សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បច្ចុប្បន្នពិភពលោកបាន និងកំពុងងាកមកផ្តោតសំខាន់លើការប្រើប្រាស់ថាមពលកកើតឡើងវិញដែលនឹងផ្តល់និរន្តភាពបំផុតចំពោះជីវិតនៃការរស់នៅក្នុងពេលអនាគត។
រាប់ចាប់គិតពីបន្ទះសូឡាទាញយកពន្លឺព្រះអាទិត្យ , វារីអគ្គិសនី ជាពិសេសការទាញយកថាមពលពីកម្លាំងខ្យល់បក់ដោយប្រើប្រាស់ម៉ាស៊ីនតួប៊ីនធំៗកំពុងមានសកម្មភាពកាន់តែច្រើនឡើងនៅតាមបណ្តាប្រទេសជាច្រើនលើពិភពលោក។
ទោះជាយ៉ាងណាក្តី បច្ចេកវិទ្យាទាំងនោះទាមទារនូវការអភិវឌ្ឍបន្ថែមទៀតដើម្បីធ្វើឲ្យកាន់តែប្រសើរឡើងនៃវដ្តជីវិតក្នុងការប្រើប្រាស់នៃឧបករណ៍ចាំបាច់ក្នុងកិច្ចការងារនេះ ជាក់ស្តែងដូចជាបន្ទះសូឡាដែលអាចមានអាយុកាលប្រើប្រាស់ពី ២៥ ទៅ ៣០ឆ្នាំ និងស្លាបចក្រនៃតួប៊ីនខ្យល់ដែលមានអាយុកាលត្រឹមតែ២០ទៅ២៥ឆ្នាំជាដើម។
ទិន្នន័យស្រាវជ្រាវដោយសកលវិទ្យាល័យអង់គ្លេស The University of Cambridge បានរកឃើញថា នៅត្រឹមបំណាច់ឆ្នាំ២០៥០ប៉ុណ្ណោះ កាកសំណល់ដែលជាស្លាបចក្រ(Blade)នៃតួប៊ីនខ្យល់នឹងកើនឡើងទៅដល់ ៤៣លានតោន ខណៈដែលឧបករណ៍ប្រភេទនេះមិនងាយនឹងអាចបំបែកទៅជាផ្នែកតួចៗយកមកធ្វើការកែច្នៃវិញងាយស្រួលនោះឡើយ។ ប៉ុន្តែអ្វីដែលគួរឲ្យចាប់អារម្មណ៍ និងជឿជាក់ថាវានឹងក្លាយជាដំណោះស្រាយដ៏មានប្រយោជន៍បំផុតសម្រាប់វិស័យទាញយកថាមពលពីកម្លាំងខ្យល់នោះគឺនៅពេលដែលក្រុមការងារមួយរបស់អង់គ្លេសទើបរកឃើញវិធីសាស្ត្រថ្មីក្នុងការកែច្នៃស្លាបចក្រទំហំធំៗទាំងនោះទៅជាស្ពានឆ្លងកាត់ដៃទន្លេ ឬបឹងបានយ៉ាងគួរឲ្យមោទនភាព។
ក្រុមការងារគម្រោងដែលមានឈ្មោះថា Re-Wind បានច្នៃស្លាបចក្រដែលមានអាយុកាលចាស់ៗទៅជាស្ពានដ៏រឹងម៉ាំមួយដែលអាចផ្ទុកទំងន់បានរហូតទៅដល៣៧តោន ឬក្នុងចំនួនមនុស្សប្រមាណជា៥០០នាក់។ ស្ពានដ៏គួរឲ្យទាក់ទាញដែលកើតចេញពីស្លាបចក្រធំៗចំនួនត្រឹមតែ២ប៉ុណ្ណោះ ហើយវាត្រូវបានក្រុមអ្នកអភិវឌ្ឍដាក់ឈ្មោះថា BladeBridge ហើយមកទល់ពេលនេះ Re-Wind បានកសាងជោគជ័យចំនួន២កន្លែងមកហើយនៅក្នុងតំបន់ Cork និង Draperstown ប្រទេសអង់គ្លេស ខណៈដែលមួយទៀតស្ថិតនៅក្នុងគម្រោងសាងសង់នៅឡើយ៕
Account
Security
Favourite Content