សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា ការកាត់ផ្តាច់ទំនាក់ទំនងជាមួយប្រទេសចិននឹងធ្វើឱ្យឧស្សាហកម្មភាគច្រើនរបស់ប្រទេសអាល្លឺម៉ង់ប្រឈមនឹងហានិភ័យ ដែលនេះជាការដកស្រង់សម្តីពីនាយកប្រតិបត្តិនៃក្រុមហ៊ុនផលិតរថយន្ត Mercedes-Benz។
កាលពីថ្ងៃអាទិត្យកន្លងទៅនេះ នាយកប្រតិបត្តិនៃក្រុមហ៊ុនផលិតរថយន្ត Mercedes-Benz លោក Ola Kaellenius ត្រូវបានសម្ភាសន៍ដោយកាសែត Bild am Sonntag បន្ទាប់ពីលោកត្រឡប់មកពីដំណើរទស្សនកិច្ចពាណិជ្ជកម្មនៅប្រទេសចិន ដែលជាទីផ្សារសំខាន់បំផុតរបស់ក្រុមហ៊ុនអាល្លឺម៉ង់។
លោក Kaellenius បាននិយាយថា តួអង្គសំខាន់នៅក្នុងសេដ្ឋកិច្ចពិភពលោកដូចជា អឺរ៉ុប សហរដ្ឋអាមេរិក និងចិន ដែលជាធម្មតាមានទំនាក់ទំនងគ្នាយ៉ាងជិតស្និទ្ធ ប៉ុន្តែការផ្តាច់ខ្លួនចេញពីចិនគឺគ្មានន័យអ្វីឡើយ ដែលវាគឺជាបញ្ហាប្រឈមមួយ និងមិនគួរឲ្យចង់កើតឡើង។ ស្របពេលនេះដែរ មានការព្រួយបារម្ភកាន់តែខ្លាំងឡើងនៅក្នុងប្រទេសអាឡឺម៉ង់ និងសហភាពអឺរ៉ុបទាំងមូលអំពីការពឹងផ្អែកសេដ្ឋកិច្ចលើប្រទេសចិន ដែលជាដៃគូពាណិជ្ជកម្មឈានមុខគេមួយ និងជាអ្នកផ្គត់ផ្គង់វត្ថុធាតុដើមសំខាន់សម្រាប់ការផ្លាស់ប្តូរបៃតងនៅក្នុងអឺរ៉ុប។
គួរឲ្យបញ្ជាក់ផងដែរថា ចិនមានទីផ្សាររថយន្តធំជាងគេក្នុងពិភពលោក ហើយក្រុមហ៊ុនផលិតរថយន្តអាល្លឺម៉ង់ពឹងផ្អែកយ៉ាងខ្លាំងទៅលើចិន។ ម្ចាស់ភាគហ៊ុនសំខាន់របស់ក្រុមហ៊ុន Mercedes-Benz គឺក្រុមហ៊ុនរបស់ចិន BAIC Group និង ក្រុមហ៊ុនចិន Geely។ កាលពីឆ្នាំ ២០២២ កន្លងទៅនេះ ប្រទេសចិនមានចំណែក ១៨ ភាគរយនៃប្រាក់ចំណូលសរុប និង ៣៧ ភាគរយនៃការលក់រថយន្តនៅ Mercedes-Benz។ ស្របពេលនេះដែរ មានសំណួរសួរទៅកាន់នាយកប្រតិបត្តិការក្រុមហ៊ុន Mercedes-Benz ដែលបានសួរថា តើវាអាចទៅរួចទេសម្រាប់ក្រុមហ៊ុន Mercedes-Benz ក្នុងការបញ្ឈប់អាជីវកម្មរបស់ខ្លួននៅក្នុងប្រទេសចិន ប្រសិនបើផ្នែកនយោបាយជុំវិញកោះតៃវ៉ាន់រឹតតែតឹងតែងដូចដែលជម្លោះរវាងរុស្ស៊ី-អ៊ុយក្រែនបានកើតឡើង? លោក Kaellenius បានឆ្លើយតបថា នោះជារឿងដែលមិននឹកស្មានដល់សម្រាប់ឧស្សាហកម្មអាល្លឺម៉ង់ស្ទើរតែទាំងមូល ប៉ុន្តែឧស្សាហកម្មអាឡឺម៉ង់គួរតែមានភាពធន់ជាងមុន និងមានភាពឯករាជ្យជាងប្រទេសផ្សេងៗ នៅពេលនិយាយអំពីអាគុយលីចូម។
មិនត្រឹមតែប៉ុណ្ណោះ អឺរ៉ុបពឹងផ្អែកលើធាតុកម្ររបស់ចិនប្រមាណជាង ៩៨ ភាគរយ ដែលត្រូវបានប្រើក្នុងការផលិតថាមពលខ្យល់ការផ្ទុកអ៊ីដ្រូសែន និងថ្ម។ អឺរ៉ុបពឹងផ្អែកលើលីចូមរបស់ចិនប្រមាណជាង ៩៧ ភាគរយសម្រាប់ផលិតអាគុយ ខណៈបន្ទះសូឡាស្រូបពន្លឺព្រះអាទិត្យរបស់ខ្លួនប្រមាណជាង ៨០ ភាគរយក៏ត្រូវពឺងផ្អែកលើចិនផងដែរ។ លើសពីនេះផងដែរ ចិនគឺជាប្រទេសដែលមានមុខមាត់ធ្លោមួយក្នុងការកែច្នៃរ៉ែកម្រប្រហែលជាង ៦០ ភាគរយនៃលីចូមសរុបរបស់ពិភពលោកដែលចម្រាញ់នៅក្នុងប្រទេសភាគអាស៊ីខាងកើត។ កាលពីខែមុនកន្លងទៅនេះ ប្រធានគណៈកម្មការអឺរ៉ុប Ursula von der Leyen បាននិយាយថា ប្លុកនេះមិនអាចដកខ្លួនចេញពីប្រទេសចិនបានទេ ប៉ុន្តែចាំបាច់ត្រូវកាត់បន្ថយហានិភ័យ និងធ្វើឱ្យមានតុល្យភាពឡើងវិញលើទំនាក់ទំនងសេដ្ឋកិច្ចរបស់ខ្លួន៕
Account
Security
Favourite Content