សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បណ្តាប្រទេសដែលស្ថិតនៅព័ទ្ធជុំវិញ និងក្បែរខាងកម្ពុជា រួមមាន ប្រទេសថៃ, ឡាវ, វៀតណាម, ហ្វីលីពីន និងប្រទេសមីយ៉ាន់ម៉ា បាន និងកំពុងបន្ត រងគ្រោះដោយសារព្យុះ Yagi បណ្តាលឱ្យមានចំនួនអ្នកស្លាប់សរុបច្រើនជាង៦០០នាក់ ខណៈដែលប្រទេសវៀតណាមបានរងគ្រោះសេដ្ឋកិច្ចធ្ងន់ធ្ងរជាងគេ ស្មើនឹងទំហំប្រមាណ ១,៦ពាន់លានដុល្លារអាម៉េរិក។
យោងតាមទិន្នន័យដែលចេញផ្សាយដោយកាសែត AP កាលពីថ្ងៃអង្គារសប្តាហ៍នេះបានបញ្ជាក់ថា ព្យុះ Yagi ដ៏កាចសាហាវមួយនេះបានបន្តវាយប្រហារមកលើបណ្តាប្រទេសក្នុងតំបន់អាស៊ានដែលរួមមានទាំង ថៃ, វៀតណាម, ឡាវ, មីយ៉ាន់ម៉ា និងហ្វីលីពីនផងដែរ។ ឥទ្ធិពលនៃអំណាចព្យុះ Yagi ក្រៅពីបានបំផ្លាញហេដ្ឋារចនាសម្ព័ន្ធនានា រួមមានដូចជា ស្ពាន ផ្លូវថ្នល់ សំណងអគារពាណិជ្ជកម្ម លំនៅដ្ឋានរបស់ប្រជាពលរដ្ឋជាច្រើនខ្នង ថែមទាំងបណ្តាលឱ្យមនុស្សច្រើនជាង ៦០០នាក់បាត់បង់ជីវិត។ ចំពោះប្រទេសវៀតណាម ចំនួនអ្នកស្លាប់កើនឡើងដល់៣៥០នាក់, ប្រទេសមីយ៉ាន់ម៉ា ស្លាប់ចំនួន ២២៦នាក់, ប្រទេសថៃ ចំនួន ៤២នាក់, ប្រទេសហ្វីលីពីន ចំនួន ២១នាក់ និងប្រទេសឡាវ ចំនួន ៤នាក់ ខណៈដែលមានអ្នកបាត់ខ្លួនជាចំនួនច្រើនដែលកំពុងស្វែងរក។
ដោយឡែក គិតត្រឹមប្រទេសមីយ៉ាន់ម៉ាប៉ុណ្ណោះ មានពលរដ្ឋជាង៦០ម៉ឺននាក់កំពុងរងគ្រោះដោយផ្ទាល់ ហើយប្រមាណជាង ៣,៤លាននាក់ទៀតត្រូវបានជម្លៀសខ្លួនចេញទីកន្លែងរស់នៅ ខណៈដែលនៅវៀតណាម មាន ៥ម៉ឺននាក់ត្រូវបានជម្លៀសខ្លួនរកទីទួលសុវត្ថិភាព។
រដ្ឋមន្ត្រីក្រសួងកិច្ចការងារផែនការ និងវិនិយោគរបស់វៀតណាម លោក Nguyen Chi Dung បានអះអាងថា ទិន្នន័យដំបូងដែលជាទំហំខាតបង់របស់វៀតណាម សម្រាប់សេដ្ឋកិច្ចនោះមានរហូតទៅដល់ ៤០ទ្រីលានដុង ឬប្រមាណជា ១,៦ពាន់លានដុល្លាររួចទៅហើយ។ លោកបានបន្តថា កត្តានេះវានឹងធ្វើឲ្យអត្រាផលិតផលក្នុងស្រុកសរុបរបស់វៀតណាម ឬ GDP អាចធ្លាក់ចុះប្រមាណជា ០,៣៥ភាគរយក្នុងដំណាក់កាលនេះ ហើយប្រមាណ ០,២២ភាគរយសម្រាប់២ត្រីមាសខាងមុខ និងប្រមាណជា ០,១៥ភាគរយសម្រាប់ឆ្នាំ២០២៤នេះ៕
Account
Security
Favourite Content