សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នយោបាយអាមេរិកមួយរយៈចុងក្រោយនេះមានបញ្ហារង្គោះរង្គើគួរឲ្យចង់តាមដានបំផុត ខណៈដែលការបោះឆ្នោតសកលកាន់តែខិតចូលមកដល់ទៅហើយសម្រាប់ការជ្រើសរើសប្រធានាធិបតីទី៤៧ របស់ខ្លួន។
ចាប់រាប់ពីព្រឹត្តិការណ៍បាញ់ប្រហារ លោក Donald Trump មកពីបក្សសាធារណៈកាលពីសប្តាហ៍មុន និងក្រោយការប្រកាសទាំងគួរឲ្យភ្ញាក់ផ្អើលដោយលោកប្រធានាធិបតី Joe Biden បក្សប្រជាធិបតេយ្យ បានប្រគល់បេក្ខភាពប្រជែងប្រធានាធិបតីទៅឲ្យលោកស្រី Kalama Harris ដែលជាអនុប្រធានាធិបតីទី៤៩ ។
លោកស្រី Kalama ចាប់ផ្តើមផ្ទុះការចាប់អារម្មណ៍ដំបូងតាំងតែពីពេលដែលលោកស្រីបានឡើងកាន់តំណែងនេះកាលពីឆ្នាំ២០២១។ មិនត្រឹមតែជាស្ត្រីដែលកាន់តំណែងជាអនុប្រធានាធិបតីទី១ក្នុងប្រវត្តិសាស្ត្រអាមេរិកប៉ុណ្ណោះទេ លោកស្រីក៏ជាស្ត្រីកូនកាត់អាមេរិកអាហ្វ្រិក និងអាមេរិកកាត់អាស៊ី(ឥណ្ឌា)ទី១ក្នុងប្រវត្តិសាស្ត្រអាមេរិកផងដែរ។
ចាប់អាជីពដំបូងឡើយក្រោយបញ្ចប់ការសិក្សានៅ Howard University និង University of California Hasting Collegue of the Law ក្នុងនាមជាមេធាវី និងបានបន្សល់ស្នាដៃជាច្រើនរហូតដល់ឆ្នាំ២០១៧ ទើបលោកស្រីបានឡើងតំណែងជាសមាជិកសភាអាមេរិកលើកដំបូង។ បន្តធ្វើការងារជាសមាជិកសភាដល់ឆ្នាំ២០២១ លោកស្រីត្រូវបានទទួលបានទំនុកចិត្តយ៉ាងខ្លាំងពីសមាជិកបក្ស និងប្រធានាធិបតី លោក Barak Obama ព្រមទាំងលោក Joe Biden ផងដែរ ដោយឲ្យទទួលបានការងារថ្មីជាអនុប្រធានាធិបតីរបស់អាមេរិក។
មានឪពុកជាជនជាតិអាមេរិកស្បែកខ្មៅ លោកស្រី Kalama មានម្តាយជាជនជាតិឥណ្ឌា ដែលមានឈ្មោះថា Shyamala Gopalan ។ ម្តាយរបស់លោកស្រីបានធ្វើដំណើរពីឥណ្ឌាក្នុងពេលដែលមានវ័យ១៩ឆ្នាំមកកាន់ទឹកដីអាមេរិកដើម្បីធ្វើការសិក្សារៀនសូត្រ រហូតបានទទួលសញ្ញាបត្របណ្ឌិតនៅឆ្នាំ១៩៦៤ ក្នុងគ្រាដែលលោកស្រី Kalama ទើបនឹងចាប់កំណើត ខណៈដែលឪពុកដែលមានឈ្មោះថា Donald J. Harris ក៏ជាបណ្ឌិតផ្នែកសេដ្ឋកិច្ចនៅក្នុងឆ្នាំ១៩៦៦ផងដែរ។
បច្ចុប្បន្ន លោកស្រី Kalama Harris មានវ័យ៥៩ឆ្នាំ កើតនៅថ្ងៃទី២០ ខែតុលា ឆ្នាំ១៩៦៤ បានក្លាយទៅជាបេក្ខភាពដ៏មានសក្តានុពលបំផុតរបស់បក្សប្រជាធិបតេយ្យក្នុងការប្រកួតប្រជែងតំណែងប្រធានាធីបតីអាណត្តិថ្មីជាមួយនឹងលោក Donald Trump ដែលកំពុងតែទទួលបានការគាំទ្រយ៉ាងខ្លាំងពីសំណាក់ពលរដ្ឋអាមេរិក៕
Account
Security
Favourite Content