សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ តាមការឱ្យដឹងពីយោធានៃប្រទេសជប៉ុនកាលពីថ្ងៃអង្គារដើមសប្តាហ៍នេះបានឱ្យដឹងថា ខ្លួនបាញ់សាកល្បងមីស៊ីលចម្ងាយជិតមួយប្រភេទដែលផលិតឡើងនៅក្នុងស្រុក នាដែនទឹករបស់ខ្លួនជាលើកដំបូង។ ការបាញ់សាកល្បងនេះ ត្រូវបានគេមើលឃើញថា ត្រូវបានធ្វើឡើងក្នុងគោលបំណងចង់ដឹងពីប្រសិទ្ធភាព និងឥទ្ធិពលក្នុងការទប់ទល់នឹងសកម្មភាពយោធាទ្រង់ទ្រាយណាមួយរបស់មហាយក្សចិនដែលអាចកើតមាននៅក្នុងតំបន់។
មីស៊ីលចំងាយជិតមួយនេះមានឈ្មោះថា Type 88 ជាប្រភេទមីស៊ីលបាញ់ចេញពីដែនគោកដើម្បីវាយប្រហារនាវាចម្បាំងគ្រប់ប្រភេទបាន ហើយប្រសិទ្ធភាពរបស់វាត្រូវបានបង្ហាញក្រោយការធ្វើតេស្តសាកល្បងដោយជោគជ័យនៅលើទីតាំងមួយកន្លែងដែលបានរៀបចំនៅក្បែរដែនកោះហុកៃដូភាគខាងជើងនៃប្រទេស។ នៅក្នុងការបាញ់សាកល្បងនេះ ត្រូវបានគេរៀបចំទូកមួយដែលគ្មានមនុស្សនៅចម្ងាយប្រមាណជា៤០គីឡូម៉ែត្រ ដែលតំណាងជាគោលដៅកំណត់វាយប្រហារ ហើយជាលទ្ធផលគឺពិតជាដូចទៅនឹងការរំពឹងទុកជាមួយនឹងប្រសិទ្ធភាពបំផុត។
សូមរំលឹកថា ជប៉ុន តែងតែបង្ហាញពីក្តីបារម្ភអំពីបញ្ហាសន្តិសុខរបស់ខ្លួននៅជុំវិញជម្លោះ និងការទាមទារដែនកោះជាមួយនឹងប្រទេសចិន ប៉ុន្តែប្រទេសជប៉ុនតាំងតែពីចប់សង្គ្រាមលោកទី២មក មានសិទ្ធិត្រឹមតែអាចពង្រឹងវិស័យការពារជាតិក្នុងលក្ខខណ្ឌសម្រាប់ការការពារខ្លួនប៉ុណ្ណោះ។ ដោយឡែក កាលពីឆ្នាំ២០២២ គោលនយោបាយថ្មីស្រឡាងមួយត្រូវបានផ្លាស់ប្តូរក្រោយពេលដែលមានការប្រកាសថាចិនគឺជាបញ្ហាប្រឈមធំបំផុតសម្រាប់សន្តិសុខជាតិ និងបានប្រកាសអំពីផែនការជាយុទ្ធសាស្ត្ររយៈពេល៥ឆ្នាំដើម្បីពង្រឹងសមត្ថភាពការពារជាតិយ៉ាងខ្លាំងក្លាមួយក្រោមការគាំទ្រជាសម្ព័ន្ធភាពជាមួយនឹងអាម៉េរិក។
គួរឲ្យដឹងដែរថា Type 88 ជាប្រភេទមីស៊ីលចំងាយជិត ដែលអាចវាយប្រហារគោលដៅត្រឹមចំងាយ១០០គីឡូម៉ែត្រ ខណៈដែល Type 12 ជាម៉ូដេលក្រោយ មានសមត្ថភាពអាចវាយប្រហារដល់១០ដង ឬស្មើទៅនឹង១០០០គីឡូម៉ែត្រ៕
Account
Security
Favourite Content