សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្មីៗនេះ រដ្ឋាភិបាលទីក្រុងញូវដេលីបានឈានទៅដល់ការសម្រេចចិត្តក្នុងការបញ្ជាទិញយន្តហោះចម្បាំងផលិតនៅក្នុងប្រទេសបារាំងប្រភេទ Rafale យ៉ាងហោចណាស់២៦គ្រឿងជាមួយនឹងទំហំទឹកប្រាក់ប្រមាណជា៦៣០ពាន់រូពី ឬប្រហែលជា ៧ពាន់លានដុល្លារ។
ប្រភពពីមន្ត្រីរដ្ឋាភិបាលឥណ្ឌា ដែលសុំមិនបញ្ចេញឈ្មោះបានប្រាប់ Defense News ថា ខ្ទង់ចំណាយយោធាលើកនេះធ្វើឡើងក្នុងគោលបំណងរារាំងទៅដល់ការគំរាមកំហែងរបស់មហាយក្សចិន ដែលថ្មីៗនេះបាន និងកំពុងបង្កើនសកម្មភាពយោធារបស់ខ្លួននៅតាមតំបន់ឈូងសមុទ្រឥណ្ឌា។
តាមផែនការ កិច្ចព្រមព្រៀងទិញ-លក់យន្ដហោះចម្បាំងនេះនឹងអាចរៀបចំពិធីចុះហត្ថលេខាជាផ្លូវការនៅក្នុងរយៈពេលប៉ុន្មានសប្តាហ៍ខាងមុខនេះ ដែលក្នងនោះគេនឹងឃើញមានយន្តហោះ Rafale ប្រភេទកៅអីទោលចំនួន២២គ្រឿង និងប្រភេទកៅអីភ្លោះចំនួន៤គ្រឿង។ នៅមុនពេលដែលពិធីចុះហត្ថលេខាផ្លុវការដំណើរការ ឥណ្ឌាក៏នឹងត្រូវទទួលស្វាគមន៍វត្តមានរបស់រដ្ឋមន្ត្រីក្រសួងការពារជាតិបារាំងផងដែរ។
គួរឲ្យដឹងដែរថា ការបញ្ជាទិញដ៏មានតម្លៃនេះគ្រាន់តែជាផ្នែកមួយប៉ុណ្ណោះនៃផែនការក្នុងការធ្វើទំនើបកម្មវិស័យការពារជាតិរបស់ប្រទេសនៅអាស៊ីមួយនេះ ពីព្រោះថាកន្លងមករដ្ឋាភិបាលទីក្រុងញូវដេលីបានបន្តប្រើប្រាស់សព្វាវុធចាស់ៗដែលសេសសល់ពីសម័យសម័យសូវៀតប៉ុណ្ណោះ។ ប៉ុន្មានឆ្នាំចុងក្រោយនេះ ឥណ្ឌាបានក្លាយទៅជាប្រទេសដែលបញ្ជាទិញសព្វាវុធច្រើនជាងគេបំផុតរបស់ពិភពលោក។ ក្រៅពីនោះឥណ្ឌាក៏មានគោលបំណងសំខាន់ផ្សេងទៀតគឺដើម្បីរារាំងឥទ្ធិពលយោធាចិននៅតាមឈូងសមុទ្រឥណ្ឌាផងដែរ ខណៈដែលក្នុងរយៈពេលមួយទសវត្សរ៍ចុងក្រោយនេះ កងទ័ពជើងទឹកចិនបានដាក់ពង្រាយកាន់តែច្រើននៅទីនេះ ប៉ុន្តែរដ្ឋាភិបាលក្រុងប៉េកាំងតែងតែអះអាងថា ភាគច្រើនគឺសុទ្ធតែជាបេសកកម្មស្រាវជ្រាវវិទ្យាសាស្ត្រនៅបាតសមុទ្រប៉ុណ្ណោះ។
គួររំលឹកដែរថា កាលពីឆ្នាំ២០១៧ កម្លាំងកងទ័ពចិនបានកសាងមូលដ្ឋានទ័ពរបស់ខ្លួនមួយកន្លែងនៅក្នុងប្រទេស Djibouti ដែលស្ថិតនៅក្នុងតំបន់ភាគខាងលិចនៃឈូងសមុទ្រឥណ្ឌា៕
Account
Security
Favourite Content