សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បច្ចេកវិទ្យា AI កាន់តែទំនើបខណៈដែលក្រុមហ៊ុនបច្ចេកវិទ្យានានាកំពុងព្យាយាមពង្រឹងសមត្ថភាពដើម្បីដើរឲ្យទាន់តម្រូវការទីផ្សារដ៏មានសក្តានុពលមួយនេះ ដែលវាបានធ្វើឲ្យការបញ្ជាទិញបន្ទះឈីបដែលមានបំពាក់បច្ចេកវិទ្យា AI ក៏កាន់តែមានកំណើនខ្លាំងឡើងដូចគ្នា។
ជាលទ្ធផល ក្នុងរយៈពេល ៣ ទៅ ៤ ឆ្នាំចុងក្រោយនេះ ក្រុមហ៊ុនអ្នកជំនាញផលិតបន្ទះឈីបរបស់អាមេរិក Nvidia កំពុងវ៉ាដាច់ទីផ្សារផលិតបន្ទះឈីប AI នេះ ដោយជារៀងរាល់២ឆ្នាំម្តងក្រុមហ៊ុនបានបង្ហាញបច្ចេកវិទ្យាថ្មីនៃបន្ទះឈីបស៊េរីថ្មីបំផុតរបស់ខ្លួន។
ក្នុងពេលដែលបន្ទះឈីប H100 កំពុងមានទីផ្សារខ្លាំងទៅហើយនោះក៏ដោយ ក៏ប៉ុន្មានថ្ងៃចុងក្រោយនេះ Nvidia បានធ្វើការដាក់តាំងបង្ហាញនូវបន្ទះឈីបជំនាន់ថ្មីកាន់តែទំនើបនិងសមត្ថភាពខ្ពស់បន្ថែមទៀតដែលមានឈ្មោះថា Blackwell ហើយវាមានតម្លៃអាចទៅដល់ ៣០ ០០០ ឬ ៤០ ០០០ដុល្លារក្នុងមួយបន្ទះ។
ការប្រកាសជាផ្លុវការដែលត្រូវបានធ្វើឡើងដោយប្រធានក្រុមហ៊ុន លោក Jensen Huang ដែលបច្ចុប្បន្នគឺជាសេដ្ឋីពាន់លានដុល្លារលំដាប់លេខ១៧របស់ពិភពលោកដោយ Forbes
ឬគិតជាទ្រព្យសម្បត្តិប្រហែលជាង៨១ពាន់លានដុល្លារដោយក្នុងនោះលោកបានអះអាងថា ដោយគិតត្រឹមតែកិច្ចការងារស្រាវជ្រាវ និងអភិវឌ្ឍបន្ទះឈីបថ្មីនេះ (R&D) គឺមានទឹកប្រាកវិនិយោគរហូតទៅដល់១០ពាន់លានដុល្លារ។
ថ្លែងនៅក្នុងបទសម្ភាសន៍មួយជាមួយនឹងទូរទស្សន៍ CNBC លោក Huang បានពោលបែបនេះថា ៖ «ថ្វីត្បិតវាជាបន្ទះឈីបដែលមានរូបរាងធំជាងគេបំផុតដែលយើងពុំធ្លាប់មានប៉ុន្តែបើនិយាយពីការវិភាគ និងគណនា ឬសមត្ថភាពផ្នែករូបវិទ្យាវិញគឺបន្ទះឈីប AI នេះ អាចធ្វើបានលើសពីអ្វីដែលយើងមិនអាចគិតដល់ដោយនៅពីខាងក្នុង Nvidia បានផលិតឡើងជាមួយនឹងត្រង់ស៊ីស្ត័រមានចំនួនដល់ទៅ ២០៨ពាន់លាន ខណៈដែលបន្ទះឈីបធម្មតាបច្ចុប្បន្នមានត្រឹមតែក្បែរនឹង៦០ពាន់លានត្រង់ស៊ីស្ត័រប៉ុណ្ណោះ។
ក្នុងនាមជាក្រុមហ៊ុនអ្នកនាំមុខគេក្នុងការចាប់យកបច្ចេកវិទ្យាបន្ទះឈីប AI នោះNvidia បានកសាងភាពទុកចិត្តលើទីផ្សារបានយ៉ាងល្អចាប់តាំងតែពីឆ្នាំ២០២២ នៅពេលដែលបច្ចេកវិទ្យា AI ដូចជា ChatGPT បានផ្ទុះឡើងជាលើកដំបូងដោយក្រុមហ៊ុន AI កំពូលៗបាននាំគ្នាសម្រុកទិញបន្ទះឈីប AI ដើម្បីអាចយកទៅអភិវឌ្ឍបច្ចេកវិទ្យា AI របស់ខ្លួនហើយក្នុងនោះ H100 ដែលជាផលិតផលជំនាន់មុនរបស់ Blackwell បានប្រមូលបានប្រាក់ចំណូលរាប់សិបពាន់លានដុល្លាររួចមកហើយក្នុងរយៈពេលកន្លងមកនេះ។
ក្រៅតែពីមានល្បឿនលឿនជាងបន្ទះឈីបជំនាន់មុនរបស់ខ្លួនហើយនោះ Blackwell មានប្រសិទ្ធភាពខ្ពស់ក្នងមុខងាររក្សាទិន្នន័យ និងបញ្ជូនទិន្នន័យ ជាពិសេសគឺទាមទារថាមពលប្រើប្រាស់ក្នុងកម្រិតទាបបំផុត និងត្រូវគេជឿជាក់ថាអាចនឹងទទួលយកការបញ្ជាទិញបាននៅក្នុងឆ្នាំ២០២៤នេះដោយក្នុងនោះមានស៊េរីចំនួន៣ផ្សេងគ្នាគឺ B100, B200 និង GB200៕
Account
Security
Favourite Content