សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ លោក Elon Musk បុរសកំពូលមហាសេដ្ឋីរបស់ពិភពលោក និងទើបទទួលបានកិច្ចការងារថ្មីជាទីប្រឹក្សាផ្ទាល់របស់ប្រធានាធីបតីអាមេរិកផងនោះ ត្រូវបានគណៈកម្មការមូលបត្រអាមេរិកហៅកាត់ថា SEC ធ្វើការកោះហៅសាជាថ្មីករណីប្តឹងផ្តល់តាំងតែពីដើមឆ្នាំ២០២៥។
ដីកាកោះហៅព្រមទាំងឯកសារដទៃទៀតត្រូវបានបញ្ជូនទៅដល់ការិយាល័យកណ្តាលនៃក្រុមហ៊ុន SpaceX ដែលស្ថិតនៅក្នុងទីក្រុង Brownsville រដ្ឋតិចសាសតាំងតែពីថ្ងៃទី១៤ ខែមីនា និងកំណត់ឲ្យធ្វើការឆ្លើយតបនៅត្រឹមថ្ងៃទី៤ ខែមេសា ឆ្នាំ២០២៥ ខាងមុខនេះ។
ករណីប្តឹងដោយ SEC បានធ្វើឡើងកាលពីខែមករាមកម្ល៉េះ ដោយចោទប្រកាន់ថា លោក Elon Musk បានខកខានក្នុងការបង្ហាញភាគហ៊ុនពិតរបស់លោកដែលមាននៅ Twitter តាមកាលកំណត់ក្នុងគោលការណ៍ច្បាប់វិនិយោគ។
កាលពីឆ្នាំ២០២២ មុនពេលទិញបណ្តាញសង្គមនេះ ភាគហ៊ុនរបស់លោក Musk នៅជាមួយនឹង Twitter មានរហូតដល់ទៅ ៥ភាគរយរួចទៅហើយ ប៉ុន្តែលោកមិនបានធ្វើការប្រកាសជាផ្លុវការអំពីទំហំវិនិយោគនេះឲ្យទាន់ពេលវេលា និងបន្តយឺតយ៉ាវដល់ទៅ១១ថ្ងៃក្រោយកាលកំណត់ទៀតផង។
យ៉ាងណាក្តី នៅឆ្នាំដដែលនោះ លោក Musk បានចំណាយលុយ ៤៤ពាន់លានដុល្លារទិញយក Twitter ហើយប្តូរឈ្មោះវាទៅជា X និងបានធ្វើឲ្យអ្នកវិនិយោគជាច្រើនខាតបង់ប្រាក់ជាច្រើនតាមរយៈការលក់ភាគហ៊ុនរបស់ខ្លួនចេញក្នុងតម្លៃធូរថ្លៃ។
គួរឲ្យដឹងដែរថា គោលការណ៍ច្បាប់របស់ SEC តម្រូឲ្យអ្នកវិនិយោគនានាក្នុងការដាក់បង្ហាញជាផ្លូវការនូវទំហំនៃការវិនិយោគរបស់ខ្លួនក្នុងរយៈពេល១០ថ្ងៃ។ សម្រាប់ករណីរបស់លោក Musk គណៈកម្មការមូលបត្របានកំណត់យកត្រឹមថ្ងៃទី២៤ ខែមីនា ឆ្នាំ២០២២ ប៉ុន្តែលោកបានខកខានទៅដល់ដើមខែមេសាដើម្បីប្រកាសតម្លៃភាគហ៊ុននៅ Twitter។
មកទល់ពេលនេះ ទាំងលោក Musk និងមេធាវីរបស់លោក នៅមិនទានចេញមកធ្វើការឆ្លើយតបណាមួយចំពោះអ្នកកាសែតនៅឡើយទេ ខណៈដែលអ្នកនាំពាក្យរបស់ SEC ក៏បដិសេធមិនបកស្រាយអ្វីបន្ថែមនៅឡើយដែរ។ នេះបើយោងតាមការចេញផ្សាយរបស់ CNA៕
Account
Security
Favourite Content