សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី News.AZ បានរាយការណ៍ថា តម្លៃប្រេងមានភាពឡើងចុះ បន្ទាប់ពីលោក Donald Trump បានជាប់ឈ្នះឆ្នោតជាប្រធានាធិបតីអាម៉េរិក ខណៈដែលអ្នកវិភាគមួយចំនួនកំពុងព្រួយបារម្ភថា ការឡើងកាន់តំណែងជាលើកទី២ របស់គាត់នឹងប៉ះពាល់ដល់ទីផ្សារប្រេងឆៅ។
កាលពីដំបូង តម្លៃប្រេងឆៅ Brent បានធ្លាក់ចុះជិត ២ ដុល្លារក្នុងមួយបារ៉ែលបន្ទាប់ពី Trump ឈ្នះឆ្នោត មុនពេលស្ទុះងើបឡើងវិញ។ ដោយឡែកកាលពីថ្ងៃចុងសប្ដាហ៍កន្លងទៅនេះ តម្លៃប្រេងឆៅម៉ាក Brent បានឡើងថ្លៃ ១,៥ ភាគរយ ឬ ៧៤,៦០ ដុល្លារក្នុងមួយបារ៉ែរល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,៧ ភាគរយ ៧១,០៦ ដុល្លារក្នុងមួយបារ៉ែល។ យ៉ាងណាមិញ ធនាគារ Citi បានលើកឡើងថា តំណែងជាប្រធានាធិបតីរបស់ Trump ជាលើកទី ២ អាចបង្ហាញពីទស្សនអវិជ្ជមានសម្រាប់ទីផ្សារប្រេង ដោយសាររដ្ឋបាល Trump នឹងបង្កើនលទ្ធភាពនៃការផ្លាស់ប្តូរគោលនយោបាយពាណិជ្ជកម្ម ការប្រែប្រួលគោលនយោបាយរបស់ OPEC+ និងពង្រីកផលិតកម្មប្រេងរបស់សហរដ្ឋអាមេរិកដោយកាត់បន្ថយបទប្បញ្ញត្តិថាមពលក្នុងស្រុក។
អ្នកយុទ្ធសាស្រ្តរបស់ Citi រំពឹងថា នឹងមានសម្ពាធ ហើយអាចធ្វើឲ្យតម្លៃប្រេងធ្លាក់ចុះនៅឆ្នាំ២០២៥ ជាមួយនឹងការព្យាករណ៍ថា Brent អាចមានតម្លៃជាមធ្យម ៦០ ដុល្លារក្នុងមួយបារ៉ែល ទាបជាង ឬប្រហែល ២០ ភាគរយពីកម្រិតបច្ចុប្បន្ន។ ការធ្លាក់ចុះតម្លៃនេះឆ្លុះបញ្ចាំងពីភាពតានតឹងផ្នែកពាណិជ្ជកម្ម និងលទ្ធភាពបង្កើនការផ្គត់ផ្គង់ពី OPEC+ រួមជាមួយនឹងគោលនយោបាយថាមពលរបស់សហរដ្ឋអាមេរិកដែលទំនងជាគាំទ្រឥន្ធនៈហ្វូស៊ីលក្នុងស្រុក។
Citi បានគូសបញ្ជាក់ថា ការត្រឡប់មកវិញរបស់ Trump អាចបង្អាក់កំណើនសេដ្ឋកិច្ចពិភពលោក ជាពិសេសនៅអឺរ៉ុប និងចិន ដោយសារគាត់មានបំណងដាក់ពន្ធលើការនាំចូលពីបរទេស។ របាយការណ៍នេះបានកត់សម្គាល់ថា ការដាក់ពន្ធគយលើការនាំចូល ១០ ភាគរយរបស់សហរដ្ឋអាមេរិកអាចកាត់បន្ថយផលិតផលក្នុងស្រុកសរុបរបស់ពិភពលោកបាន ០,៤ ភាគរយ ខណៈដែលការដាក់ពន្ធ ៦០ ភាគរយលើការនាំចូលរបស់ចិនអាចកាត់បន្ថយ GDP របស់ប្រទេសចិនរហូតដល់ ២,៤ ភាគរយ។ មិនត្រឹមតែប៉ុណ្ណោះ កំណើនតម្រូវការប្រេងពិភពលោកអាចនឹងកើនឡើង ជាពិសេសប្រេងម៉ាស៊ូត ដែលជាឥន្ធនៈនៃការដឹកជញ្ជូនអន្តរជាតិ។ នៅលើទស្សនៈផ្នែកផ្គត់ផ្គង់ ឥទ្ធិពលរបស់លោក Trump អាចធ្វើឱ្យគោលនយោបាយកាត់បន្ថយផលិតកម្មរបស់ OPEC+ ប្រែប្រួល ដែលអាចជំរុញការផ្គត់ផ្គង់នៅក្នុងទីផ្សារពិភពលោក។
លើសពីនេះ ទីផ្សារប្រេងកំពុងរង់ចាំមើលលទ្ធផលពីការប្រជុំសភារបស់ប្រទេសចិននៅសប្តាហ៍នេះ ដោយរំពឹងថាចិននឹងបង្ហាញអំពីវិធានការជំរុញបន្ថែមទៀត។ អ្នកវិភាគបានរំពឹងថា ចិននឹងបង្កើនការចំណាយថ្មីយ៉ាងហោចណាស់ ១០ ទ្រីលានយន់ (១,៦ ទ្រីលានដុល្លារ) ដែលអាចជំរុញការនាំចូលប្រេងបន្ថែមទៀតមកកាន់ប្រទេសចិន ដែលជាប្រទេសនាំចូលប្រេងធំបំផុតរបស់ពិភពលោក៕
Account
Security
Favourite Content