សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បញ្ហាបម្រែបម្រួលអាកាសធាតុនៅតែជាការងាររួមដ៏សំខាន់បំផុតរបស់ពិភពលោកដើម្បីគេចចេញពីការកើនឡើងកំដៅ និងវិបត្តិគ្រោះធម្មជាតិដ៏ធ្ងន់ធ្ងរនាពេលអនាគត ខណៈដែលបណ្តាប្រទេសនានានៅលើសកលលោកកំពុងតែព្យាយាមទប់ស្កាត់។
ជាយូរមកហើយដែលមនុស្សទូទៅបានដឹងថាថាមពលនុយក្លេអ៊ែរគឺជាសកម្មភាពដែលស្ថិតនៅក្នុងបញ្ជីពិភពលោកត្រូវចូលរួមគ្នាលុបបំបាត់ឲ្យអស់ទើបអាចឲ្យកិច្ចការងារប្រយុទ្ធប្រឆាំងនឹងបម្រែបម្រួលអាកាសធាតុទទួលបានជោគជ័យតាមគោលដៅ។ វាមិនត្រឹមតែធ្វើឲ្យប៉ះពាល់ធ្ងន់ធ្ងរដល់សុខាមាលភាពរបស់មនុស្សជាតិ និងបរិស្ថានប៉ុណ្ណោះទេ ការវិនិយោគលើថាមពលនុយក្លេអ៊ែរត្រូវការចំណាយច្រើនជាងការវិនិយោគទៅលើថាមពលកកើតឡើងថ្មីផ្សេងទៀតផងដែរ។
ហ្គាសក៏ដូចគ្នា គឺជាថាមពលធម្មជាតិក្តី ប៉ុន្តែដូចទៅនឹងធ្យូងថ្មដែលការស្រាវជ្រាវរបស់អ្នកជំនាញបានបង្ហាញថា សកម្មភាពប្រើប្រាស់ធនធានប្រភេទនេះនឹងអាចបញ្ចេញឧស្ម័នបំពុលកាបូនឌីអុកស៊ីតដល់ ៥៨,៥ភាគរយនៃទំហំប្រើប្រាស់។
ទោះបីជាពិភពលោកកំពុងខិតខំដើរចេញ និងកាត់បន្ថយការប្រើប្រាស់ថាមពលហ្គាស និងនុយក្លេអ៊ែរមិនទាន់បានទទួលលទ្ធផលល្អប្រសើរនៅឡើយក្តី ប៉ុន្តែអឺរ៉ុបបែរជាបានធ្វើការសម្រេចចិត្តដ៏គួរឲ្យភ្ញាក់ផ្អើលមួយទៅវិញដោយមានទិសដៅហាក់ដូចជាផ្ទុយទាំងស្រុងទៅនឹងគោលការណ៍ទាំងនេះ។
ថ្ងៃពុធនៅក្នុងសប្ដាហ៍នេះ សភាអឺរ៉ុបបានប្រកាសក្នុងការគាំទ្រផែនការដាក់បញ្ចូលថាមពលហ្គាស និងថាមពលនុយក្លេអ៊ែរទៅក្នុងចំណាត់ថ្នាក់ថាមពលបៃតង “Green” ដោយបដិសេធទាំងការប្តឹងតវ៉ាពីសំណាក់ក្រុមសកម្មជនអាកាសធាតុសំខាន់ និងក្រុមសកម្មជនលេចធ្លោរបស់អ៊ុយក្រែនមួយចំនួនទៀត ដែលពួកគេបានសង្កត់ធ្ងន់ថាការសម្រេចចិត្តលើកនេះបែរជាបានធ្វើឲ្យរុស្ស៊ី ជាពិសេសប្រធានាធិបតីរុស្ស៊ីលោក Vladimir Putin កាន់តែរីករាយទៅវិញ។
សមាជិកជាន់ខ្ពស់នៃសភាអឺរ៉ុបម្នាក់បានលើកឡើងថា ការបោះឆ្នោតសម្រេចគាំទ្ររបស់អឺរ៉ុបនេះបានក្លាយទៅជាថ្ងៃដ៏អាក្រក់បំផុតសម្រាប់អាកាសធាតុពិភពលោក “Dark Day for the climate” ខណៈដែលអ្នកជំនាញជាច្រើនបាននិយាយថា អឺរ៉ុបកំពុងបង្កើតគំរូដ៏គ្រោះថ្នាក់មួយសម្រាប់ប្រទេសជាច្រើនទៀតដែលនាំគ្នាអនុវត្តតាមជាមិនខាន។
ការសម្រេចចិត្តរបស់អឺរ៉ុបមានន័យថាគម្រោងទាញយកថាមពលហ្គាស និងការផលិតផលថាមពលនុយក្លេអ៊ែរមួយចំនួននឹងអាចទទួលបានមូលនិធិ និងការវិនិយោគមួយភាគនៃផែនការវិនិយោគរបស់អឺរ៉ុបសម្រាប់ថាមពលកកើតឡើងវិញ ឬ Green Energy មានតម្លៃរាប់ពាន់លានដុល្លារដែលបានរៀបរាងឡើងតាំងតែពីចុងឆ្នាំ២០២១។
ផែនការដែលអឺរ៉ុបគាំទ្របានបញ្ជាក់ថាហ្គាសអាចចាត់បញ្ចូលជាការវិនិយោគប្រកបដោយនិរន្តភាពប្រសិនបើថាមពលកកើតផ្សេងទៀតមិនអាចមកជំនួសទំហំផ្គត់ផ្គង់បានទេនោះ ហើយអឺរ៉ុបនឹងសម្រេចអនុវត្តឡើងវិញថា ហ្កាសនឹងក្លាយទៅជាថាមពលប្រភេទបញ្ចេញកាបូនតិច ឬ Low-Carbon Gas ។ ចំណែកឯថាមពលនុយក្លេអ៊ែរទាំងឡាយណាដែលសន្យាថានឹងគ្រប់គ្រងឲ្យបានល្អ និងប្រសិទ្ធភាពចំពោះ កាកសំណល់វិទ្យុសកម្មក៏នឹងត្រូវរាប់បញ្ចូលជាថាមពលបៃតងវិញផងដែរ។
សភាអឺរ៉ុបហាក់ដូចជាមិនអាចធ្វើការកែប្រែនូវការសម្រេចចិត្តនេះបានឡើយ ពីព្រោះថាសមាជិកសភាអឺរ៉ុបចំនួនតែ២៨២នាក់ប៉ុណ្ណោះដែលបានបោះឆ្នោតឲ្យមានការពិនិត្យឡើងវិញក្នុងការប្រឆាំងហ្កាស និងនុយក្លេអ៊ែរទៅក្នុងប្រភេទថាមពលបៃតងខណៈដែលសមាជិកសភាប្រមាណជា៣៥៣នាក់ទៀតបានបោះឆ្នោតគាំទ្រឲ្យមានការវិលត្រឡប់ទៅរកថាមពលទាំងពីរនេះវិញ។
ដំណឹងនេះត្រូវបានបុគ្គលសំខាន់ៗ និងប្រទេសជាសមាជិកផ្សេងទៀតបង្ហាញជំហប្រឆាំងដែរ ដូចជាប្រទេសអូទ្រីស ប្រទេសលុចសំបួរ អនុប្រធានគណកម្មាធិការបរិស្ថានរបស់សភាអឺរ៉ុប លោក Bas Eickhout និងសមាជិកសភាជាន់ខ្ពស់របស់ហូឡង់ជាដើម។ ក្នុងពេលដំណាលគ្នានេះដែរ គេមើលឃើញក្រៅតែពីរុស្ស៊ីដែលនឹងអាចទទួលបានអត្ថប្រយោជន៍ជាច្រើន ហើយប្រទេសរ៉ូមេនី និងបារាំងក៏កំពុងរីករាយចំពោះដំណឹងនេះផងដែរ ដោយប្រធានាធិបតីរ៉ូមេនី លោក Klaus Iohannis បានប្រកាសនៅលើបណ្តាញសង្គម Twitter ថាស្វាគមណ៍ចំពោះលទ្ធផលជាវិជ្ជមានមួយនេះ ពីព្រោះកន្លងមក រ៉ូមេនី បានចាត់ទុកថាហ្គាស និងនុយក្លេអ៊ែរគឺជាកិច្ចខិតខំប្រឹងប្រែងដើម្បីកាត់បន្ថយកាបូនឌីអុកស៊ីត ខណៈដែលបារាំងឯណោះវិញកំពុងរង់ចាំការអនុម័តយល់ព្រមពីអឺរ៉ុបដើម្បីដំណើរការគម្រោងរោងចក្រនុយក្លេអ៊ែរជាច្រើនកន្លែងនៅក្នុងប្រទេសរបស់ខ្លួន៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាជំរុញការអប់រំឌីជីថល ខណៈរោងចក្រថេប្លេតតម្លៃ ១០០ លានដុល្លារត្រៀមដំណើរការ
ព្រឹត្តិការណ៍, អាជីវកម្មថ្មី និងនវានុវត្ត
• 29/10/2026
រាជរដ្ឋាភិបាលកម្ពុជា តាមរយៈក្រសួងអប់រំ យុវជន និងកីឡា គ្រោងពង្រីកការសិក្សាឌីជីថលដល់សាលាបឋមសិក្សាប្រមាណ ៧,០០០ សាលាទូទាំងប្រទេស ស្របពេលក្រុមហ៊ុន KH Haitech កំពុងពន្លឿនការសាងសង់រោងចក្រដំឡើងថេប្លេត (tablet) នៅរាជធានីភ្នំពេញ ក្រោមទុនវិនិយោគសរុប ១០០ លានដុល្លារ
រដ្ឋមន្ត្រីក្រសួងដែនដី ៖ លំនៅឋានមិនគ្រាន់តែជាលំនៅឋានទេ តែជាការកសាងជីវិតនៅក្នុងផ្ទះនោះសម្រាប់ប្រជាជនគ្រប់រូប
Top News, ព្រឹត្តិការណ៍, អចលនទ្រព្យ
• 28/10/2026
ភ្នំពេញ ៖ បន្ទាប់ពីការចុះបញ្ជីដីបង្ហើយ និងការបង្កើតបរិយាកាសគ្មានវិវាទរួចមក ក្រសួងរៀបចំដែនដី នគរូបនីយកម្ម និងសំណង់ បាននិងកំពុងផ្តោតការយកចិត្តទុកដាក់លើកិច្ចការលំនៅឋាន និងការងារសម្បទានដើម្បីសង្គម និងសេដ្ឋកិច្ច ដោយបានដាក់ចេញនូវគោលការណ៍ ចំនួន ៣ ជាផែនទីអនុវត្តការងារ រួមមាន៖ បុរីជនបទ ភូមិឋានក្សេមក្សាន្ត និងទ្រនំសុភមង្គល ដើម្បីបង្កលក្ខណៈឱ្យប្រជាជនខ្មែរគ្រប់រូបមានផ្ទះសម្បែងរស់នៅសមរម្យ ជាទ្រនំសុភមង្គល។
រុស្ស៊ី នឹងសង់ម៉ាស៊ីន រ៉េអាក់ទ័រ ៨ បន្ថែមទៀត នៅរោចក្រនុយក្លេអ៊ែររបស់អុីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 28/10/2026
បរទេស ៖ ក្រុមហ៊ុនរដ្ឋរបស់រុស្ស៊ី Rosatom ជំនាញខាងវិស័យថាមពលនុយក្លេអ៊ែរបានបង្ហាញផែនការថ្មីមួយត្រៀមសាងសង់ម៉ាស៊ីនរ៉េអាក់ទ័រចំនួន ៨ ទៀតនៅក្នុងរោងចក្រនុយក្លេអ៊ែរ Bushehr ប្រទេសអុីរ៉ង់ នេះបើយោងតាមការចេញផ្សាយរបស់កាសែតប៊ុលហ្ការី Novinata។ ប្រធានក្រុមហ៊ុនរដ្ឋរុស្ស៊ី លោក Alexei Likhachev បានប្រកាសពីកិច្ចព្រមព្រៀងដែលបានចុះហត្ថលេខាសម្រាប់បង្កើនសមត្ថភាពថាមពលនុយក្លេអ៊ែរផង ព្រមទាំងគម្រោងសង់រោងចក្រថាមពលនុយក្លេអ៊ែរខ្នាតតូចបន្ថែមទៀត។ តាមផែនការនេះ ក្រុមហ៊ុនរដ្ឋរុស្ស៊ី Rosatom
វិស័យកាហ្វេកម្ពុជាជំរុញការកែច្នៃ និងពង្រឹងគុណភាព ដើម្បីបង្កើនតម្លៃផលិតផល
ព្រឹត្តិការណ៍, អត្ថបទពាណិជ្ជកម្ម
• 28/10/2026
ភ្នំពេញ ៖ ការពង្រឹងគុណភាពកាហ្វេចាប់ពីការប្រមូលផលនៅចម្ការ រហូតដល់ដំណាក់កាលកែច្នៃ ត្រូវបានចាត់ទុកថាជាកត្តាសំខាន់ក្នុងការបង្កើតកាហ្វេពិសេស (Specialty Coffee) ដែលមានគុណភាព និងតម្លៃខ្ពស់ ដោយមានការជំរុញឱ្យអ្នកពាក់ព័ន្ធក្នុងខ្សែច្រវាក់តម្លៃកាហ្វេ សហការគ្នាដើម្បីឆ្លើយតបតម្រូវការទីផ្សារ។ ក្នុងថ្ងៃទី២ នៃកម្មវិធីសិក្សាឈ្វេងយល់អំពីវិស័យកាហ្វេ អ្នកចូលរួមបានចុះអនុវត្តផ្ទាល់នៅចម្ការ ដោយប្រមូលផលផ្លែកាហ្វេទុំក្រហម (Red Cherry) និងសិក្សាអំពីកម្រិតទុំដែលសមស្របសម្រាប់ផលិតកាហ្វេដែលមានគុណភាពខ្ពស់។ ការសិក្សានេះក៏បានផ្តោតលើបច្ចេកទេសជ្រើសរើសផ្លែកាហ្វេ ការប្រមូលផល
កងទ័ពអាកាសប៊ុលហ្គារីប្រារព្ធខួប ១១៤ ឆ្នាំនៃប្រតិបត្តិការយោធាតាមអាកាសលើកដំបូង
ព្រឹត្តិការណ៍, អាជីវកម្មថ្មី និងនវានុវត្ត
• 28/10/2026
រដ្ឋមន្ត្រីក្រសួងការពារជាតិប៊ុលហ្គារី លោក Dimitar Stoyanov និងអគ្គមេបញ្ជាការកងទ័ព លោក Emil Eftimov បានចូលរួមក្នុងពិធីគោរពវិញ្ញាណក្ខន្ធនៅមុខវិមានរំលឹកគុណដល់កងទ័ពអាកាស ក្នុងរាជធានីសូហ្វីយ៉ា (Sofia) កាលពីថ្ងៃទី១៦ ខែតុលា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content