សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Weforum បានលើកឡើងថា ទីក្រុងចំនួន ៥ មានសេវាកម្មដឹកជញ្ជូនសាធារណៈល្អបំផុតនៅអឺរ៉ុបជាមួយនឹងការធ្វើដំណើរតាមរយៈរថភ្លើងគ្រប់ប្រភេទ រថយន្តក្រុង និងរថយន្តអគ្គិសនី ដែលបានកាត់បន្ថយចំនួនយានជំនិះដើរដោយថាមពលឥន្ធនៈ។
ទីក្រុងដែលជាប់ចំណាត់ថ្នាក់ទាំង៥ រួមមានដូចខាងក្រោម ៖
១. Helsinkin: Helsinkin គឺជារដ្ឋធានីរបស់ប្រទេសហ្វាំងឡង់ និងបានអនុវត្តការមិនប្រើប្រាស់រថយន្តនៅក្នុងតំបន់ ដោយជំនួសមកវិញនៅអត្រាជិះកង់កម្រិតខ្ពស់ និងបណ្តាញផ្លូវដែកដ៏ល្អឥតខ្ចោះ។ ការធ្វើដំណើរជុំវិញទីក្រុង Helsinki មានតម្លៃសមរម្យប្រហែល ៣ ដុល្លារប៉ុណ្ណោះសម្រាប់ការដឹកជញ្ជូនគ្រប់ប្រភេទនៅក្នុងទីក្រុង។ អ្នករស់នៅទីនោះភាគច្រើនចូលចិត្តធ្វើដំណើរដោយថ្មើរជើងផងដែរ។ លើសពីនេះ ទីក្រុងនេះកំពុងវិនិយោគយ៉ាងខ្លាំងលើរថយន្តបើកបរស្វ័យប្រវត្ត និងរថយន្តអគ្គិសនីផងដែរ ក្នុងគោលបំណងឱ្យរថយន្តយ៉ាងហោចណាស់ ៣០ ភាគរយលែងប្រើប្រាស់ឥន្ធនៈហ្វូស៊ីលនៅឆ្នាំ ២០៣០។
២. Amsterdam ៖ ការជិះកង់នៅក្នុងទីក្រុង Amsterdam មានអត្រាខ្ពស់បំផុតមួយរបស់ពិភពលោក ខណៈដែលការដឹកជញ្ជូនសាធារណៈរបស់ទីក្រុងនេះដំណើរការលើដីភាគច្រើន ហើយមិនមានទឹកនោះទេ។ ការដឹកជញ្ជូនទាំងនោះរួមមាន បណ្តាញរថភ្លើង, រថភ្លើង Trams, និងឡានក្រុងមានតម្លៃសមរម្យ ហើយអ្នករស់នៅទីនោះចំនួន ៩១ ភាគរយពេញចិត្តប្រព័ន្ធដឹកជញ្ជូនសាធារណៈរបស់ទីក្រុងនៅមួយនេះ។ បន្ថែមពីនេះ Amsterdam គ្រោងនឹងដំឡើងកន្លែងសាករថយន្តអគ្គិសនីចំនួន ៨ ០០០០ នៅឆ្នាំ ២០៣០។
៣. Stockolm: Stockolm គឺជារដ្ឋធានីរបស់ប្រទេសស៊ុយអែត និងជាទីក្រុងឈានមុខគេលើពិភពលោកក្នុងការវិនិយោគលើការដឹកជញ្ជូនសាធារណៈ និងការច្នៃប្រឌិត ហើយជាប់ចំណាត់ថ្នាក់លេខ ២ ខាងការប្រើប្រាស់យានយន្តអគ្គិសនីច្រើនជាងគេរបស់ពិភពលោក។ វាគ្រោងនឹងពង្រីកប្រព័ន្ធដឹកជញ្ជូនដ៏ធំរបស់ខ្លួនទ្វេដងបន្ថែមទៀត ក្នុងគោលបំណងផ្តល់តម្លៃថោកសម្រាប់អ្នកប្រើប្រាស់ សម្រួលចម្ងាយដើរឲ្យតិចជាងមុន និងបង្កើនពេលវេលាធ្វើដំណើរលឿនជាងមុន។ Stockholm គឺជាទីក្រុងងាយស្រួលក្នុងការធ្វើដំណើរជាមួយនឹងការដឹកជញ្ជូនសាធារណៈសម្បូរបែបរួមមាន ប្រព័ន្ធរថភ្លើងក្រោមដីចំនួន ១០០ ស្ថានីយ, រថភ្លើង trams, រថភ្លើង LRT, និងឡានក្រុងសម្រាប់ធ្វើដំណើរ។ វាមានភាពងាយស្រួលសម្រាប់អ្នកជិះអាចប្តូរពីរថភ្លើងមួយទៅរថភ្លើងប្រភេទផ្សេងៗទៀត ដោយប្រើកាត ឬ សំបុត្រដូចគ្នា។
៤. Prague៖ Prague គឺជារដ្ឋធានីឆេកគឺជាទីក្រុងដ៏ស្រស់ស្អាតបំផុតមួយនៅអឺរ៉ុប ហើយបណ្តាញដឹកជញ្ជូនសាធារណៈបានបន្ថែមសោភ័ណភាពរបស់វា។ អ្នករស់នៅទីក្រុង Prague ប្រហែល ៩៦ ភាគរយពេញចិត្តនឹងភាពងាយស្រួលក្នុងការធ្វើដំណើរតាមការដឹកជញ្ជូនសាធារណៈ។ ទីក្រុងនេះសម្បូរទៅដោយរថភ្លើងដែលផ្តល់ភាពងាយស្រួលដល់អ្នកធ្វើដំណើរ។
៥. Munich: ទីក្រុងអាល្លឺម៉ង់មួយនេះហាមឃាត់ការជិះរថយន្តម៉ាស៊ូតនៅក្នុងទីក្រុង ខណៈដែលថែរក្សាបាននូវបណ្តាញផ្លូវថ្នល់យ៉ាងល្អ ជាមួយនឹងផែនការជំរុញការជិះកង់ ឡានក្រុង និងរថយន្តអគ្គិសនីឲ្យបាន ៨០ ភាគរយត្រឹមឆ្នាំ ២០៣៥៕
Account
Security
Favourite Content