សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការអភិវឌ្ឍដីឡូត៏នៅក្នុងប្រទេសកម្ពុជារហូតមកដល់ពេលនេះ នៅតែមានសកម្មភាព គ្រាន់តែមានការថមថយបន្តិច និងអ្នកអភិវឌ្ឍន៍ខ្លះបានកែប្រែរបៀបអភិវឌ្ឍន៍របស់ខ្លួន ដូចជាការបង្កើនទំហំដីធំជាងមុន មានដាំដើមឈើលើដីជាដើម។
យ៉ាងណាក៏ដោយ ការអភិវឌ្ឍដីឡូត៏ត្រូវបានអ្នកជំនាញបញ្ចេញទស្សនៈផ្ទុយគ្នា និងស្នើឱ្យមានការរៀបចំគម្រោងអភិវឌ្ឍន៍ដីឡូត៏បានត្រឹមត្រូវ មុននឹងសម្រេចអភិវឌ្ឍន៍ និងប្រកាសគម្រោងលក់ជូនប្រជាជន ដើម្បីជៀសវាងនូវបញ្ហានានានៅពេលអនាគត។
លោក ខូល័រ តាន់ អ្នកអភិវឌ្ឍន៍ដីឡូត៏មួយកន្លែងនៅក្នុងខេត្តកំពត ក៏បានស្នើឱ្យអ្នកអភិវឌ្ឍន៍ដីឡូត៏ដូចគ្នាកុំអភិវឌ្ឍន៍ហើយ លាងដៃដើរចេញដោយទុកបញ្ហា និងទំនាស់នៅពេលអនាគត។ លោកបានលើកឡើងថា អ្នកអភិវឌ្ឍន៍ដីធ្លីមួយចំនួន គឺគិតតែពីអភិវឌ្ឍន៍ ដើម្បីយកចំណេញធ្វើយ៉ាងណាឱ្យតែលក់ចេញ ដោយមិនគិតពីបញ្ហានៅពេលអនាគត។
លោកបានបន្តថា ការអភិវឌ្ឍដោយគិតតែពីផលចំណេញ នឹងនាំឱ្យមានទំនាស់ និងបញ្ហាកាន់តែច្រើននៅពេលអនាគត ដូច្នេះហើយក្នុងនាមជាអ្នកអភិវឌ្ឍន៍ដីឡូត៏មួយរូបផងដែរនោះ លោកស្នើឱ្យអ្នកអភិវឌ្ឍន៍ដីឡូត៏ដូចគ្នាកុំសម្លាប់អាជីពនេះ នៅពេលអនាគត។
លោកបានថ្លែងដូច្នេះថា ៖
“បើសិនជាយើងមិនបានគិតពីគុណភាព ដូចជាមិនមានផ្លូវ មិនមានប្រព័ន្ធទឹកភ្លើង និងលូ ហើយពលរដ្ឋចាប់ផ្ដើមសង់ផ្ទះស្នាក់នៅ នឹងមានផលពិបាកជាក់ជាមិនខាន ដូច្នេះហើយ ក្រុមហ៊ុនរបស់យើងតែងតែគិតពីចំណុចនេះមុននឹងលក់ដីជូនអតិថិជន”
លោកបានបន្ថែមថា បច្ចុប្បន្ននេះ ការអភិវឌ្ឍដីឡូត៏នៅក្នុងខេត្តកំពតក៏ដូចជាតំបន់ផ្សេងកំពុងមានការប្រកួតប្រជែងគ្នាខ្លាំង ជាពិសេសតម្លៃនេះផ្ទាល់តែម្ដង។ ម្យ៉ាងទៀតពលរដ្ឋមួយចំនួនចូលចិត្តរកដី ដែលមានតម្លៃទាបដោយអត់ទាន់បានគិតពីគុណភាព តែក៏មានពលរដ្ឋដែលទិញដីដោយគិតពីគុណភាពជាចម្បងផងដែរ ទោះដីនោះមានតម្លៃរាងខ្ពស់បន្តិចក្ដី។
អ្នកជំនាញនៃវិស័យដីធ្លីជាច្រើនក៏បានលើកឡើងផងដែរពីអាជីវកម្មដីឡូត៏ ដោយរំពឹងថា អាជីវកម្មនេះនៅតែមានទីផ្សារ និងសក្ដានុពល តែត្រូវផ្អែកទៅលើទីតាំង និងការអភិវឌ្ឍរបស់ម្ចាស់គម្រោង។ ម្ចាស់គម្រោងខ្លះពន្លើសគម្រោងធ្វើយ៉ាងណាឱ្យតែពលរដ្ឋបានទិញដីហើយ ក៏ដើរចេញ និងទៅអភិវឌ្ឍន៍មួយកន្លែងទៀត តែបើសិនជាម្ចាស់គម្រោងនោះ មានផែនការគម្រោងប្លង់មេត្រឹមត្រូវ អតិថិជនទិញហើយ នឹងមិនពិបាកក្នុងការអភិវឌ្ឍនោះទេ នៅពេលអនាគត ហើយនឹងនៅតែមានពលរដ្ឋទិញ ដើម្បីទុកសាងសង់លំនៅដ្ឋានសម្រាប់ស្នាក់នៅ។
លោកឧកញ៉ា សំ សុខនឿន ប្រធានសមាគមអចលនទ្រព្យសកលបាននិយាយថា ការអភិវឌ្ឍដីឡូត៏ឈូសឆាយហើយបោះបង្គោលជាឡូត៏លក់មិនផ្ដល់ប្រយោជន៍អ្វីដែលសង្គមទេ ផ្ទុយទៅវិញ វានឹងបង្កបញ្ហា និងធ្វើឱ្យពិបាកក្នុងការអភិវឌ្ឍតំបន់នោះទៅទៀត។
លោកឧកញ៉ា បានថ្លែងបន្តថា នៅពេលមានអ្នកវិនិយោគអភិវឌ្ឍន៍តំបន់ដីឡូត៏នោះ គេត្រូវការដើរប្រមូលទិញដីពីម្ចាស់ជាច្រើន និងក្នុងតម្លៃផ្សេងៗគ្នាទៅទៀត។ មួយវិញទៀត បើសិនជាពលរដ្ឋសង់ផ្ទះស្នាក់នៅក្នុងតំបន់ដីឡូត៏នោះក៏មិនប្រាកដថាសង់ស្មើៗគ្នាដែរ វានឹងក្លាយជាសំណង់មិនរៀបរយ ខ្លះមានជីវភាពធូរធារសង់ខ្ពស់សង់ធំ ខ្លះមិនសូវធូរធារសង់ល្មមៗជាដើម៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content