សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី Weforum បានលើកឡើងថា បច្ចុប្បន្ននេះមានដំណាំ ៣ ប្រភេទកំពុងរងហានិភ័យធ្ងន់ធ្ងរបំផុតពីការប្រែប្រួលអាកាសធាតុ។
ដំណាំទី ១ គឺ ប្រេងអូលីវដែលរងគ្រោះពីរដូវក្តៅដែលមានរយៈពេលយូរ។ រដូវក្តៅ និងស្ងួតនៅតំបន់សមុទ្រមេឌីទែរ៉ាណេបានបំផ្លាញដើមប្រេងអូលីវជាច្រើន ដែលនាំឱ្យទិន្នផលនៃដំណាំអូលីវធ្លាក់ចុះជាខ្លាំង។ ទន្ទឹមនឹងនេះ តម្លៃប្រេងអូលីវបានឡើងថ្លៃស្ទើរតែគ្រប់ពេល ខណៈដែលស្តុកកំពុងធ្លាក់ចុះ ហើយវាអាចនឹងធ្លាក់ចុះនៅមុនដល់ពេលប្រមូលផលក្រោយទៀត។
ដំណាំទី ២ គឺទិន្នផលអង្ករដែលកំពុងរងគ្រោះខ្លាំងស្ទើរតែគ្រប់ទ្វីប។ ប្រទេសអ៊ីតាលីដាំដុះស្រូវចំនួន ៥០ ភាគរយនៃចំនួនអង្ករសរុបរបស់សហភាពអឺរ៉ុប។ អ៊ីតាលីមានឯកទេសខាងដាំដុះពូជអង្ករ risotto ប៉ុន្តែទិន្នផលនៃដំណាំស្រូវកំពុងធ្លាក់ចុះខ្លាំងក្នុងរយៈពេល ២៣ ឆ្នាំ ដោយសារវាប្រឈមនឹងគ្រោះរាំងស្ងួត។ កាលពីឆ្នាំ២០២២ កន្លងទៅនេះ គ្រោះរាំងស្ងួតបានវាយប្រហារតំបន់ដាំដុះស្រូវនៅកាលីហ្វ័រញ៉ា ដោយឧស្សាហកម្មស្រូវក្នុងតំបន់នោះបានខាតបង់ប្រាក់ចំនួន ៧០៣ លានដុល្លារ និងកាត់បន្ថយការងារចំនួន ៥ ៣០០ ។ នៅខាងទ្វីបអាស៊ីវិញ ថៃក៏កំពុងកាត់បន្ថយដំណាំស្រូវរបស់ខ្លួនផងដែរ ដោយសារភ្លៀងធ្លាក់តិច។
ដំណាំទី ៣ គឺសណ្តែកសៀង ដោយសារអាមេរិកខាងត្បូងកំពុងប្រឈមមុខនឹងគ្រោះរាំងស្ងួតរយៈពេលបីឆ្នាំជាប់ៗគ្នា។ អាហ្សង់ទីន គឺជាប្រទេសដែលដាំសណ្តែកសៀងធំជាងគេទី ៣ របស់ពិភពលោក ប៉ុន្តែបានប្រកាសដាក់ប្រទេសក្នុងគ្រាអាសន្នកាលពីឆ្នាំ២០២២ កន្លងទៅនេះ។ ដូច្នោះហើយ គេរំពឹងថាទិន្នផលសណ្តែកសៀងឆ្នាំ២០២៣ នឹងទាបជាងអត្រាតួរលេខធម្មតា ៤៣ ភាគរយ។ បញ្ហានេះប៉ះពាល់ដល់ការចិញ្ចឹមសត្វផងដែរ ដោយសារសណ្តែកសៀងភាគច្រើននៅលើពិភពលោកត្រូវបានផ្តល់អាហារដល់បសុសត្វ ដែលជាការចិញ្ចឹមសត្វសម្រាប់យកសាច់ ទឹកដោះគោ រោម និង ស្បែក។ល។
ការឡើងថ្លៃសណ្តែកសៀងអាចបណ្តាលឱ្យកសិករកាត់បន្ថយការចិញ្ចឹមសត្វ និង នាំឱ្យសាច់មានការឡើងថ្លៃផងដែរ។
អង្គការឧតុនិយមពិភពលោកបានព្រមានថា ការកើនឡើងកម្តៅពិភពលោកអាចគំរាមកំហែងដល់ការផ្គត់ផ្គង់អាហារនិង សន្តិសុខស្បៀងអាហារ។ ការឡើងថ្លៃតម្លៃអាហារដែលបង្កពីការកើនឡើងកម្តៅពិភពលោកបានឡើងដល់កម្រិតខ្ពស់បំផុតកាលពីឆ្នាំ ២០២២ កន្លងទៅនេះ។ លើសពីនេះ NASA បានព្យាករណ៍ថា ដំណាំពោតអាចធ្លាក់ចុះ ២៤ ភាគរយនាឆ្នាំ ២០៣០។ គេចាត់ចំណាត់ថ្នាក់ វិបត្តិស្បៀងអាហារជាបញ្ហាមួយក្នុងចំណោមហានិភ័យកំពូលទាំង ៥ របស់ពិភពលោកនាពេលបច្ចុប្បន្ន។
បន្ថែមពីនេះ កាលពីខែកក្កដាកន្លងទៅនេះ រុស្ស៊ីបានប្រកាសដកខ្លួនចេញកិច្ចព្រមព្រៀងសមុទ្រខ្មៅ ដែលវាប៉ះពាល់ការនាំចេញគ្រាប់ធញ្ញជាតិទៅកាន់ទ្វីបអាហ្រ្វិក និង អាចបង្កឲ្យមានការខ្វះខាតស្បៀងអាហារដល់ប្រជាជនក្រីក្របំផុតមួយចំនួននៅលើសកលលោក។ មិនត្រឹមតែប៉ុណ្ណោះ ឥណ្ឌាបានបិទការនាំចេញអង្ករ ដែលកំពុងគំរាមគំហែងទីផ្សារអង្ករពិភពលោក ហើយមនុស្សរាប់លាននាក់នឹងរងផលប៉ះពាល់៕
Account
Security
Favourite Content