សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្នុងដំណើរឆ្ពោះទៅរកការកាត់បន្ថយការបំពុលអាកាស ប្រទេសបារាំងបានដាក់ចេញនូវផែនការរយៈពេលវែងមួយក្នុងការបញ្ចប់ទៅនៃការលក់រថយន្តចាក់សាំងនៅត្រឹមដំណាច់ឆ្នាំ២០៣៥ខាងមុខនេះ។ ជាចំណែកក្នុងកិច្ចខិតខំនេះ បារាំងបានចាប់ផ្តើមការអនុវត្តផែនការជាច្រើនដោយក្នុងនោះក៏មាននូវការបំពាក់បច្ចេកវិទ្យាថ្មីៗ និងតម្លើងស្ថានីយសាកថ្មសម្រាប់រថយន្តអគ្គិសនីជាច្រើននៅតាមដងផ្លូវជំនួសឲ្យស្ថានីយចាក់សាំង។
មួយក្នុងចំណោមការត្រៀមខ្លួននោះ បច្ចុប្បន្នរដ្ឋាភិបាលបារាំងកំពុងដាក់ឲ្យសាកល្បងនូវបច្ចេកវិទ្យាដ៏ទំនើបមួយដែលអាចអនុញ្ញាតឲ្យរថយន្តដើរដោយថាមពលអគ្គិសនីអាចសាកថ្មដោយមិនចាំបាច់ឈប់នៅតាមស្ថានីយទៀតឡើយ។
ក្នុងដំណាក់កាលសាកល្បងដែលបានធ្វើឡើងកាលពីខែកញ្ញាកន្លងទៅនេះ បារាំងបានជ្រើសយកគម្រោងសាកថ្មរថយន្តចំនួន២ប្រភេទនៅលើដងផ្លូវហាយវេយដែលក្នុងនោះទី១គឺជាការសាកថ្មដោយប្រើប្រាស់បច្ចេកវិទ្យា Wireless និងមួយទៀតដោយការសាកថ្មតាមរយៈខ្សែកាបនៅអំឡុងពេលធ្វើដំណើរលើដងផ្លូវ។
កំណាត់ផ្លូវប្រមាណជា៤គីឡូម៉ែត្រនៅក្បែរទីក្រុងប៉ារីសត្រូវបានគេដាក់ឲ្យអនុវត្តនូវបច្ចេកវិទ្យានេះ។ រថយន្តដើរដោយថាមពលអគ្គិសនីទាំងឡាយអាចសាកថ្មជាមួយនឹងបន្ទះផ្ទុកដោយអគ្គិសនីដែលស្ថិតនៅលើផ្លូវជាមួយនឹងដុំអាគុយរបស់រថយន្តដែលស្ថិតនៅលើតួរថយន្តតាមរយៈ Wireless។
ដោយឡែក វិធីសាស្ត្រផ្សេងទៀតនោះគឺការសាកថ្មរថយន្តតាមរយៈខ្សែកាបដែលស្ថិតនៅពីលើផ្លូវវិញដែលភាគច្រើនមានតែប្រភេទដឹកទំនិញធំៗ និងរថយន្តខ្ពស់ ហើយកន្លងមកគេធ្លាប់ឃើញបច្ចេកវិទ្យាសាកថ្មប្រភេទនេះបានអនុវត្តរួចទៅហើយនៅក្នុងប្រទេសស៊ុយអែត។
តាមផែនការបារាំងនឹងចាប់ផ្តើមដាក់ឲ្យដំណើរការជាផ្លូវការនូវបច្ចេកវិទ្យាសាកថ្មរថយន្តអគ្គិសនីនៅតាមដងផ្លូវល្បឿនលឿនរបស់ខ្លួនចាប់ពីដើមឆ្នាំ២០២៤តទៅដោយសង្ឃឹមថានឹងអាចត្រៀមខ្លួនបានយ៉ាងល្អតាមផែនការឆ្នាំ២០៣៥ នឹងត្រូវបានបញ្ចប់ទៅនៃការលក់រថយន្តចាក់សាំងនៅក្នុងទីផ្សារទូទាំងប្រទេសតែម្តង៕
Account
Security
Favourite Content