ដំណាំសុវត្ថិភាពកំពុងមានការគាំទ្រ និងឆ្ពោះទៅរកស្ថិរភាពទីផ្សារនាពេលអនាគត

ព្រឹត្តិការណ៍, អាជីវកម្មថ្មី និងនវានុវត្ត

ភ្នំពេញ ៖ ដំណាំសុវត្ថិភាព ជាដំណាំដែលត្រូវបានដាំដោយតាមបែបបច្ចេកទេសយ៉ាងត្រឹមត្រូវ ទាំងការដាំ ទាំងការថែទាំតាមស្តង់ដា ចៀសវាងផលប៉ះពាល់ដល់សុខភាពអ្នកបរិភោគ ខណៈដែលដំណាំប្រភេទនេះកំពុងតែមានការគាំទ្រច្រើន ពីសំណាក់ប្រជាជនខ្មែរផងដែរ។

លោក ឡាង សេងហ៊ង នាយកគ្រប់គ្រងក្រុមហ៊ុន រ៉េមិច (REMIC) ដែលមានបោះដុំ និងចែកចាយកសិផលសុវត្ថិភាព និងសរីរាង្គបានប្រាប់ AMS ឱ្យដឹងថា បច្ចុប្បន្នប្រជាជនខ្មែរហាក់មានការយល់ដឹងច្រើនពីបន្លែសុវត្ថិភាព បន្លែគ្មានជាតិគីមី បើធៀបនឹង៥ឆ្នាំមុន ហើយប្រជាជនប្រមាណ ៩០ភាគរយ មានក្ដីព្រួយបារម្ភចំពោះបន្លែមានជាតិគីមី និងប៉ះពាល់ដល់សុខភាពក្រោយពេលទទួលទាន។

លោកបញ្ជាក់ថា ៖

«ចំពោះទីផ្សារបន្លែសុវត្ថិភាព តម្រូវការទីផ្សារនៅកម្ពុជាមានប្រមាណជាង ១លានតោនក្នុងមួយឆ្នាំ បើគិតជាខែជាប្រមាណជាង ៣ ០០០តោន ខណៈដែលលទ្ធភាពយើងផលិតបានត្រឹមប្រមាណ ៥០-៦០ភាគរយ នៅសល់ប៉ុន្មានគឺនាំចូលពីប្រទេសជិតខាង។ ជាមួយគ្នានេះ តាមការសង្កេតយើងឃើញថា តម្រូវការទីផ្សារភាគច្រើនជាអតិថិជនរស់នៅក្នុងទីក្រុងភ្នំពេញដែលមានកម្រិតជីវភាពធូរធា យល់ដឹងពីបញ្ហាចំណីអាហារ និងសុខភាព​»

លោកបន្តឲ្យដឹងទៀតថា ក្រុមហ៊ុនរបស់លោកមានចែកចាយបន្លែសុវត្ថិភាពជាង ៥០មុខ រួមទាំងផ្លែឈើ និងសាច់មួយចំនួនដូចជា ត្រី និងមាន់ ដែលសុទ្ធតែ ជាផលិតផលធម្មជាតិស្រស់ៗ ដាំដុះក្នុងផ្ទះសំណាញ់ គ្មានសារជាតិគីមី និងមានជីវជាតិខ្ពស់សម្រាប់សុខភាពអ្នកបរិភោគ។ កសិផលទាំងនេះគឺត្រូវបានប្រមូលទិញដោយផ្ទាល់ពីកសិករនៅខេត្តមួយចំនួនដូចជា ខេត្តបាត់ដំបង កណ្ដាល កំពត ក្រចេះ ព្រះវិហារ ឧត្ដមានជ័យ មណ្ឌលគិរី និងខេត្តផ្សេងៗទៀតប្រមាណជាង១០ខេត្ត។

លោករៀបរាប់ថា ៖

«ទាក់ទងនឹងកិច្ចសហការ ខាងផលិតកម្មយើងបានសហការជាមួយខាងសហគមន៍កសិករជាង១០ខេត្ត ក្នុងនោះមានសហគមន៍នៅខេត្តបាត់ដំបងមានឈ្មោះថា តាសីសាម្គី ក្រៅពីនេះយើងក៏ធ្លាប់មានគម្រោងផ្សេងៗទៀតផងដែរ។ ចំណែកឯខាងទីផ្សារ យើងមានកិច្ចសហការជាមួយខាងអ្នកលក់រាយ ក៏ដូចជាតាមហាងលក់កសិផលសុវត្ថិភាព និងផ្សារទំនើបផ្សេងៗជាង ៨០ ជាដៃគូ»

លោកបន្ថែមថា ៖

«ក្រៅពីបោះដុំ យើងក៏មានជាហាងលក់រាយផ្ទាល់ខ្លួនមានឈ្មោះថា កូនកាំបិត មានចំនួន២សាខាផងដែរ ដើម្បីធ្វើការចែកចាយបន្លែ ផ្លែឈើ និងសាច់ដល់អតិថិជនដែលនិយមគាំទ្រ»

ពាក់ព័ន្ធនឹងភាពខុសគ្នារវាងបន្លែសុវត្ថិភាព និងបន្លែធម្មតា លោក សេងហ៊ង បានបន្តថា បន្លែសុវត្ថិភាពជាបន្លែដែលដាំតាមស្តង់ដារសុវត្ថិភាព មិនមានសារធាតុពុល ឬគីមីនៅក្នុងបន្លែដែលធ្វើឱ្យប៉ះពាល់ដល់សុខភាពនោះទេ។ ឯបន្លែធម្មតា ដែលកសិករមួយចំនួនដាំអាចប្រើថ្នាំគីមី ឬជីគីមីមានកម្រិតខ្ពស់ធ្វើឱ្យបន្លែមានផ្ទុកនូវសារធាតុគីមីដែលអាចបង្ករផលប៉ះពាល់ដល់អ្នកបរិភោគ។ ជាមួយគ្នានេះ រាជរដ្ឋាភិបាលក៏បានជំរុញ និងលើកទឹកចិត្តដល់អ្នកដាំបន្លែសុវត្ថិភាពដោយមានជាម៉ាកសញ្ញាបត្របញ្ជាក់ពីសុវត្ថិភាព និងមាន Sticker បិតលើកសិផលដើម្បីបញ្ជាក់ផងដែរ។

គួរបញ្ជាក់ដែរថា ក្រុមហ៊ុន រ៉េមិច បានដំណើរការប្រមាណ៤ឆ្នាំមកហើយ ដែលបានចាប់ផ្ដើមដំបូងកាលពីខែមករា ឆ្នាំ២០១៨ ដោយចំណាយដើមទុនប្រមាន ១ម៉ឺនដុល្លារ ហើយគោលបំណងសំខាន់ គឺចង់កសាងប្រព័ន្ធទីផ្សារមួយរឹងមាំសម្រាប់កសិករខ្មែរក្នុងការលក់ និងចែកចាយកសិផលកសិផលទៅកាន់អតិថិជន និងធ្វើការធានាសុវត្ថិភាពផលិតចំពោះសុខភាពបងប្អូនខ្មែរអ្នកបរិភោគផងដែរ។ នេះជាអ្វីដែលនាយកគ្រប់គ្រងខាងលើបានបញ្ជាក់ប្រាប់។

យ៉ាងណាមិញ កិច្ចដំណើរការអាជីវកម្មមួយនេះក៏មានជួបនូវបញ្ហាប្រឈមផងដែរ ហើយការប្រឈមរបស់ក្រុមហ៊ុនខាងលើគឺភាពទៀងទាត់នៃការផលិតផ្គត់ផ្គង់បន្លែ ទោះបីគេឃើញថាមានតម្រូវការខ្ពស់ពីអតិថិជន ប៉ុន្តែការផលិតរបស់កសិករមិនសូវទៀងទាត់ ដោយខែខ្លះសល់ចោល ខែខ្លះបែរជាខ្វះ គឺវាទាក់ទងនឹងការធ្វើផែនការផលិតកម្ម ការគ្រប់គ្រងផលិតកម្ម និងការហ៊ានវិនិយោគរបស់កសិករ។ ក្នុងន័យនេះ ប្រសិនបើកសិករមានការវិនិយោគធ្វើផ្ទះសំណាញ់ អភិវឌ្ឍប្រព័ន្ធបច្ចេកទេសបានល្អ គឺអាចមានសមត្ថភាពផ្គត់ផ្គង់បានច្រើន និងបានទៀងទាត់ថែមទៀត ដែលធ្វើឱ្យទីផ្សារក្រុមហ៊ុនមានភាពងាយស្រួលផងដែរ។ ទន្ទឹមគ្នានេះដែរ តាមរយៈនាយកគ្រប់គ្រងក្រុមហ៊ុនផ្គត់ផ្គង់បន្លែធម្មជាតិខាងលើបានឱ្យដឹងដែរថា ចំណោះការផ្សព្វផ្សាយពីបន្លែសុវត្ថិភាព គឺជាចំណុចមួយត្រឹមត្រូវ ព្រោះការធ្វើអាជីវកម្មលក់បន្លែសុវត្ថិភាពគឺជាគន្លឹះក្នុងការបង្កើនការយល់ដឹង និងពញាក់អារម្មណ៍អតិថិជនឱ្យមានការគាំទ្របន្លែសុវត្ថិភាព។

ក្រៅពីនេះក៏មានយុទ្ធនាការផ្សព្វផ្សាយដល់ប្រជាកសិករឱ្យមានការយល់ដឹងពីការដាំដុះបន្លែសុវត្ថិភាពឱ្យកាន់តែទូលំទូលាយ ហើយជាចុងក្រោយ ចក្ខុវិស័យរបស់ក្រុមហ៊ុនទៅលើការចែកចាយបន្លែសុវត្ថិភាព រ៉េមិច គឺចង់រៀបចំឱ្យមានកម្រង ឬបណ្ដាញអតិថិជនឱ្យបានមួយសែនគ្រួសារនៅទូទាំងប្រទេស ដើម្បីឱ្យក្លាយជាគ្រួសារ ឬសមាជិកប្រចាំរបស់ក្រុមហ៊ុនដែលទន្ទឹងទិញកសិផលរបស់សហគមន៍។ ក្រោយពេលដែលទីផ្សារផ្គត់ផ្គង់បន្លែសុវត្ថិភាពត្រូវបានទទួលការគាំទ្រពីប្រជាជនក្នុងស្រុកច្រើន នោះវានឹងជួយជំរុញកម្រិតជីវភាពរបស់ប្រជាកសិករដែលជាអ្នកដាំដុះមានភាពធូរស្រាលផងដែរ៕


របាយការណ៍ថ្មីៗ

មើលទាំងអស់ ➧

កាណាដា​-​អេមីរ៉ាត​អារ៉ាប់ រួមគ្នា​ជំរុញ​ផែនការ​វិនិយោគ ៥០ ​ពាន់​លាន​ដុល្លារ​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi​ សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

ព័ត៌មានទូទៅ

មើលទាំងអស់ ➧

ត្រឹមមួយសប្តាហ៍បន្ទាប់ពីឧបនាយករដ្ឋមន្ត្រីកម្ពុជាទស្សនកិច្ចនៅ Shenzhen, BYD Sealion 6 EV FLASH Charge Edition តម្លៃ 32,800 ដុល្លារ ប្រកាសដាក់លក់ជាផ្លូវការ

ព្រឹត្តិការណ៍, អត្ថបទពាណិជ្ជកម្ម

• 22/09/2026

ភ្នំពេញ ៖ នៅថ្ងៃទី 20 ខែកញ្ញា BYD បានរៀបចំពិធីសម្ពោធដាក់លក់ជាផ្លូវការនូវ Sealion 6 EV FLASH Charge Edition នៅ BYD & Denza Flagship Showroom ក្នុងរាជធានីភ្នំពេញ។

វៀតណាមក្លាយជាទីផ្សារ EV ធំបំផុតនៅអាស៊ីអាគ្នេយ៍ ខណៈការលក់កើនជាងទ្វេដង

ព្រឹត្តិការណ៍, សេដ្ឋកិច្ច

• 22/09/2026

វៀតណាមបានក្លាយជាទីផ្សាររថយន្តអគ្គិសនី (EV) ធំបំផុតនៅអាស៊ីអាគ្នេយ៍ក្នុងឆ្នាំ ២០២៥ ដោយការលក់រថយន្តប្រភេទនេះកើនឡើងជាងទ្វេដង និងមានចំណែកជិត ៤០ ភាគរយនៃការលក់រថយន្តថ្មីសរុប

ការនាំចេញឥណ្ឌាទៅសមាជិកស្នូល BRICS កើនដល់ជិត ២០ពាន់លានដុល្លារ ក្នុងរយៈពេល ៥ ខែ

ព្រឹត្តិការណ៍, សេដ្ឋកិច្ច

• 22/09/2026

ការនាំចេញរបស់ប្រទេសឥណ្ឌាទៅកាន់សមាជិកស្នូលទាំង ៤ នៃក្រុម BRICS បានកើនឡើង ៣៤ ភាគរយ ដល់ ១៩,៩ពាន់លានដុល្លារ ក្នុងរយៈពេល ៥ខែដំបូងនៃឆ្នាំសារពើពន្ធបច្ចុប្បន្ន ចាប់ពីខែមេសា ដល់ខែសីហា ឆ្នាំ២០២៦

តំបន់​សេដ្ឋកិច្ច​ពិសេស​ថ្មី​មួយ ​​នឹង​លេច​រូបរាង​នៅ​រមាស​ហែក​ ​ខេត្ត​ស្វាយរៀង​ ​នា​ដើម​ឆ្នាំ​២០២៧

ព្រឹត្តិការណ៍, សេដ្ឋកិច្ច

• 22/09/2026

ស្រុក​រមាស​ហែក ​ខេត្ត​ស្វាយរៀង​ ​នឹង​មាន​តំបន់​សេដ្ឋកិច្ច​ពិសេស​ជា​លើក​ដំបូង​នៅ​ដើម​ឆ្នាំ​២០២៧ ​លើ​ផ្ទៃដី​ ​៧៨​ ​ហិកតា​ ​ស្ថិត​នៅ​ឃុំ​អណ្ដូង​ពោធិ៍ ភាគ​ខាង​ត្បូង​ទី​រួម​ស្រុក​ប្រមាណ ៤​គីឡូម៉ែត្រ

អាស៊ាន​ស្រូប​ទាញ​ទុន​ជាង ​២៤៣ ​ពាន់​លាន​ដុល្លារ​ពី​ការ​វិនិយោគ​ផ្ទាល់​ពី​បរទេស​

ព្រឹត្តិការណ៍, សេដ្ឋកិច្ច

• 22/09/2026

ការ​វិនិយោគ​ផ្ទាល់​ពី​បរទេស​ ​(​FDI​)​ ​ក្នុង​តំបន់​អាស៊ាន​បាន​កើនឡើង​ ​៩​,​៧ ភាគរយ ​ដល់​ ២​៤៣​,​៩ ពាន់​លាន​ដុល្លារ​ក្នុង​ឆ្នាំ​ ​២០​២៥​ ​ពី​ ​២​២៦ ​ពាន់​លាន​ដុល្លារ​ក្នុង​ឆ្នាំ​ ​២០២៤​ ​ដោយ​មាន​ការ​ជំរុញ​សំខាន់​ពី​កំណើន​ក្នុង​វិស័យ​ឧស្សាហកម្ម​កែច្នៃ ​និង​ផលិតកម្ម ​

ជើងហោះហើរត្រង់រវាងក្រុងកុលកាតា-សៀមរាប នឹងចាប់ផ្តើមឡើងវិញនៅខែតុលា

ព្រឹត្តិការណ៍, សេដ្ឋកិច្ច

• 22/09/2026

ក្រុមហ៊ុនអាកាសចរណ៍ IndiGo របស់ឥណ្ឌា គ្រោងបើកដំណើរការជើងហោះហើរត្រង់ឡើងវិញរវាងទីក្រុងកុលកាតា (Kolkata) និងខេត្តសៀមរាប ចាប់ពីខែតុលា ឆ្នាំ២០២៦ បន្ទាប់ពីបានផ្អាកជាបណ្ដោះអាសន្នចាប់ពីខែកក្កដា ដល់ខែកញ្ញា ឆ្នាំនេះ

បុរី​ ​៥៦​៥​ ​គម្រោង​រំពឹង​សាងសង់​រួច​នៅ​ចុង​ឆ្នាំ​​២០​២៦ ​ខណៈ​លំនៅឋាន​តម្លៃ​សមរម្យ​នៅតែ​មាន​តម្រូវការ​

ព្រឹត្តិការណ៍, អចលនទ្រព្យ

• 22/09/2026

​គម្រោង​អចលន​ទ្រព្យ​ប្រភេទ​បុរី​នៅ​កម្ពុជា​ត្រូវ​បាន​រំពឹង​ថា​នឹង​កើន​ដល់​ ៥​៦៥​ ​គម្រោង​ដែល​បាន​សាងសង់​រួច ​ស្មើនឹង​ ១៨៤​,​២៤៣ ​ខ្នង​ ​នៅ​ត្រឹម​ដំណាច់​ឆ្នាំ​ ​២០២៦ ​ខណៈ​លំនៅឋាន​ដែល​មាន​តម្លៃ​ក្រោម​ ​១០០​,​០០០ ​ដុល្លារ ​នៅតែ​មាន​តម្រូវការ​ខ្លាំង​ពី​អ្នក​ទិញ​

សហគមន៍​កសិកម្ម​ទំនើប​នៅ​បាត់ដំបង​​និង​បន្ទាយមានជ័យ​ ​ចុះ​កិច្ចសន្យា​ផ្គត់ផ្គង់​ស្រូវ​ក្នុង​តម្លៃ​ ​១​,​២​លាន​ដុល្លារ

ព្រឹត្តិការណ៍, សេដ្ឋកិច្ច

• 21/09/2026

ហគមន៍​កសិកម្ម​ទំនើប​ដំណាំ​ស្រូវ​នៅ​ខេត្ត​បន្ទាយមានជ័យ​ ​និង​ខេត្ត​បាត់ដំបង ​បាន​ចុះ​កិច្ចព្រមព្រៀង​ផលិតកម្ម​កសិកម្ម​តាម​កិច្ចសន្យា​ ​ដើម្បី​ផ្គត់ផ្គង់​ស្រូវ​ជិត ៥​,​០០០​តោន ​ក្នុង​ទំហំ​ទឹកប្រាក់​ប្រមាណ​ ​១​,​២​លាន​ដុល្លារ ​ជាមួយ​ក្រុមហ៊ុន​ ​បៃតង​កម្ពុជា

ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ

Top News, ព្រឹត្តិការណ៍, សេដ្ឋកិច្ច

• 21/09/2026

សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។

កំណើន​ការ​វិនិយោគ​បង្កើតតំបន់​សេដ្ឋកិច្ចពិសេស​នៅកម្ពុជា​កំពុងមានទំនោ​រ​កើនឡើង​ខ្ពស់​

ព្រឹត្តិការណ៍, សេដ្ឋកិច្ច

• 21/09/2026

ភ្នំពេញ ៖ ក្នុងរយៈពេលប៉ុន្មានឆ្នាំចុងក្រោយនេះ កំណើននៃការវិនិយោគបង្កើតតំបន់សេដ្ឋកិច្ចពិសេសនៅកម្ពុជាមានការកើនឡើង​ជា​បន្ត​បន្ទាប់ ដោយសារតែវិនិយោគិន​បរទេស​កាន់តែច្រើន​បានជ្រើសរើស​យកតំបន់​សេដ្ឋកិច្ចពិសេស​ធ្វើជាទីតាំង​វិនិយោគរបស់ខ្លួននៅតាមបណ្ដាខេត្ត​មួយចំនួនដែលមានសក្ដានុពល និងស្របតាមចក្ខុវិស័យនៃគម្រោង ។​ យោងតាមរបាយការណ៍របស់​ក្រុមប្រឹក្សាអភិវឌ្ឍន៍កម្ពុជា​បានបង្ហាញថា​ គិតត្រឹមដំណាច់ឆមាស​ទី១ ឆ្នាំ ២០២៦ នៅទូទាំង​ប្រទេស​កម្ពុជា មានតំបន់​សេដ្ឋកិច្ចពិសេសសរុប​ចំនួន ៦៥តំបន់ ​ក្នុងនោះ​ ៣៩ តំបន់កំពុងមានសកម្មភាព​ ជាមួយនឹងដើមទុនវិនិយោគសរុប​ប្រមាណ ៥,៥ពាន់លានដុល្លារ ហើយក្នុងចំណោម​តំបន់សេដ្ឋកិច្ចពិសេស​​ដែល​កំពុង​មានដំណើរការនេះដែរ