សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បច្ចុប្បន្ននេះ ការបំពុលអាកាសនៅតែជាបញ្ហាដ៏ស្មុគ្រស្មាញពិបាកដោះស្រាយសម្រាប់សកលលោកនៅឡើយ ពីព្រោះថាគ្រប់សកម្មភាពរស់នៅរបស់មនុស្សយើងសព្វថ្ងៃសុទ្ធតែបានចូលរួមចំណែកយ៉ាងច្រើននៅក្នុងឬសគល់នៃវិបត្តិមួយនេះ។ សកម្មភាពដែលអាចរាប់ចាប់តាំងពីការដេក ដើរ អង្គុយ របស់យើង ឬសូម្បីតែការធ្វើកសិកម្ម និងចិញ្ចឹមសត្វក៏ដោយសុទ្ធតែអាចមានលទ្ធភាពក្នុងការបញ្ចេញជាតិពុលចូលទៅក្នុងបរិយាកាសដែរ។
របាយការណ៍ស្រាវជ្រាវដែលធ្លាប់បានចេញផ្សាយដោយ WEFORUM បានបង្ហាញថា ថ្វីត្បិតតែសកម្មភាពបំពុលដោយវិស័យឧស្សាហកម្មជាអ្នកបំពុលអាកាសច្រើនជាងគេពិតមែន ប៉ុន្តែក្នុងនោះសកម្មភាពចិញ្ចឹមសត្វប៉ុណ្ណោះអាចបញ្ចេញឧស្ម័នកាបូនឌីអុកស៊ីតចូលទៅក្នុងបរិយាកាសដល់ទៅ ១៤,៥ភាគរយនៃការបំពុលទាំងអស់លើពិភពលោក។
ដោយមើលឃើញនូវផលប៉ះពាល់ខ្លាំងចំពោះបញ្ហានេះក្រុមអ្នកជំនាញក្រុមអ្នកកែច្នៃជាច្រើនបានខិតខំធ្វើការអភិវឌ្ឍ ស្រាវជ្រាវ និងរបកគំហើញថ្មីដើម្បីអាចកាត់បន្ថយការបំពុលទាំងនេះសង្ឃឹមអាចជួយគាំទ្រដល់ផែនការសកម្មភាពរបស់បណ្តាប្រទេសនានាក្នុងការទប់ស្កាត់បញ្ហាបម្រែបម្រួលអាកាសធាតុរបស់ភពផែនដី។
ថ្មីៗនេះបច្ចេកវិទ្យាដ៏អស្ចារ្យមួយរបស់ក្រុមហ៊ុន Bennamann បានធ្វើឲ្យមានការភ្ញាក់ផ្អើលយ៉ាងខ្លាំងដោយក្រុមការងារបានជោគជ័យក្នុងការទាញយកលាមកសត្វចិញ្ចឹមទាំងឡាយទៅផលិតជាសាំងសម្រាប់ប្រើប្រាស់នៅក្នុងត្រាក់ទ័រកសិកម្មជំនួសឲ្យប្រេងសាំង ឬប្រេងម៉ាស៊ូតបាន។
Bennamann ដែលមានមូលដ្ឋាននៅក្នុងប្រទេសអង់គ្លេសត្រូវបានគេទទួលស្គាល់ថាអាចអភិវឌ្ឍបាននូវបច្ចេកវិទ្យាថ្មីមួយដែលពិភពលោកមិនទាន់មានប្រទេសណាធ្វើបាននៅឡើយ។ បច្ចេកវិទ្យាងាយៗដោយប្រើប្រាស់លាមកសត្វមានទាំងគោ និងជ្រូកផងដើម្បីទាញយកឧស្ម័នមេតាន ឬហៅថាជាការផលិតជីវឧស្ម័ន យកវាទៅប្រើប្រាស់ជាមួយត្រាក់ទ័រដែលបានផលិតឡើងដោយ Bennamann មានសមត្ថភាពខ្លាំងដូចទៅនឹងត្រាក់ទ័រដែលប្រើប្រាស់ប្រេងម៉ាស៊ូតដែរ។
សមត្ថភាពដូចគ្នាទៅនឹងត្រាក់ទ័រធម្មតាពិតមែន ប៉ុន្តែក្រៅពីនោះវាអាចជួយសន្សំសំចៃក្នុងការចំណាយទៅលើថាមពល និងកាន់តែពិសេសនោះគឺការបំភាយឧស្ម័នកាបូនិកតិចបំផុតតិចជាងការប្រើប្រាស់ថាមពលឥន្ធនៈដល់ទៅ៨០ភាគរយ។
បច្ចេកវិទ្យានេះត្រូវបានទទួលការសាទរយ៉ាងខ្លាំង ពីព្រោះថាមិនត្រឹមតែអាចជួយឲ្យកសិករមាននិរន្តភាពកាន់តែល្អប្រសើរចំពោះការធ្វើកសិកម្មនោះទេវាបានជួយកាត់បន្ថយការបំភាយឧស្ម័នពុលបានមួយចំនួនធំពីវិស័យកសិកម្មប្រសិនបើវាត្រូវបានប្រើប្រាស់ឲ្យបានទូលំទូលាយ។ មេតាន និងជីវៈឧស្ម័នដែលផលិតបានមិនត្រឹមតែប៉ុណ្ណោះអាចនឹងយកទៅប្រើប្រាស់នៅក្នុងសកម្មភាពចាំបាច់ប្រចាំថ្ងៃផ្សេងទៀតបានផងដែរដូចជាការចំអិនអាហារការទាញយកថាមពលអគ្គិសនីមកប្រើប្រាស់ ឬអាចលក់ទៅក្នុងទីផ្សារថាមពលបានផងដែរ៕
Account
Security
Favourite Content