់ផ្គង់សម្រាប់ផលិត និងទីផ្សារនៃទំនិញជាប់ពាក់ព័ន្ធជាច្រើនចាប់ផ្តើមស្ទុះឡើងខ្លាំងដូចគ្នា ជាក់ស្តែងពេលនេះពិភពលោកកំពុងចាប់ផ្តើមងាកទៅចាប់អារម្មណ៍ជាមួយនឹងវត្ថុធាតុដើមសំខាន់ៗដែលជាប្រភេទរ៉ែមិនសូវត្រូវបានប្រើប្រាស់កន្លងមកដើម្បីមកបំពេញចន្លោះប្រហោងនេះ។
រ៉ែដែលមានដូចជា លីចូម (lithium) អុកស៊ីដ (cobalt) នីកេល (nickel) និងទង់ដែង (copper) ទាំងនោះគឺមានភាពចាំបាច់បំផុតក្នុងការផលិតឧបករណ៍បច្ចេកវិទ្យាសម្រាប់ការទាញយកថាមពលស្អាតពីធម្មជាតិដែលមានទាំងផ្ទាំងសូឡា និងអាគុយសម្រាប់រថយន្តអគ្គិសនីជាដើម។
ជាលទ្ធផលគួរឲ្យភ្ញាក់ផ្អើល តួលេខដែលត្រូវបានបង្ហាញដោយទីភ្នាក់ងារថាមពលអន្តរជាតិ ឬ IEA (International Energy Agency) បានបង្ហាញថា ទីផ្សារនៃរ៉ែសំខាន់ៗទាំងនោះបានកើនឡើងខ្លាំងដល់ទៅ ៣២០ពាន់លានដុល្លារកាលពីឆ្នាំទៅបើទោះជាបីជាត្រូវប្រឈមមុខទៅនឹងបញ្ហាជាច្រើនដូចជាសង្វាក់ផលិតកម្មផ្គត់ផ្គង់ ក៏ដូចជាបញ្ហាតានតឹងផ្នែកភូមិសាស្ត្រនយោបាយក្តី។ លើសពីនេះ របាយការណ៍ដដែលក៏បានឲ្យដឹងដែរថា ទំហំនៃការផ្គត់ផ្គង់រ៉ែទាំងនេះនៅចន្លោះឆ្នាំ២០១៧ ដល់ឆ្នាំ២០២២ បានកើនឡើងដល់ទៅទ្វេដងដែលក្នុងនោះភាគច្រើនដោយសារតែតម្រូវការនៃការប្រើប្រាស់បច្ចេកវិទ្យាផ្ទាំងសូឡា និងរថយន្តអគ្គិសនីបានកើនឡើងខ្លាំង៕
Account
Security
Favourite Content