សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បច្ចុប្បន្ន ប្រទេសឥណ្ឌាត្រូវបានគេទទួលស្គាល់ថាជាប្រទេសដែលបានបញ្ចេញឧស្ម័នកាបូនិកច្រើនជាងគេបំផុតទី៣របស់ពិភពលោកបន្ទាប់ពីចិន និងសហរដ្ឋអាមេរិក។ ទោះជាយ៉ាងណាក្តីរដ្ឋាភិបាលទីក្រុងញូវដេលី នៃប្រទេសឥណ្ឌា ក៏បានទទួលស្គាល់ការពិតនេះដែរ ហើយក៏កំពុងព្យាយាមធ្វើការងារយ់ាងសកម្មភាពដើម្បីឆ្លើយតបទៅនឹងបញ្ហានេះ។ ពោល គឺនៅត្រឹមឆ្នាំ២០៣០ខាងមុខនេះ ឥណ្ឌាបានដាក់ការប្តេជ្ញាចិត្តថា នឹងផលិតឲ្យបាននូវថាមពលស្អាតទ្វេដងដើម្បីចូលរួមកាត់បន្ថយការប្រើប្រាស់ថាមពលដែលអាចបង្កផលប៉ះពាល់ដល់បរិស្ថានធម្មជាតិ។
ជាលទ្ធផលនៃការខិតខំនេះ នៅក្នុងសប្តាហ៍នេះ ប្រទេសឥណ្ឌា បានប្រកាសពីការទទួលបានគម្រោងជំនួយហិរញ្ញវត្ថុ ពីស្ថាប័នផ្ដល់កម្ចីមិនរកប្រាក់ចំណេញសរុបដល់ទៅដល់ ៣៨៦ពាន់លានដុល្លារ ដើម្បីធ្វើការវិនិយោគទៅលើគម្រោងដែលស្ថិតក្នុងមហិច្ឆតារបស់ខ្លួន ពោល គឺការអភិវឌ្ឍថាមពលស្អាតមិនប៉ះពាល់ដល់បរិស្ថានឱ្យបានទំហំទ្វេរដងនៅត្រឹមឆ្នាំ២០៣០ជាកំហិត។
ផ្អែកតាមផែនការមេ ឥណ្ឌា មានបំណងចង់ផលិតឲ្យបានថាមពលស្អាតដល់ទៅ ៥០០ជីហ្គាវ៉ាត់នៅត្រឹមដំណាច់ទសវត្សរ៍នេះ ឬមានន័យថា ពួកគេត្រូវតែបង្កើនថាមពលថ្មីបន្ថែមប្រមាណជា ៤៤ជីហ្គាវ៉ាត់ជារៀងរាល់ឆ្នាំរហូតទៅដល់ឆ្នាំ២០៣០ ឬស្មើទៅនឹង ៥ដងនៃទំហំជាមធ្យមដែលឥណ្ឌាអាចធ្វើបានកាលពី៥ឆ្នាំមុន។
កំណើននៃតម្រូវការអគ្គិសនីដែលកំពុងកើនឡើងយ៉ាងឆាប់រហ័សរបស់ប្រទេសឥណ្ឌា គឺជាកត្តាមួយដែលបាន និងបន្តទាក់ទាញចិត្តក្រុមអ្នកវិនិយោគយ៉ាងច្រើន ប៉ុន្តែទោះជាបែបនេះក្តី គេបានសង្កេតឃើញថា ការរាំងស្ទះនៃការបញ្ជូនថាមពល ការពន្យារពេលដំណើរការទិញដីអភិវឌ្ឍ និងប្រព័ន្ធចែកចាយដែលគ្រប់គ្រងមិនត្រឹមត្រូវក៏កំពុងបង្កជាបញ្ហា និងសំពាធទៅលើកំណើនឧស្សាហកម្មនេះផងដែរ។
ក្នុងនាមជាប្រទេសដែលកំពុងប្រើប្រាស់ថាមពលស្អាតច្រើនជាងគេបំផុតទី៣របស់ពិភពលោកនោះ ប្រទេសឥណ្ឌា ក៏កំពុងឈរនៅលេខរៀងទី៤ ក្នុងនាមជាប្រទេសដែលបានផលិតថាមពលកកើតឡើងវិញធំជាងគេបំផុតលេខ៤ ទៅលើថាមពលអ៊ីដ្រូសែន និងលេខ៤ ចំពោះថាមពលខ្យល់ ហើយលេខ៥ ចំពោះថាមពលព្រះអាទិត្យ៕
Account
Security
Favourite Content