សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ច្បាប់វិនិយោគថ្មីនៃព្រះរាជាណាចក្រកម្ពុជាកំពុងទទួលបានការចាប់អារម្មណ៍ និងទាក់ទាញវិនិយោគិនមកពីក្រៅប្រទេសជាបន្តបន្ទាប់ឱ្យចូលមកវិនិយោគ និងពង្រីកការវិនិយោគបន្ថែមនៅក្នុងប្រទេសកម្ពុជា ដោយក្នុងនោះដែរ តាមច្បាប់វិនិយោគថ្មីនៃព្រះរាជាណាចក្រកម្ពុជាបានបង្ហាញពីវិស័យ និងសកម្មភាពវិនិយោគចំនួន១៩ ដែលត្រូវទទួលបានការលើកទឹកចិត្ត ។
វិស័យ និងសកម្មភាពវិនិយោគទាំង១៩ ដែលត្រូវទទួលបានការលើកទឹកចិត្តពីរាជរដ្ឋាភិបាលតាមរយៈច្បាប់វិនិយោគថ្មីរួមមាន ៖
- ឧស្សាហកម្មដែលមានបច្ចេកវិទ្យាខ្ពស់ប្រកបដោយនវានុវត្តន៍ និងការស្រាវជ្រាវ និងអភិវឌ្ឍន៍
- ឧស្សាហកម្ម ឬកម្មន្តសាលថ្មិៗ ផ្ដល់តម្លៃបន្ថែមខ្ពស់ មាននវានុវត្តន៍ និងភាពប្រកួតប្រជែងខ្ពស់
- ឧស្សាហកម្មបម្រើឱ្យខ្សែច្រវាក់ផលិតកម្មតំបន់ និងសកលលោក
- ឧស្សាហកម្មគាំទ្រពាក់ព័ន្ធនឹងវិស័យកសិកម្ម ទេសចរណ៍ កម្មន្តសាល ឧស្សាហកម្មបម្រើឱ្យខ្សែច្រវាក់ផលិតកម្មតំបន់ និងសកលលោក និងឧស្សាហកម្មតភ្ជាប់បណ្ដាញផ្គត់ផ្គង់
- ឧស្សាហកម្មគ្រឿងអគ្គិសនី និងអេឡិចត្រូនិក
- ឧស្សាហកម្មគ្រឿងបន្លាស់ បង្គុំ និងតម្លើង
- ឧស្សាហកម្មមេកានិក និងគ្រឿងម៉ាស៊ីន
- កសិកម្ម កសិឧស្សាហកម្ម ឧស្សាហកម្មកែច្នៃផលិតផលកសិកម្ម ឧស្សាហកម្មកែច្នៃចំណីអាហារដែលបម្រើទីផ្សារក្នុងស្រុក ឬការនាំចេញ
- សហគ្រាសធុនតូច និងមធ្យមក្នុងវិស័យអាទិភាព និងការអភិវឌ្ឍបណ្ដុំសហគ្រាសធុនតូច និងមធ្យម សួនឧស្សាហកម្ម និងសួនវិទ្យាសាស្ត្រ បច្ចេកវិទ្យា និងនវានុវត្តន៍
- ឧស្សាហកម្មទេសចរណ៍ និងសកម្មភាពពាក់ព័ន្ធនឹងទេសចរណ៍
- ការអភិវឌ្ឍតំបន់សេដ្ឋកិច្ចពិសេស
- ឧស្សាហកម្មឌីជីថល
- ការវិនិយោគក្នុងវិស័យអប់រំ ការបណ្ដុះបណ្ដាលវិជ្ជាជីវៈនិងការជំរុញផលិតភាព
- ការវិនិយោគក្នុងវិស័យសុខាភិបាល
- ការអភិវឌ្ឍហេដ្ឋារចនាសម្ព័ន្ធរូបវ័ន្ត
- ការវិនិយោគក្នុងវិស័យឡូជីស្ទីក
- ការវិនិយោគក្នុងការគ្រប់គ្រង ការការពារបរិស្ថាន និងការអភិរក្សជីវៈចម្រុះ និងសេដ្ឋកិច្ចចក្រា
- ការវិនិយោគក្នុងវិស័យថាមពលបៃតង បច្ចេកវិទ្យាដែលរួមចំណែកដល់ការបន្សាំនិងការកាត់បន្ថយការប្រែប្រួលអាកាសធាតុ
- វិស័យនិងសកម្មភាពផ្សេងទៀតដែលមិនមានចែងក្នុងច្បាប់នេះ ក្នុងករណីរាជរដ្ឋាភិបាលយល់ឃើញថាមានសក្ដានុពលដល់ការអភិវឌ្ឍសង្គម សេដ្ឋកិច្ច ។
តាមរយៈការអនុគ្រោះ និងលើកទឹកចិត្តរបស់រាជរដ្ឋាភិបាលនេះ បាន និងកំពុងទាក់ទាញវិនិយោគិនទាំងក្នុង និងក្រៅប្រទេស ឱ្យបណ្ដាក់ទុនជាបន្តបន្ទាប់ដើម្បីទទួលបាននូវការអនុគ្រោះនានាពីរាជរដ្ឋាភិបាល។ ជាក់ស្ដែងចាប់តាំងពីច្បាប់ថ្មីនេះត្រូវបានប្រកាសដាក់ឱ្យប្រើប្រាស់មកឃើញថាមានវិនិយោគិន និងក្រៅប្រទេសជាច្រើនចូលមកសិក្សាបណ្ដាក់វិនិយោគក៏ដូចជាពង្រីការវិនិយោគបន្ថែមជាច្រើនផងដែរ៕
Account
Security
Favourite Content