សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រុមហ៊ុនបច្ចេកវិទ្យាយក្សអាមេរិក Google កាលពីចុងសប្តាហ៍កន្លងមកនេះ បានធ្វើការបណ្តេញចេញនូវបុគ្គលិកជំនាញខាងបច្ចេកវិទ្យាវិស្វកម្មម្នាក់ចេញពីក្រុមហ៊ុនក្រោយបុរសរូបនេះបានធ្វើការអះអាងគួរឲ្យភ្ញាក់ផ្អើលមួយថាប្រព័ន្ធវ៉ៃឆ្លាតរបស់ Google ឬ AI (artificial intelligence) អាចប្រើប្រាស់អារម្មណ៍ និងចំណេះដឹងរបស់ខ្លួនដូចទៅនឹងមនុស្សយើងធម្មតា។
កាលពីខែមិថុនាកន្លងមក លោក Blake Lemoine បានធ្វើការប្រកាសជាសាធារណៈនូវអ្វីដែលលោកបានរកឃើញថា ភាសាប្រើប្រាស់នៃបច្ចេកវិទ្យាថ្មីមួយរបស់ក្រុមហ៊ុន Google អាចមានសមត្ថភាពក្នុងការបញ្ចេញមនោសញ្ចេតនាបានដូចទៅនឹងមនុស្សយើងធម្មតាដោយក្នុងនោះពួកវាថែមទាំងបានទាមទារចង់ឲ្យមានការគោរពពីសំណាក់អ្នកប្រើប្រាស់ផងដែរ។
ជាការឆ្លើយតប ទាំងក្រុមហ៊ុន Google និងបណ្តាអ្នកជំនាញ AI របស់ក្រុមហ៊ុនជាច្រើននាក់ទៀតបានចេញមកធ្វើការប្រកាសបដិសេធចំពោះការអះអាងរបស់លោក Lemoine ហើយកាលពីថ្ងៃសុក្រ Google បានប្រកាសផងដែរថា ក្រុមហ៊ុនបានបណ្តេញគាត់ចេញពីក្រុមហ៊ុនរួចរាល់ហើយ ខណៈដែលលោក Lemoine បានថ្លែងប្រាប់ទៅកាន់ក្រុមអ្នកសារព័ត៌មានថាគាត់នឹងស្វែងរកការដោះស្រាយតាមផ្នែកច្បាប់ជាមួយនឹងក្រុមហ៊ុន ប៉ុន្តែលោកបដិសេធមិនធ្វើការបកស្រាយអ្វីបន្ថែមនៅឡើយ។
សេចក្តីថ្លែងការណ៍របស់ Google បានបញ្ជាក់ថា ក្រុមហ៊ុនបានសហការធ្វើការងារជាមួយនឹងលោក Lemoine ជាច្រើនខែដើម្បីបញ្ជាក់ឲ្យច្បាស់ថា ភាសាបច្ចេកវិទ្យារបស់មុខងារថ្មី Google មានឈ្មោះថា Lamda នោះគឺជារឿងមិនពិត និងគ្មានមូលដ្ឋានច្បាស់លាស់ ប៉ុន្តែ ចុងក្រោយបុរសរូបនេះសម្រេចចិត្តបំពានគោលការណ៍ការងារ និងសុវត្ថិភាពនៃទិន្នន័យរបស់ក្រុមហ៊ុនទៅវិញ។
គួរឲ្យដឹងដែរថា បច្ចេកវិទ្យា Lamda គឺជាមុខងារថ្មីមួយដែលស្ថិតនៅក្រោមការអភិវឌ្ឍរបស់ Google នៅឡើយ។ វាត្រូវបានបង្កើតឡើងក្នុងគោលបំណងសំខាន់អាចប្រើប្រាស់នៅក្នុងរបៀបនៃការធ្វើការសន្ទនាគ្នាដោយមិនគិតថ្លៃ ឬ Free-Flowing Conversation ដែលក្នុងនោះមានដូចជាកម្មវិធី Chatbots ផងដែរ។
លោក Lemoine គឺជាអ្នកគ្រប់គ្រងក្រុមការងារ AI team សម្រាប់ការងារអភិវឌ្ឍ Lamda ប៉ុន្តែលោកបានបញ្ជាក់ថាក្រោយការធ្វើតេស្តជាច្រើនដងលោកបានរកឃើញថា Lamda អាចបង្ហាញពីការយល់ដឹងដោយខ្លួនឯងនូវចំពោះមុខបញ្ហាជាច្រើនបូករួមទាំងការរើសអើងសម្ដីប្រមាថ បញ្ហាសាសនា អារម្មណ៍ និងភាពភ័យខ្លាចផងដែរ ដែលវាបានធ្វើឲ្យគាត់មានការភ្ញាក់ផ្អើល ហើយបារម្ភថា Lamda អាចមានកម្រិតចេះដឹង និងអារម្មណ៍ប្រហាក់ប្រហែលទៅនឹងមនុស្សដែលក្រោយមកគាត់ក៏បានបង្ហោះជាសារសម្លេងរបស់គាត់ និងក្រុមការងារជាមួយនឹង Lamda ជាសាធារណៈផងដែរ។ ទោះបីជាយ៉ាងណាក្តី គេបានដឹងដែរថា លោក Lemoine គឺមិនមែនជាមនុស្សទី១ដែលបានបង្ហាញជាសាធារណៈអំពីបច្ចេកវិទ្យា AI ដែលអាចមានលទ្ធភាពយល់ដឹងដោយខ្លួនឯងបែបនេះនោះទេ ពោលគឺកាលពីខែមិថុនាកន្លងមកក៏មានបុគ្គលិករបស់ Google ផ្សេងទៀតធ្លាប់បានអះអាងអំពីករណីនេះផងដែរទៅកាន់ក្រុមអ្នកកាសែតរបស់ The Economist៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ឥណ្ឌាបារម្ភ ពាណិជ្ជកម្មអាម៉េរិក-ចិនធូរស្រាល អាចធ្វើឱ្យខ្លួនខាតឱកាសសេដ្ឋកិច្ច និងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 05/10/2026
ឥណ្ឌាកំពុងបារម្ភថា ការធូរស្រាលនៃភាពតានតឹងពាណិជ្ជកម្មរវាងអាម៉េរិក និងចិន អាចធ្វើឱ្យខ្លួនខាតបង់ផលប្រយោជន៍សេដ្ឋកិច្ច និងខកខានឱកាសវិនិយោគសំខាន់ៗ
គណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដាក់ចេញផែនការរៀបចំដែនដីខេត្ត-ក្រុងថ្មី នៅតាមតំបន់គោលដៅទូទាំងប្រទេស
Top News, ព្រឹត្តិការណ៍, អចលនទ្រព្យ
• 05/10/2026
(ភ្នំពេញ)៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បានដាក់ចេញផែនការរៀបចំដែនដីខេត្ត-ក្រុងថ្មី ដើម្បីធានាលើការគ្រប់គ្រងការប្រើប្រាស់ដីធ្លីនៅតាមតំបន់គោលដៅទូទាំងប្រទេស និងណែនាំឱ្យគ្រប់ស្ថាប័នពាក់ព័ន្ធ បន្តពង្រឹងការរៀបចំផែនការយុទ្ធសាស្ត្រអភិវឌ្ឍន៍សេដ្ឋកិច្ច និងការដោះស្រាយបញ្ហាប្រឈមនានា រួមទាំងរំលេចអំពីវិស័យកសិឧស្សាហកម្មជាឆ្អឹងខ្នងដ៏សំខាន់ក្នុងការជំរុញកំណើនសេដ្ឋកិច្ច ។ ថ្លែងក្នុងកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដែលបានធ្វើឡើងនៅទីស្ដីការក្រសួង នារសៀលថ្ងៃទី ២ ខែតុលា ឆ្នាំ ២០២៦ ឯកឧត្តម
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content