សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កាលពីថ្ងៃព្រហស្បតិ៍ទី២៨ ខែកញ្ញា កោះតៃវ៉ាន់បានដាក់សំញ៉ែងបង្អូតនូវនាវាមុជទឹកដំបូងបង្អស់របស់ខ្លួនដែលផលិតក្នុងស្រុកមានឈ្មោះថា Haikun ដោយសង្ឃឹមជឿជាក់ថាវាគឺជារបាំងការពារដ៏រឹងម៉ាំឈរជើងនៅដែនសមុទ្រជាមួយនឹងរដ្ឋាភិបាលក្រុងប៉េកាំង។
ព្រឹត្តិការណ៍ដាក់តាំងបង្ហាញជាផ្លូវការដែលបានធ្វើឡើងនៅព្រឹកថ្ងៃដដែលនេះត្រូវបានអញ្ជើញចូលរួមពីសំណាក់លោកស្រីប្រធានាធិបតីកោះតៃវ៉ាន់ Tsai Ing wen នាទីក្រុងផែសមុទ្រ Kaohsiung។
សកម្មភាពយោធារបស់កោះតៃវ៉ាន់មួយរយៈនេះមានការកើនឡើងគួរឲ្យចាប់អារម្មណ៍ រួមទាំងការផ្គត់ផ្គង់អាវុធមួយចំនួនពីរដ្ឋាភិបាលក្រុងវ៉ាស៊ិនតោនផង ហើយដែលគេសង្កេតឃើញថាបានធ្វើឡើងជាពិសេសនៅក្រោយដែលមានក្រុមមន្ត្រីរបស់អាមេរិកជាច្រើនបានព្រមានថា រដ្ឋាភិបាលក្រុងប៉េកាំងអាចនឹងកំពុងរៀបចំផែនការលុកលុយលើកោះតៃវ៉ាន់យ៉ាងយូរបំផុតក្នុងរវាងប៉ុន្មានឆ្នាំខាងមុខប៉ុណ្ណោះ។
ទោះបីជាយ៉ាងណាក្តី ក្រៅពីនោះគេបានដឹងដែរថា មានអ្នកសង្កេតការណ៍ជាច្រើននៅតែជឿជាក់ថា ចិននឹងមិនសម្រេចចិត្តវាយប្រហារទៅលើកោះនេះភ្លាមៗទេ ហើយទីក្រុងប៉េកាំងផ្ទាល់ទៀតសោតក៏បានអះអាងហើយដែរថា រដ្ឋាភិបាលរបស់ខ្លួននឹងនៅតែបន្តស្វែងរកការបង្រួបបង្រួមដោយសន្តិវិធីជាមួយកោះតៃវ៉ាន់ដដែល។
គួរឲ្យដឹងដែរថា នាវាមុជទឹកដែលដើរដោយថាមពលម៉ាស៊ូត និងអគ្គិសនីដែលមានតម្លៃដល់ទៅ ១,៥៤ពាន់លានដុល្លារមួយនេះនឹងត្រូវបន្តក្នុងដំណើរការសាកល្បងច្រើនដងបន្ថែមទៀតមុនពេលដែលនឹងអាចដាក់ឲ្យចូលរួមក្នុងប្រតិបត្តិការយោធាជាផ្លូវការជាមួយនឹងកងទ័ពជើងទឹកនៅត្រឹមឆ្នាំ២០២៤ខាងមុខ។
បច្ចុប្បន្ន សង្វាក់ផលិតកម្មនៅតែបន្តធ្វើនៅឡើយជាមួយនឹងនាវាប្រភេទ Haikun មួយគ្រឿងទៀតដែលជាផ្នែកមួយនៃផែនការក្នុងការប្រតិបត្តិការនាវាមុជទឹកសរុបឲ្យបានចំនួន១០គ្រឿងនៅក្នុងជួរទ័ពជើងទឺករបស់ខ្លួនដែលក្នុងនោះក៏មាននាវាមុជវ័យចំណាស់ចំនួន២ផលិតនៅក្នុងប្រទេសហូឡង់ផងដែរដែលកំពុងបន្តប្រើប្រាស់នៅឡើយ៕
Account
Security
Favourite Content