អគាររស់នៅរចនាតាមបែប Passive House ផ្តល់ផាសុកភាពខ្លាំងគ្រប់រដូវកាល និងសន្សំសំចៃអគ្គិសនីបានលើសលប់

បញ្ហាវិបត្តថាមពលសកលត្រូវបានគេមើលឃើញថាបានកើតឡើងតាំងពីអំឡុងឆ្នាំ២០២១ ​រហូតមកទល់បច្ចុប្បន្ន ពោលគឺនៅក្នុងអំឡុងពេលវិបត្តិកូវីដ និងបន្តបន្ទាប់ដោយសាររិបទនយោបាយសំខាន់ៗព្រមទាំងជម្លោះដោយយោធារវាងរុស្ស៊ី និងអ៊ុយក្រែនផង ។

កត្តាទាំងទាំងនេះបានធ្វើឲ្យមានបញ្ហាខ្វះខាតប្រេងឆៅព្រមទាំងហ្កាសផងនៅក្នុងទីផ្សារនៃការប្រើប្រាស់ថាមពលអគ្គិសនី។ ក្រៅពីនោះកត្តាដោយប្រយោលផ្សេងទៀតដែលបណ្តាលឲ្យពិភពលោកប៉ះពាល់ដល់វិស័យថាមពលនោះមានដូចជាការបំពុលអាកាសធាតុ បញ្ហាបម្រែបម្រួលអាកាសធាតុ ការបំពុលទឹក ព្រមទាំងការខ្ជះខ្ជាយនៃការប្រើប្រាស់ធនធានជាដើម។

មានដំណោះស្រាយជាច្រើនដែលត្រូវបានពិភាក្សា និងវែកញែកដើម្បីយកមកអនុវត្តដោយបណ្តាអង្គការ និងប្រទេសមហាអំណាចជាច្រើន ប៉ុន្តែមួយក្នុងចំណោមនោះ អ្វីដែលគួរឲ្យចាប់អារម្មណ៍ជាងគេសម្រាប់របៀបនៃការរចនាលំនៅដ្ឋានរស់នៅថ្មីដែលអាចសម្របខ្លួនទៅនឹងវិបត្តិថាមពលបាននោះគឺជាគំនិតសាងសង់អគាររស់នៅប្រភេទថ្មីដែលត្រូវបានគេស្គាល់ថា Passive House ។

តើអ្វីទៅជា Passive House Concept ?

Passive House គឺជាស្តង់ដាររចនាដែលសម្រេចបាននូវផាសុកភាពទាំងពេលដែលអ្នករស់នៅក្នុងផ្ទះត្រូវការកម្ដៅ និងពេលដែលលំនៅដ្ឋានត្រូវការភាពត្រជាក់។ អគារនេះមានភាពធន់ទៅនឹងខ្យល់ មានការរចនាបង្អួច និងទ្វារដែលសមស្របប្រព័ន្ធខ្យល់ចេញចូលសមស្របតាមរដូវកាល។

នៅក្នុងរបៀបនៃការសាងសង់លំនៅដ្ឋានប្រភេទនេះត្រូវបានរចនាឡើងដោយមានបញ្ចូលនូវស្ទើរគ្រប់ប្រភេទនៃការទាញយកថាមពលពីធម្មជាតិ សូម្បីតែកំដៅដែលមាននៅលើរាង្គកាយរបស់ម្ចាស់ផ្ទះទៀត។

បច្ចេកវិទ្យាទំនើបត្រូវបានដាក់បញ្ចូលក្នុងការទាញយកថាមពលដែលមានដូចជាបន្ទះសូឡាលើដំបូល នៅតាមបង្អួច តួប៊ីនទាញយកថាមពលពីខ្យល់ ជាពិសេសការសាងសង់គ្រឹះដ៏រឹងម៉ាំពីបេតុងដែលអាចថែរក្សាសិតណ្ហភាពបានយ៉ាងល្អពីខាងក្នុងអគារព្រមទាំងបច្ចេកវិទ្យាសន្សំសំចៃ និងប្រើប្រាស់ឡើងវិញជាច្រើនផ្សេងទៀត៕

ការសាងសង់លំនៅដ្ឋានតាមបែប Passive House ត្រូវបានបង្កើតឡើងដំបូងឡើងនៅប្រទេសអាល្លឺម៉ង់នៅដើមទសវត្សរ៍ឆ្នាំ១៩៩០មកម្ល៉េះដោយសាស្រ្តាចារ្យ Bo Adamson និង Wolfgang Feist ។ លំនៅដ្ឋាន Passive House ដំបូងត្រូវបានសាងសង់នៅ Darmstadt ក្នុងប្រទេសអាល្លឺម៉ង់ក្នុងឆ្នាំ១៩៩១។

តាមការស្រាវជ្រានដោយវិទ្យាស្ថាន Passive House Institute ដែលកំពុងបណ្តុះបណ្តាលក្រុមអ្នកឌីសាញរាប់រយនាក់មកពីបណ្តាប្រទេសចំនួនជាង៣០បានអះអាងថា ការរចនាផ្ទះតាមបែប Passive House នឹងជួយកាត់បន្ថយការប្រើប្រាស់ថាមពលអគ្គិសនីដល់ទៅ៩០ភាគរយធៀបទៅនឹងលំនៅដ្ឋានទូទៅអាចផ្តល់អាកាសធាតុត្រជាក់ជាងនៅរដូវក្តៅ និងទទួលបានកំដៅគ្រប់គ្រាន់នៅពេលរដូវត្រជាក់។ មិនត្រឹមតែប៉ុណ្ណោះការចំណាយក៏មានតម្លៃទាបជាងលំនៅដ្ឋានធម្មតា ហើយមាននិរន្តភាពជាងចំពោះបរិស្ថាន។

យ៉ាងណាក៏ដោយ បើទោះបីជាបច្ចុប្បន្នសមាគមអ្នកឌីសាញ Passive House អន្តរជាតិ ( International Passive House Association ) បានទទួលស្គាល់ថា ចំនួននៃការសាងសង់លំនៅដ្ឋានប្រភេទនេះនៅមានកម្រិត ឬមានប្រមាណត្រឹមតែ ៤៤ ០០០ខ្នងនៅជុំវិញពិភពលោក ប៉ុន្តែគេមានជំនឿចិត្តថា វានឹងមានសន្ទុះកើនឡើងនៃការប្រើប្រាស់ដោយសារបញ្ហាវិបត្តថាមពលសកល និងបញ្ហាបម្រែបម្រួលអាកាសធាតុជាសកលផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម

យល់ដឹងពីគំនិតអាជីវកម្មមួយចំនួននៅក្រៅប្រទេសដែលមានភាពរឹងម៉ាំទៅនឹងវិបត្តិសេដ្ឋកិច្ច

ព្រឹត្តិការណ៍, អាជីវកម្មថ្មី និងនវានុវត្ត

• 23/07/2024

នៅក្នុងអំឡុងពេលវិបត្តិសកល មានក្រុមហ៊ុនខ្លះខាតបង់ធ្លាក់ចំណូល និងខ្លះទៀតឈានទៅដល់បិទទ្វារក៏មាន ប៉ុន្តែមានអាជីវកម្មខ្លះនៅតែអាចដំណើរការល្អ និងទាញបានប្រាក់ចំណេញ

វិវាទដីធ្លីជិត ១ម៉ឺន ៤ពាន់ ករណីបានត្រូវដោះស្រាយ

ព្រឹត្តិការណ៍, អចលនទ្រព្យ

• 23/07/2024

ពីឆ្នាំ២០២៣គិតមកដល់ពេលបច្ចុប្បន្ន ក្រសួងដែនដីបានដោះស្រាយវិវាទដីធ្លីសម្រេចជាង១៣០០០ករណី ស្មើនឹងជិត៩០​ភាគ​រយនៃជម្លោះ

ក្រសួងដែនដី រៀបចំកិច្ច​ប្រជុំជាមួយ​វិស័យ​ឯកជន​ក្នុងវិស័យ​សំណង់ និង​អច​លនទ្រព្យ​ ដើម្បី​រកបញ្ហា​ និ​ងដំណោះស្រាយ

ព្រឹត្តិការណ៍, អចលនទ្រព្យ

• 23/07/2024

ក្នុងគោលដៅជំរុញការ​អភិវឌ្ឍ​វិស័យ​សំណង់ ​និងអចលនទ្រព្យ ក្នុងប្រទេស​កម្ពុជា​បន្ថែម ក្រសួង​រៀបចំដែន ​និងវិស័យឯកជន ​បានជួ​បពិភាក្សារកដំណោះស្រាយរួមគ្នា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ប្រព័ន្ធធនាគារនៅកម្ពុជាបន្តរក្សាបានភាពធន់ និងរឹងមាំ

ព្រឹត្តិការណ៍, ហិរញ្ញវត្ថុ

• 23/07/2024

ប្រព័ន្ធធនាគារនៅកម្ពុជាបន្តរក្សាបានភាពធន់ និងភាពរឹងមាំ ខណៈសេដ្ឋកិច្ចពិភពលោកនៅមិនទាន់ប្រាកដប្រជា

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល