សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កន្លងមកកម្ពុជាតែងមានមហិច្ឆិតាចង់បង្កើនព្រលានយន្ដហោះខ្នាតអន្តរជាតិ និងក្នុងស្រុក ខណៈដែលព្រលានយន្តហោះចំនួន៣បានពង្រីកលទ្ធភាពទៅជាព្រលានអន្តរជាតិ ដែលអាចអនុញ្ញាតឱ្យប្រភេទយន្ដហោះប៊ូអ៊ីងចុះចតបាន។
បច្ចុប្បន្ន កម្ពុជាមានព្រលានយន្ដហោះអន្តរជាតិចំនួន៣គឺ ព្រលានយន្ដហោះអន្តរជាតិសៀមរាប ព្រលានយន្ដហោះអន្តរជាតិខេត្តព្រះសីហនុ និងព្រលានយន្ដហោះអន្តរជាតិភ្នំពេញ ខណៈដែលព្រលានយន្ដហោះអន្តរជាតិភ្នំពេញថ្មី (អាកាសយានដ្ឋានតេជោ) កំពុងស្ថិតក្នុងការសាងសង់ ដោយគ្រោងនឹងដាក់ឱ្យដំណើរការនៅឆ្នាំ២០២៥។
ជាមួយនឹងវត្តមានថ្មីនៃព្រលានយន្ដហោះអន្តរជាតិ និងការពង្រីកសមត្ថភាពព្រលានចាស់ដែលមានស្រាប់នោះ រាជរដ្ឋាភិបាលកម្ពុជាក៏មានផែនការបង្កើតព្រលានយន្ដហោះក្នុងស្រុកថ្មីនៅតាមបណ្តាខេត្តមានសក្ដានុពលបន្ថែមទៀតផងដែរ។
ផែនការទាំងអស់នេះដើម្បីសម្រួលដល់ការធ្វើដំណើរ ដឹកជញ្ជូនតាមផ្លូវអាកាស និងបង្កើនភាពទាក់ទាញភ្ញៀវទេសចរជាតិ-អន្តរជាតិ នៅតាមតំបន់ទេសចរណ៍នានានៅទូទាំងប្រទេស។ និយាយជារួមគឺជំរុញកំណើនសេដ្ឋកិច្ចជាតិឱ្យកាន់តែរីកចម្រើនឡើង។
ទាក់ទិននឹងចំណុចនេះ ឯកឧត្តម បណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា បានបង្ហាញការយល់ឃើញថា កម្ពុជាគួរតែដល់ពេលហើយ ក្នុងការពង្រឹងសមត្ថភាព លើវិស័យដឹកជញ្ជូនផ្លូវអាកាស។
ឯកឧត្តម បណ្ឌិតបន្តថា៖
«ត្រឹមតែវត្តមានព្រលានយន្ដហោះជាតិ និងអន្តរជាតិដែលកំពុងដំណើរការបច្ចុប្បន្នទាំង៣ទីតាំងនេះ រួមជាមួយគម្រោងតាមបណ្ដាខេត្តដែលមានសក្ដានុពលប្រមាណជា៣ទៀតនោះ ហាក់មិនទាន់លើសពីតម្រូវការនោះទេ ដោយហេតុថា ព្រលានយន្ដហោះខ្នាតជាតិ និងអន្តរជាតិ មានភាពសំខាន់បំផុតក្នុងការលើកកម្ពស់ និងជំរុញសេដ្ឋកិច្ច តាមរយៈការសម្រួលដល់ការដឹកជញ្ជូន និងធ្វើដំណើរ។»
ទោះជាយ៉ាងណាក៏ដោយ ឯកឧត្តម បានបញ្ជាក់ថា តំបន់ដែលត្រូវសាងសង់ព្រលានយន្ដហោះ មិនគួរនៅក្បែរគ្នានោះទេ។ ជាក់ស្ដែង បើមានព្រលានយន្ដហោះខ្នាតអន្តរជាតិនៅខេត្តសៀមរាប មិនគួរសាងសង់បន្ថែមនៅខេត្តបាត់ដំបងនោះទេ។
ដោយឡែក ព្រលានយន្ដហោះអន្តជាតិសៀមរាបអង្គរដែលបានសម្ពោធដាក់ឱ្យដំណើរការក្នុងជំហានដំបូងកាលពីថ្ងៃទី ១៦ ខែវិច្ឆិកា ២០២៣ ក៏ទទួលបានជើងហោះហើរត្រង់ពីប្រទេសអូស្ត្រាលីជាមួយនឹងវត្តមានយន្តហោះខ្នាតធំប៊ូអ៊ីងផងដែរ។
តាមរយៈការហោះហើរត្រង់ជាលើកដំបូងនេះដែរ លោក ហ៊ីន ចិន្តា ដែលជាមគ្គុទេសក៍ទេសចរណ៍ នៅខេត្តសៀមរាបបានឱ្យដឹងថា វាជាផលចំណេញសម្រាប់សេដ្ឋកិច្ចកម្ពុជា ប្រសិនបើយើងអាចទាក់ទាញជើងហោះហើរត្រង់នេះបន្ថែមទៀត។ ចំណេញក៏ព្រោះថា ការហោះហើរដោយត្រង់បែបនេះ អ្នកទេសចរនឹងចាយវាយតែក្នុងប្រទេសកម្ពុជាតែមួយ ពោលគឺចរន្ដប្រាក់របស់ពួកគេនឹងចាក់ចូលក្នុងសេដ្ឋកិច្ចកម្ពុជាតែម្ដង។
បន្ថែមពីលើអាកាសយានដ្ឋានសៀមរាប-អង្គដែលបានដាក់ដំណើរការក្នុងជំហានដំបូងនាពេលបច្ចុប្បន្ននេះ កម្ពុជាបាន និងកំពុងសាងសង់អាកាសយានដ្ឋានចំនួន២ទៀត គឺអាការយានដ្ឋានភ្នំពេញថ្មី (អាកាសុានដ្ឋានអន្តរជាតិតេជោ) ដែលស្ថិតក្នុងខេត្តកណ្តាល និងអាកាសយានដ្ឋានតារាសាគរ ស្ថិតនៅក្នុងខេត្តកោះកុង ជាមួយនឹងគម្រោងសាងសង់អាកាសយានដ្ឋានខេត្តមណ្ឌលគីរី និងគម្រោងសាងសង់អាកាសយានដ្ឋានក្នុងស្រុកកោះរ៉ុង ដែលស្ថិតនៅក្នុងខេត្តព្រះសីហនុ។ បន្ថែមពីនេះ ក៏មានគម្រោងធ្វើឱ្យប្រសើរឡើងវិញនូវអាកាសយានដ្ឋានដែលមានស្រាប់ស្ថិតនៅក្នុងខេត្តបាត់ដំបងផងដែរ៕
Account
Security
Favourite Content