សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
Rogfast ដែលត្រូវបានគេចាត់ទុកថាជាផ្លូវក្រោមដីនិងក្រោមសមុទ្រដែលមានចំងាយវែងបំផុតនិងជ្រៅបំផុតរបស់ពិភពលោកកំពុងចាប់ផ្តើមសាងសង់ឡើងវិញនៅក្នុងប្រទេសន័រវេស។
យោងតាមអត្ថបទដែលត្រូវបានចេញផ្សាយដោយទូរទស្សន៍ CNN បានឲ្យដឹងថាគម្រោងផ្លូវក្រោមដីនិងសមុទ្រមួយនេះត្រូវបានគេប្រកាសដាក់ឲ្យចាប់ផ្តើមការដ្ឋានតាំងតែពីឆ្នាំ២០១៨មកម្ល៉េះប៉ុន្តែក្រោយមកក៏ត្រូវបានលុបចោលទៅវិញនៅចុងឆ្នាំ២០១៩។បញ្ហាកើតមានដោយសារតែការវាយតម្លៃខ្ទង់ចំណាយមិនត្រឹមត្រូវជាកត្តាចំបងធ្វើឲ្យមានការលុបចោលកុងត្រាដំបូងទាំងស្រុង។
យ៉ាងណាក្តីមកទល់នឹងចុងឆ្នាំ២០២១ផ្លូវរូងក្រោមដីនេះក៏បានដំណើរការឡើងវិញហើយដាក់ផែនការបញ្ចប់នៅត្រឹមឆ្នាំ២០៣៣ជាមួយនឹងទំហំវិនិយោគសរុបប្រមាណជា២៥ពាន់លានដុល្លារលុយ Kroner របស់ន័រវេសឬប្រមាណជា២,៤ពាន់លានដុល្លារ។
Rogfast កសាងឡើងដើម្បីឲ្យន័រវេសអាចកាត់បន្ថយពេលវេលាធ្វើដំណើររវាងទីក្រុងធំៗរបស់ខ្លួននិងជាពិសេសលុបចោលសេវាកម្មឆ្លងសាឡាងទាំងអស់ដែលស្ថិតនៅភាគខាងលិចនៃឆ្នេរសមុទ្ររបស់ខ្លួន។
គម្រោងផ្លូវ Rogfast មានចំងាយសរុបប្រមាណ២៧គីឡូមែត្រ។ Rogfast ជាពាក្យកាត់មកពី Rogaland Fastforbindelse ដែលត្រូវបានគេស្គាល់ថាជាតំបន់មួយនៃប្រទេសន័រវេសឬមានន័យថាជាភាសាអង់គ្លេសថា fixed link ។តាមផែនការវានឹងមានជម្រៅជ្រៅបំផុតប្រមាណជា៣៩២ម៉ែត្រនៅក្រោមនីវូសមុទ្រ។
ប្រធានផ្នែកគ្រប់គ្រងម្នាក់នៃគម្រោង លោកស្រី Anne Brit Moen បានមានប្រសាសន៍ថា៖ផ្លូវរូងក្រោមដីនិងសមុទ្រនេះនឹងជួយធ្វើឲ្យប្រសើរឡើងខ្លាំងនៃការតភ្ជាប់ទំនាក់ទំនងរវាងតំបន់ឆ្នេរភាគលិចនៃប្រទេសន័រវេសនិងជាផ្លូវធ្វើដំណើរដ៏មានទំនុកចិត្តរវាងតំបន់ Starvanger និង Haugesund។
Rogfast នឹងចូលមកជំនួសការតភ្ជាប់រវាងសាឡាងធំតូចដែលនរវេសប្រើប្រាស់នាពេលកន្លងមកជួយកាត់បន្ថយពេលវេលាធ្វើដំណើរផងរវាងBergen និង Stavangerដែលជាទីក្រុងធំជាងគេទី២និងទី៤របស់ប្រទេសមកត្រឹមតែ៤០នាទីប៉ុណ្ណោះ។វាក៏នឹងជួយជម្រុញឲ្យមានការធ្វើដំណើរកាន់តែច្រើនឡើងជាប្រចាំថ្ងៃរវាងតំបន់ទាំងនេះផងដែរ។
គួរឲ្យដឹងដែរថាបច្ចុប្បន្នផ្លូវរូងដីនៅក្រោមសមុទ្រដែលវាងជាងគេបំផុតនោះគឺជាផ្លូវ Seikan Tunnel នៅភាគខាងជើងនៃប្រទេសជប៉ុន។ផ្លូវដែកក្រោមដីនេះមានប្រវែងសរុប៥៣,៨៥គីឡូម៉ែត្រហើយក្នុងនោះកំណាត់ដែលស្ថិតនៅក្រោមសមុទ្រមានប្រវែងប្រមាណជា២៣,៣គីឡូម៉ែត្រ៕
Account
Security
Favourite Content