Generative AI អាចរកចំណូលបន្ថែមដល់សេដ្ឋកិច្ចពិភពលោករហូតដល់ ៤,៤ ទ្រីលានដុល្លារក្នុងមួយឆ្នាំ

បរទេស ៖ តាមរយៈការស្រាវជ្រាវចុងក្រោយរបស់ Weforum ទៅលើការប្រើប្រាស់ Generative AI ចំនួន ៦៣ ករណី គេបានប៉ាន់ប្រមាណថា Generative AI អាចរកចំណូលបន្ថែមដល់សេដ្ឋកិច្ចពិភពលោកពីចន្លោះ ២,៦ ទ្រីលានដុល្លារទៅដល់ ៤,៤ ទ្រីលានដុល្លារក្នុងមួយឆ្នាំ ព្រមទាំងបង្កើនឥទ្ធិពលនៃ AI ទាំងអស់ពី ១៥ ទៅ ៤០ ភាគរយ។ លើសពីនេះ ប្រហែល ៧៥ ភាគរយនៃការប្រើប្រាស់ Generative AI មានឥទ្ធិពលលើផ្នែកចំនួន ៤ រួមមាន ប្រតិបត្តិការផ្នែកសេវាកម្មអតិថិជន, ទីផ្សារ និងការលក់, វិស្វកម្មផ្នែក software, និង R&D ។

តាមរយៈផ្នែកទាំង៤ខាងលើនេះ Generative AI អាចដោះស្រាយបញ្ហាប្រឈមរបស់អាជីវកម្ម ការជំរុញនូវអន្តរកម្មជាមួយអតិថិជន បង្កើតយុទ្ធសាស្ត្រប្រកបដោយភាពច្នៃប្រឌិតសម្រាប់ទីផ្សារ និងការលក់ និងការសរសេរកូដកុំព្យូទ័រជាដើម។ មិនត្រឹមតែប៉ុណ្ណោះ Generative AI នឹងមានឥទ្ធិពលយ៉ាងសំខាន់ស្ទើរគ្រប់វិស័យដូចជា វិស័យធនាគារ បច្ចេកវិទ្យាកម្រិតខ្ពស់ និងវិទ្យាសាស្ត្រជីវិតគឺស្ថិតក្នុងចំណោមវិស័យដែលអាចរកចំណូលបានច្រើនបំផុតពីវា ខណៈដែលនៅទូទាំងវិស័យធនាគារ បច្ចេកវិទ្យាអាចរកចំណូលបន្ថែមចន្លោះពី ២០០ ពាន់លានដុល្លារទៅ ៣៤០ ពាន់លានដុល្លារជារៀងរាល់ឆ្នាំ ប្រសិនបើករណីប្រើប្រាស់ Generative AI ត្រូវបានអនុវត្តពេញលេញ។ នៅក្នុងផ្នែកការលក់រាយ និងទំនិញវេចខ្ចប់ប្រើប្រាស់ ចំណូលបន្ថែមចន្លោះពី ៤០០ ពាន់លានដុល្លារទៅ ៦៦០ ពាន់លានដុល្លារក្នុងមួយឆ្នាំ។​

ទន្ទឹមនឹងនេះដែរ Generative AI មានឥទ្ធិពលសម្រាប់ការផ្លាស់ប្តូរនៅក្នុងវិស័យការងារផងដែរ ដោយបន្ថែមស្វ័យប្រវត្តិកម្មមួយចំនួនដើម្បីបង្កើនសមត្ថភាពរបស់បុគ្គលិកម្នាក់ៗ និង ធ្ចើឲ្យពួកគេចំណេញពេលវេលាពី ៦០ ទៅ ៧០ភាគរយ។ គេប៉ាន់ប្រមាណថាពាក់កណ្តាលនៃសកម្មភាពការងារថ្ងៃនេះអាចដំណើរការដោយស្វ័យប្រវត្តិនៅចន្លោះឆ្នាំ២០៣០ និងឆ្នាំ២០៦០។ Generative AI អាចបង្កើនផលិតភាពការងារយ៉ាងច្រើននៅក្នុងវិស័យសេដ្ឋកិច្ច ប៉ុន្តែវានឹងត្រូវការការវិនិយោគខ្លាំងដើម្បីជួយដល់មនុស្ស នៅពេលពួកគេផ្លាស់ប្តូរសកម្មភាពការងារ។

លើសពីនេះ Generative AI នឹងជំរុញឲ្យមានកំណើនផលិតភាពការងារពី ០,១ ភាគរយទៅ ០,៦ ភាគរយជារៀងរាល់ឆ្នាំរហូតដល់ឆ្នាំ ២០៤០ អាស្រ័យលើអត្រានៃការទទួលយកបច្ចេកវិទ្យា និងការដាក់ឱ្យប្រើប្រាស់នៅក្នុងប្រតិបត្តិការផ្សេងៗ។ ទោះជាយ៉ាងណាក៏ដោយ មនុស្សត្រូវការចាំបាច់រៀនជំនាញថ្មីៗដើម្បីសម្របខ្លួនទៅនឹងការទទួលយកបច្ចេកវិទ្យា។ ប្រសិនបើការផ្លាស់ប្តូរសកម្មភាពការងាររបស់មនុស្ស និងហានិភ័យផ្សេងទៀតអាចត្រូវបានគ្រប់គ្រងត្រឹមត្រូវនោះ Generative AI នឹងរួមចំណែកយ៉ាងសំខាន់ដល់កំណើនសេដ្ឋកិច្ច និងគាំទ្រដល់និរន្តរភាពរបស់ពិភពលោកឲ្យមានការរួមបញ្ចូលកាន់តែច្រើន។

គួរបញ្ជាក់ផងដែរថា Generative AI ឬ AI ជំនាន់ថ្មី សំដៅលើកម្មវិធីឆ្លាតវៃដែលប្រើប្រាស់ machine learning ដើម្បីបង្កើតមាតិកាផ្ទាល់ខ្លួនរបស់អ្នកប្រើប្រាស់ដែលមានដូចជា ៖ អត្ថបទ រូបភាព សម្លេង Audio និង ការសំយោគទិន្នន័យ។ ម៉ូដែលនៃ Generative AI សិក្សាពីគំរូ និងរចនាសម្ព័ន្ធនៃទិន្នន័យបណ្តុះបណ្តាលដោយអនុវត្តបច្ចេកទេសនៃ machine learning ហើយបន្ទាប់មកបង្កើតទិន្នន័យថ្មីដែលមានលក្ខណៈស្រដៀងគ្នា។ ប្រព័ន្ធនៃ Generative AI ដែលគួរឱ្យកត់សម្គាល់រួមមាន ChatGPT និង BingChat ដែលជា chatbot បង្កើតឡើងដោយ OpenAI និង Bard ដែលជា chatbot បង្កើតឡើងដោយ Google រួមទាំងម៉ូដែល AI ជំនាន់ថ្មីផ្សេងទៀតដូចជា Stable Diffusion, Midjourney, និង DALL-E៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ