សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្លាស្ទិកគឺជាកង្វល់ដ៏ចម្បងមួយចំពោះបញ្ហាបរិស្ថានដែលគេកំពុងយកចិត្តទុកដាក់កាត់បន្ថយ ដោយកែច្នៃរបស់របរប្រើប្រាស់ផ្សេងៗពីវត្ថុធាតុដើមធម្មជាតិ ដើម្បីធ្វើយ៉ាងណាកាត់បន្ថយការប្រើប្រាស់ប្លាស្ទិកក្នុងកម្រិតមួយតិចបំផុត។ ក្នុងនោះ ក៏មានអាជីវកម្មលក់កែវទឹកប្រភេទថ្មីមួយ ត្រូវបានបង្កើតឡើងដោយគិតគូរពីបញ្ហាបរិស្ថានជាចម្បង។
គង់វង្ស ជាយីហោអាជីវកម្មអនឡាញថ្មីមួយ ដែលមានផ្គត់ផ្គង់នូវកែវទឹក និងទុយោធ្វើពីស្រូវសាលី និងដំបាល់បន្ទន់សម្ងួត ដែលសុទ្ធសឹងជាផលិតផលផលិតពីគ្រឿងផ្សំធម្មជាតិ កាត់បន្ថយប្លាស្ទិក ងាយស្រួលប្រើ និងអាចប្រើប្រាស់បានច្រើនដងថែមទៀតផង។
លោក សាម ហេងសុភាវណ្ណ ជាស្ថាបនិក គង់វង្ស បានមានប្រសាសន៍ថា ៖
“គង់វង្សជាអាជីវកម្មមួយ ដែលយើងបង្កើតឡើងក្នុងគោលដៅកាត់បន្ថយប្លាស្ទិកនៅក្នុងសង្គម ដោយសារតែយើងមានគោលគំនិតស្រឡាញ់បរិស្ថាន និងស្រាវជ្រាវបង្កើតនូវផលិតផលណា ដែលអាចកាត់បន្ថយការប្រើប្រាស់ប្លាស្ទិកក៏ដូចជាជំរុញឱ្យបងប្អូនយើងគិតគូរពីបរិស្ថានផងដែរ”
បច្ចុប្បន្នផលិតផលដែល គង់វង្ស ផ្គត់ផ្គង់រួមមាន ដុំបាល់បន្ទន់សម្ងួតដែលជាផលិតផលអាចប្រើប្រាស់ជំនួសនូវទឹកបន្ទន់សម្លៀកបំពាក់ធម្មតា ហើយផលិតផលដែលទើបនឹងចេញថ្មីៗនេះគឺ កែវ និងទុយោស្រូវសាឡី ដែលមានការគាំទ្រខ្លាំងពីសំណាក់អតិថិជនមានវ័យចាប់ពី ២០ ឆ្នាំឡើងទៅ។
លោកបានបន្តថា កែវ និងទុយោស្រូវសាឡីនេះមានលក្ខណៈពិសេសដូចជា ផលិតពីវត្ថុធាតុដើមធម្មជាតិ រឹងមាំអាចប្រើបានច្រើនដង ងាយស្រួលលាងជាងកែវធម្មតា ដោយសារវារលោង ពិសេសគឺធុំក្លិនស្រូវសាឡីថែមទៀតផង។ ក្រៅពីនេះ កែវ និងទុយោស្រូវសាឡី មានរូបរាងស្អាតគួរឱ្យទាក់ទាញ និងអាចរក្សាកម្ដៅរហូតដល់ ១០០ អង្សាសេ ដែលយើងអាចដាក់ភេសជ្ជៈបាន មិនថាក្ដៅ ឬត្រជាក់បានដោយឥតកង្វល់ឡើយ។
ដោយឡែក ចំណុចសំខាន់ក្នុងការបង្កើតអាជីវកម្មនេះ គឺអ្វីដែលអាជីវកម្មនេះតម្រង់ទិសទៅរក ពោលគឺការកាត់បន្ថយការប្រើប្រាស់ប្លាស្ទិកតាមរយៈការបង្កើតនូវផលិតផលថ្មី ស្អាត មានគុណភាព តម្លៃសមរម្យ ដែលអាចទាក់ទាញមនុស្សឱ្យប្រើប្រាស់ និងចូលរួមគាំទ្រអាជីវកម្មបែប Eco-Friendly ផងដែរ ។ មួយវិញទៀតគឺ ការស្រាវជ្រាវទៅលើវត្ថុធាតុដើម ផលិតផល ការរចនា គឺត្រូវការរៀបចំ និងគិតគូរទើបអាចសម្រេចនូវលទ្ធផលដែលយើងរំពឹងទុក។ នេះជាអ្វីដែលយុវជនខាងលើបានលើកឡើង។
គួរបញ្ជាក់ដែរថា គង់វង្ស ត្រូវបានបង្កើតឡើងនៅដើមឆ្នាំ ២០២១ ដោយលោកផ្ទាល់ និងដៃគូម្នាក់ទៀត ក្នុងដើមទុនប្រមាណ ៦០០ ដុល្លារដែលជាចំនួនមួយតិចតួច បើធៀបទៅនឹងអាជីវកម្មដទៃ តែវាជាច្រើនគួរសមសម្រាប់យុវជនមួយក្រុមក្នុងការបង្កើតអាជីវកម្មថ្មីមួយ ដែលជំរុញឱ្យមនុស្សគិតគូរពីបរិស្ថាន។
ចំពោះកត្តាប្រឈម យុវជនខាងលើបន្ថែមថា បច្ចុប្បន្នយើងចង់នាំយកនូវបច្ចេកវិទ្យាការផលិតមកស្រុកខ្មែរផ្ទាល់ តែនៅមានបញ្ហាច្រើនដូចជា ដើមទុន វត្ថុធាតុដើម តែវាក៏ជាគម្រោងដែលយើងបានគ្រោងទុកផងដែរ។ ម្យ៉ាងទៀតគឺ យើងជាអាជីវកម្មថ្មីដែលចំណោះដឹងទាក់ទងទៅនឹងអាជីវកម្មនៅមានកម្រិតនៅឡើយ ហើយចុងក្រោយគឺយើងពុំមានជាហាងអ្វីនៅឡើយទេ ដោយសារយើងផ្ដោតតែនៅក្នុងបណ្ដាញសង្គមមុន។
សម្រាប់ចក្ខុវិស័យនៅពេលអនាគត លោក និងក្រុមការងារចង់ឱ្យមានការផលិតនៅក្នុងស្រុក និងមានហាងសម្រាប់យីហោគង់វង្សនេះដែលអាចផ្គត់ផ្គង់នូវផលិតផលគិតគូរពីបរិស្ថាន ឆ្ពោះទៅរកសេដ្ឋកិច្ចដែលមាននិរន្តរភាព និងមានផលិតផលបរិស្ថានក្នុងស្រុកកាន់តែច្រើនបន្ថែមទៀត។
ចុងក្រោយ ស្ថាបនិក គង់វង្ស លោក សាម ហេងសុភាវណ្ណ សូមអរគុណចំពោះអតិថិជនដែលតែងតែនិយមគាំទ្រកែវ និងទុយោរបស់លោក ហើយសម្រាប់អ្នកដែលស្រឡាញ់វិស័យនេះ លោកលើកទឹកចិត្តចំពោះអ្នកដែលមានសុបិន្ត ឬក៏ស្រឡាញ់បរិស្ថានត្រូវតែមានឆន្ទៈខ្ពស់ កុំបោះបង់ក្នុងការបង្កើតអ្វីមួយ ទោះជាមិនជោគជ័យភ្លាមៗ តែអនាគតនៅវែងឆ្ងាយទៀតសម្រាប់ជោគជ័យរបស់យើង៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុប ប្រឈមបញ្ហាផ្ទៃក្នុងធ្ងន់ធ្ងរ ពលរដ្ឋអស់ទំនុកចិត្ត ខណៈមេដឹកនាំធំៗបន្តដាក់អាទិភាពលើវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ វិបត្តិដ៏ធ្ងន់ធ្ងរមួយកំពុងផ្ទុះឡើងយ៉ាងខ្លាំងនៅទូទាំងសហភាពអឺរ៉ុប តាមរយៈការតវ៉ាអំពីបញ្ហាប្រចាំថ្ងៃជាច្រើនរបស់ប្រជាពលរដ្ឋទូទៅ ខណៈដែលអាទិភាពភូមិសាស្ត្រនយោបាយបានបង្ខំឲ្យរដ្ឋាភិបាលរបស់ពួកគេបែរជាងាកទៅរកការត្រៀមខ្លួនដើម្បីធ្វើសង្គ្រាមទៅវិញ។ នៅក្នុងអត្ថបទវិភាគមួយដែលចេញផ្សាយដោយកាសែត RT បានសរសេរថា រាប់ចាប់ពីបញ្ហាហេដ្ឋារចនាសម្ព័ន្ធសាធារណៈ មានការទ្រុឌទ្រោម តម្លៃជីវភាពរស់នៅរបស់ពលរដ្ឋកើនឡើងកប់ពពក ហើយវិស័យឧស្សាហកម្មប្រឈមនឹងការកាត់បន្ថយយ៉ាងគំហុក ប៉ុន្តែមេដឹកនាំជាច្រើននៅទ្វីបនេះកំពុងបង្វែរធនធានរដ្ឋកាន់តែច្រើនឡើងទៅក្នុងកញ្ចប់ថវិកាការពារជាតិ ការបំពាក់អាវុធយោធាឡើងវិញ និងការត្រៀមខ្លួនផ្នែកសន្តិសុខ។ ការមើលរំលងបញ្ហាផ្ទៃក្នុងដែលកំពុងតែកើតមានកាន់តែធ្ងន់ធ្ងរ និងការបង្កើនកម្លាំងយោធាខាងក្រៅនេះបានគាស់រំលើងភាពវឹកវរជាសាធារណៈកាន់តែស៊ីជម្រៅនៅតាមបណ្តាតំបន់ទីប្រជុំជន និងទីក្រុងសំខាន់ៗនៅទូទាំងអឺរ៉ុបភាគខាងលិច។ ជាក់ស្តែង នៅក្នុងប្រទេសអេស្ប៉ាញ
សាខា ៤ ថ្មីបន្ថែមទៀតរបស់ អិលអូអិលស៊ី ត្រូវបានដាក់ឱ្យដំណើរការ «ឥណទានមាសកើនទ្រព្យ» ជាផ្លូវការ ដើម្បីបំពេញតម្រូវការសាច់ប្រាក់បន្ទាន់ជូនអតិថិជន
ព្រឹត្តិការណ៍, អត្ថបទពាណិជ្ជកម្ម
• 09/10/2026
ខេត្តកណ្តាល និងខេត្តកំពង់ស្ពឺ៖ ដើម្បីបន្តឆ្លើយតបទៅនឹងតម្រូវការហិរញ្ញវត្ថុរបស់អតិថិជនដែលរស់នៅតាមបណ្តាខេត្តនានា ក្រៅពីរាជធានីភ្នំពេញ ឱ្យទទួលបាននូវដំណោះស្រាយហិរញ្ញវត្ថុដែលមានភាពងាយស្រួលនិងមានសុវត្ថិភាព អិលអូអិលស៊ី បានដាក់ដំណើរការនូវផលិតផល «ឥណទានមាសកើនទ្រព្យ» នៅសាខាចំនួន ៤ បន្ថែមទៀត មានដូចជាសាខាក្រុងតាខ្មៅ – សង្កាត់រកាខ្ពស់ សាខាស្រុកកោះធំ – ឃុំព្រែកថ្មី សាខាស្រុកអង្គស្នួល – ឃុំបែកចាន
អាម៉េរិក-មីយ៉ាន់ម៉ា ចូលតុចរចាស្ងាត់ៗ ដើម្បីពិចារណាទណ្ឌកម្មឡើងវិញ ជាពិសេសកុងត្រារ៉ែកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ រដ្ឋាភិបាលអាម៉េរិក កំពុងផ្លាស់ប្តូរនយោបាយរបស់ខ្លួនយ៉ាងស្ងៀមស្ងាត់ចំពោះប្រទេសមីយ៉ាន់ម៉ា ដោយជំនួសមកវិញនូវការផ្អាកទណ្ឌកម្មដែលខ្លួនបានដាក់ជាច្រើនឆ្នាំមកហើយនោះដើម្បីប្រាស្រ័យទាក់ទងដោយផ្ទាល់ និងពិចារណាឡើងវិញនូវការលើកលែងទណ្ឌកម្មទាំងនោះ។ នៅក្នុងអត្ថបទមួយដែលត្រូវបានចេញផ្សាយដោយ CNA នាពេលថ្មីៗនេះបានពន្យល់ថា មូលហេតុចម្បងនៅពីក្រោយការកែប្រែនយោបាយការទូតភ្លាមៗនេះ គឺដោយសារតែតម្រូវការបន្ទាន់របស់ទីក្រុងវ៉ាស៊ីនតោនក្នុងការទទួលបានសិទ្ធិចូលទៅកាន់ប្រភពធនធានរ៉ែកម្រ (Heavy Rare Earth Elements) ដ៏ច្រើនសន្ធឹកសន្ធាប់របស់មីយ៉ាន់ម៉ា ដែលជាវត្ថុធាតុដើមដ៏សំខាន់សម្រាប់ផលិតកម្មបច្ចេកវិទ្យា គ្រឿងអេឡិចត្រូនិក បរិក្ខាការពារជាតិ និងការផលិតយានយន្តអគ្គិសនី។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content