សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Independent បានលើកឡើងថា មនុស្សជាង ២ ពាន់លាននាក់នឹងត្រូវប្រឈមមុខនឹងកម្រិតកំដៅដែលមិនអាចទទួលយកបាននៅក្នុងសតវត្សរ៍នេះ។
ប្រទេសឥណ្ឌា ប៉ាគីស្ថាន និងទីក្រុងធំៗមួយចំនួនរបស់ពិភពលោក ដូចជា ញូដេលី សៀងហៃ ឡាកូស និង ឈីកាហ្គោ នឹងប្រឈមមុខផលប៉ះពាល់ធ្ងន់ធ្ងរបំផុតពីកម្តៅខ្លាំង។ ទន្ទឹមនឹងនេះ ប្រជាជនរាប់លាននាក់កំពុងតស៊ូរស់នៅក្រោមរលកកំដៅក្នុងរយៈពេលដ៏យូរ ខណៈដែលពិភពលោកនៅតែបន្តឡើងកំដៅ។ មិនត្រឹមតែប៉ុណ្ណោះ ស្ថានភាពនឹងកាន់តែអាក្រក់ទៅៗ ជាពិសេសតំបន់អាស៊ីខាងត្បូងកំពុងប្រឈមមុខនឹងរលកកំដៅដ៏ក្តៅខ្លាំង ដែលជំរុញដោយវិបត្តិបម្រែបម្រួលអាកាសធាតុក្នុងប៉ុន្មានឆ្នាំថ្មីៗចុងក្រោយនេះ។
ប្រសិនបើសីតុណ្ហភាពសកលកើនឡើង ២ អង្សារសេ ឬ លើសពីកម្រិតបច្ចុប្បន្ន កំដៅអាចឡើងខ្លាំងដែលតំបន់មួយចំនួននឹងមិនអាចទទួលភាពត្រជាក់ដោយធម្មជាតិបានទេ។
លោក Matthew Huber សហអ្នកនិពន្ធមកពីសាកលវិទ្យាល័យ Purdue បាននិយាយថា វាគួរឱ្យព្រួយបារម្ភណាស់ ដែលនឹងបង្កគ្រោះថ្នាក់ដល់សុខភាព។ ការសិក្សាបានរកឃើញថា មនុស្សប្រហែល ៧៥០ លាននាក់អាចជួបប្រទះនឹងកំដៅក្តៅ និងសើមខ្លាំងយ៉ាងហោចណាស់មួយសប្តាហ៍ក្នុងមួយឆ្នាំ ប្រសិនបើសីតុណ្ហភាពកើនឡើង ២ អង្សារសេ ឬ លើសពីកម្រិតបច្ចុប្បន្ន ។
យោងតាមរបាយការណ៍ UN Emissions Gap បានបង្ហាញថា ពិភពលោកកំពុងស្ថិតនៅលើដំណើរប្រឈមនឹងការកើនឡើងកំដៅ ២,៨ អង្សាសេនៅឆ្នាំ២១០០ បើទោះបីជាកិច្ចព្រមព្រៀងទីក្រុងប៉ារីសដែលចុះហត្ថលេខាដោយប្រទេសជិត ២០០ បានអំពាវនាវឱ្យមានការខិតខំប្រឹងប្រែងដើម្បីកម្រិតកំដៅត្រឹម ១,៥ អង្សាសេក៏ដោយ។ ក្នុងរយៈពេលប៉ុន្មានឆ្នាំថ្មីៗនេះ ឥណ្ឌា ប៉ាគីស្ថាន និង តំបន់ឈូងសមុទ្របានប្រឈមនឹងកំដៅក្តៅ និងសើមខ្លាំងក្នុងកម្រិតដ៏គ្រោះថ្នាក់ ហើយទីក្រុងធំៗផ្សេងទៀតនៅទូទាំងពិភពលោកនឹងរងទុក្ខជាបន្តបន្ទាប់ ប្រសិនបើពិភពលោកនៅតែបន្តឡើងកំដៅ។
មិនត្រឹមតែប៉ុណ្ណោះ ហេតុការណ៍បែបនេះកើតឡើងដោយមិនបានគិតជាមុន ហើយហានិភ័យក៏អាចកើតឡើងនៅអាមេរិកខាងត្បូង និងអូស្ត្រាលីផងដែរ។ គេសិក្សាឃើញថា ទិក្រុង Hodeidah ប្រទេសយេម៉ែនអាចនឹងឡើងកំដៅដល់ ៤ អង្សាសេដែលជាគ្រោះថ្នាក់មិនអាចរស់រានមានជីវិតបាន៕
Account
Security
Favourite Content